جزاكم الله كل خير
اخوي ABUSANAD
بحاول اقنعه يطبق اللي ذكرته مع انه صعب
ومساعدتك ماراحت هدر انا اطبقها على نفسي وان شاء الله الله يستجيب دعائي ويهدي زوجي ويداوم عليها
..............................................
اقتباس:
الكاتب منادي 28
أختي اسئل الله أن يهدي زوجك تقولين أنه مقصر في الصلاة . إذن هذه هي المصيبة.
والمشكلة التي هو فيها الآن سببها عدم الإرتباط بالله والأخوان والأخوات يقولون: الأذكار لابد يقرأها قبل أن ينام . كيف يقولها وهو مقصر في الصلاة الصلاة أهم أهم
|
اخوي منادي هو يصلي بس في البيت ويجمع في الصلاه واحس انها بدون خشوع وماتقبل منه للي نشوفه منه بصلاته
بس عزائي الوحيد انه للحين معترف فيها واهم شي مايتركها نهائي وفعلا مثل ماقلت اهم شي الصلاه اذا انصلح حاله معاها بتنصلح جميع اموره
وان شاء الله راح استمر بنصحه وجزاك الله خير
..............................................
عزيزتي حرم المرزوقي
جزاك الله كل خير على الدعاء
.................................................. ..
اقتباس:
الكاتب Abo marym
يا اختى الا تعلمى سبب ما يعانى منه زوجك
سبق وقد كتبتى عن موضوع صورك فى جوال زوجك
وانه دائما ما يحب مشاهدة المقاطع السيئة من اصدقائة
ومشاهدة القنوات الخارجة عن التقاليد
وعدم الالتزام فى الصلاة واشياء اخرى
نسأل الله ان يتوب علينا ويغفر لنا ويهدينا
يا اختى هذه هى اسباب ما يعانى من احلام مفزعة وقلق وكوابيس
يا اختى كلمية ان يهتدى ويرجع الى الله
حتى يبارك له الله فيك وفى ابناءه ويحفظهم له
كلنا نخطأ ونسأل الله ان يغفر لنا ولكن المداومة على المعصية شىء خطير
|
يا خوي ابو مريم ماعدت اعرف شي واذا كان له علاقه فحسبي الله ونعم الوكيل على من كان السبب في اللي يصير له والله يصرف شلة السوء عنه ويهديه ويصلح حاله
سبحان الله كل هالفوضى بسبب البعد عن الله انزين وليش هو مايعاني او يحس انه بمشكله ليش ساكت
مع انه اكثر كلامه اذا عصب او زعل يبين فيه انه عايش بهم وجحيم لأنه يقول الله يلعن اليوم اللي جيت فيه والله يلعن ويلعن .. والله ياخذني .. ومن وين جاني البلا .. انا ايش اللي صار لي.. انا انتهيت ..خلاص انتهيت وتمتمات كثيره لحظه مايعصب او يزعل وكلها سب وسخط من حياته وممكن تظهر فجأه ويكون موقف مايستدعي كل هالثوران وكل هالعصبيه واللعن والسب الكبير
بس بيرد يهدي اعصابه وهو يسب بمصطلحات سب وشتم عمرها مامرت علينا من شدتها ويدخن بشراهه ويرد يتفرج على القنوات او يطلع من البيت
صاير مزاجي بس ماعمره قالي انا متضايق او حاس بشي غلط بالعكس مكيف حياته بهالوضع نوم وتدخين وقنوات مو خلاعه ( لاني منعتها والا مايمانع ) بس قنوات افلام واغاني وماتخلو من آثام
وكله في البيت الا بعض الاوقات يرد فجأه يسهر برع البيت وبعدين ياليت قعدته في البيت بفايده معانا الا باللي ذكرته بس وبالعافيه يهتم لأمور البيت
والكوابيس انا اللي اعاني منها هو مايتذكرها وقليل الكوابيس اللي يتذكرها وعمره ماشتكى منها الشكوى مني انا !!
بس فعلاً زوجي ماله الا يقرب من الله وان شاء الله ينصلح حاله
وجزاك الله كل خير على الدعاء
.................................................. ...............
صوت الحكمة .... حبيبة بسام ... رحيق الجنان ...
جزاكم الله كل خير
__________________
.................. رفقاً بالقوارير .....................
21-01-2008, 02:00 PM
ضوابط المشاركة
العرض المتطور