أخي الفاضل:

بالنسبه لي.. لو أعطيت زوجي المجال.. كل يوم والثاني بيزعل لي من شي وبيسويلي قصه.. لأت في ناس شخصياتهم "زعوله"، إسمحلي أخوي بس إنت شكلك من هالنوع.. يمكن لأنك تبي تلفت إنتباهها لك..
يمكن هي تسوي هالشي حتى ما تعطيك مجال كل شوي تزعل وتسوي لها سالفه..

وحتى لو قعدتوا 10 سنوات وهي ما قالت لك أنا آسفه فيها غير مرتين.. مافيها شي.. طالما متفاهمين وطالما في اعتذارات بطريقه غير مباشره..
وهي عارفه غلاها عندك وإنك دائما بترجع لها.. وهذا مافيه شي.. لأنه ماجابته من برا.. إنت اللي عودتها عليه..صح؟

و برأيي إنك قاعد تترصدلها.. يعني بصراحه بينك وبين نفسك.. كم معدل الزعل بينك وينها كم مره بالأسبوع مثلاً؟

عموماً.. إذا إنت لقيت هالكلام مو فيك ومو صحيح بالنسبه لك.. فأنا أنصحك بما نصحك به إخواني واخواتي من تطنيشها..

والله يجيب لك الخير

__________________

	* ليس من الضروري أن تنال ما تشتهي.. يكفي أن تكون قادراً على ذلك ** لا تصفق الباب خلفك.. فقد تضطر للعودة منه *** إن أول خطوة لتحقيق الحلم.. هي الإستيقاظ من النوم أختكم: دندووون