اخي حالي كان متلك
مريت بفترة هيك قبل زواجي
كنت اجلس عالنت طول الوقت
اعمل بريك فقط لاساعد امي في البيت بالغصب طبعا
وللغدا
والصلاة والنوم
وصرت عالاخر معزولة
وابي كان ملاحظ وصار يعطيني محاضرات عن ادمان النت ومخاطره وكل ميجي برنامج عالتلفزيون بيحكي عن ادمان النت
بيقلي هادا انت اكيد
انا كنت وقتها زهقانة جدا
خريجة وقاعدة مش لاقية شغل رغم انو معدلي جيد جدا
ومافي عريس ومافي شي
فكنت اهرب من الواقع
لكن رجعت لنفسي
وتغيرت شوي
يعني كنت اقعد كتير لكن خاصة فترة الظهر والصبح وقت الكل في شغلو والمدرسة والجامعة وماحد فاضي يقعد معي اصلا
اختي كانت تقلي
انت اكيد يوم عرسك وانت عالكوشة حيصير عندك حالة هستيريا وتقولي بدي كمبيوتر بدي انت جيبولي نت هلأ
وتتركي عريسك و تروحي للكمبيوتر
لما خطبت انشغلت طبعا وفرحت
واهملت النت شوي
وصارت امي تقلي
يااه سبحان الله الي خلى هالكرسي يفضا (قصدها كرسي الكمبيوتر)
وكانت تقول هيك لزوجي كمان ههه
بكرة بتنشغل
طيب انت مابتزاكر؟؟؟
انا بندم انو كنت اطنش اهلي عشان النت
لانو تغربت بالاخر ونفسي بيوم من ايامهم بس واضل بقربهم ومااطنشهم
رغم اني مرتاحة بزواجي
لكن الاهل غاليين جدا
استغل الفرص وجالسهم كتير
حرام الهم حق
بيقولو احنا ربيناه وكبرناه ولما اعتمد عحالو خلص طنشنا
هيك يمكن يفهمو
انسى النت شوي
يعني اقعد مع ابوك وامك والله كويسين وبحبوك
موفق اخي
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت
16-01-2008, 09:31 AM
ضوابط المشاركة
العرض الشجري