ياعيني عليك ياغالب

أخوى حل مشكلتك موجود فى توقيع الغالب وهو صادق والله

وانا حاس فيك والله وما اقول غيرالله يعينك واضح ان زوجتك دلوعه ولا انت رجال بس يبي لك تشد معها شوي وتخلى الطيبه على جمب اصبر ان الله مع الصابرين والمليون مره الى فكرت فيها تطلق ترى الشيطان كان يفكر معاك وسع صدرك بتنحل ان شاء الله

تحياتى لك

الحين زوجتك في بيت أهلها من كم يوم ....؟؟

وهل حاولت تتصل فيك ..؟؟

وهل أنت من أخذها الي بيت أهلها ؟؟

__________________

والله شف يا اخي الكريم
البلا فيك انت...

نعم فيك انت
ولا اوئيد اي حل مما سبق الا اذا انت سويت اللي بقول لك عليه هنا ..علشان بعدين ما يكون لها اي عذر في التقصير...وتكون رايتك بيضاء


ليش انت ما تكون فهيــــــــــم وشاطر


[blink]وتنسيها اللي خلفوها؟؟؟؟؟[/blink]

بس بالحسنى مو بالطقاق والضرب والاهانه

انت مخلي لها فرصه تفكر في اهلها

(الوحده لما ما تحس ان زوجها هو دنيتها واخرتها وهو اهلها وطوايفها وكل مالها.. شي طبيعي تظل متعلقه بأهلها)

بسم الله نبتديء المرحله السلميه

اولا : ممكن تسوي هالحركه...
اقطع تلفون البيت ...تقدر تقول خلل او تعطل او نسيت تسدد الفاتوره او او او...خلها تنسى التلفون...والا اقول لك اقطع الصفر ..اكيد هي تكلم اهلها بالصفر..

الجوال اذا عندها وصها انها تقتصد في المكالمات لأنك مزنوق شويه في الماده ...(ياليت ينقطع هو كمان ولو فتره بسيطه بس مو اقل من كم شهر...جد اتكلم والله وخلها تكتفي بالتلفون ولو انه مافيه صفر اهم شي انها لما تحتاجك لطاريء لا سمح الله تلقاك..فهمت قصدي؟)

خصص يوم في الاسبوع تقضونه برا تماما هي ما تسوي شي ...قل لها هذا يومك...يكون كل اسبوع

فاجئها بهدايا قل لها مشتاق لإبتسامتك وفرحتك ...عاد انت ومقدرتك الماديه..حتى لو تخليها تختار هي هديتها..

اكثر من امساك كفها اذا طلعتم وحتى بالبيت ..(ولما تضطر تفك يدها قل : للأسف رح انحرم من نعومتك شويه..وارجع امسكها لما تقدر...هالحركه لها تأثير ما تصدق قد ايش في الانثى فما بالك بزوجتك!)


فاجئها ببوسات فجائيه ...وياليت تحسسها انك تختلسها اختلااااااس علشان لا احد يشوفك من العيال..

فاجئها بمكالمات على البيت من دوامك قل لها طريتي على بالي ومشتاق لك ..متى يخلص الدوام بس..

فاجئها برسايل على الجوال ( انتي شاغله بالي دايما بحبك)....وحط لها اسم ملتهب جدا في جوالك وخلها تكتشفه بنفسها..


اكثر من كلمات الحب بينكم.... ياقلبي يا حبي ومن هالكلمات


خلها تقول انك تغيرت خلها تقول اشفيك طبيعي او لا خلها تقول اللي تقول...وجاوبها مو عيب الواحد يتغير
(للأحسن)
اياكي اعني فاسمعي يا جاره

قل لها ...تتخيلين حياتنا لو اننا ما خلفنا وجبنا عيال؟ اتوقع اني بأكون متيم فيك على طوووووووووول
(حسسها ان العيال مو نقطة ضعف عندك بهذي الجمله علشان هي تعيد حساباتها وانك احيانا تتمنى انكم ما خلفتم ..لا لشيء الا لتكونون في حب متواصل 24 سااااااااعه...طبعا مستحيل هذا يصير ولكن خلها تندوش ان العيال ابدا مو نقطة ضعف عندك)


قل لها اخاف اكون مقصر معاك والا حاجه...(واسمعها ايش هي بتقول..وهي بتفهم مع الوقت انك ملك في التعامل وهي بتحااااااول انها ما تقصر ان شاء الله)

وقيس على هذي الافكار


اذا ما تأثرت نبدى المرحله التاليه وهي البدء بالتكشير عن الانياب..

سمعها قصص ان فلان تزوج وفلان يفكر ...وانه انتشر وان الظاهر الرجال خلاص ما عاد فيهم صبر
(علشان هي تفهم قد ايش هي في نعمه معك...وتحاول انك ما تطير من يدها)


اذا مرررررررره مافاد معها ابدا

ابدا غير الموجه...لمرحله اكثر شراسه( الله لا يصدفني عليها ..ولا يحوجك لها)

خل العيال يومين ثلاثه عند اهلك..بدونك وبدونها
قل لها: والله الواحد ما يدري ايش يصير بكره يمكن يحتاجون الجلسه عند اهلي

خلها تفكر ايش قصدك ولا تعلمها..

والا افصح لها بمكنونات الفؤادكالتالي..

يا اما اني اتزوج واروح شهر عسل
يا اما انك زعلانه عند اهلك والا طفشانه وانا خلاص ماني موديهم معك
ومن هالكلام اللي يهز البــــــــــــــــدن

سمعها انك مقبل على مشروع سري وانك تحوش له فلوس ولابد انها تقتصد في طلباتها...

وقيس عليه

بعد كذا كمان ما استفادت..خلاص نديها ع المكشوف
خلاص ابدا بتعييشها في مود انك فعلا جالس تدور وحده تتزوجها...وحسسها انها احسن منها في كل شي وعندها اهل وعزوه بس
( انها تحب تتزوج وتنستر وتهني اللي بيتزوجها وتريحه )

اخترع مكالمات ولو وهميه انك تبارك لناس من زملاك انهم تزوجوا..وقول (الله يكتب لنا مافيه الخير...والله يارجال الواحد احيانا يفكر بالثانيه والعاشره كمان خلها على ربك بس)

لا تنسى تجي تبشرنا انها ان شاء الله تغيرت من اول الحلول (اقصد السلميه )

دعواتي الصادقه لك

__________________
[/IMG]

المشكلة واضحة... من كثر ما تفكرك بتموت عليها تمادت وركبت راسك


علشان جدي اثقل وحسسها لو بالتمثيل انك مو مهتم.. ما انصحك تكرهها ابدا بالعكس هذي زوجتك وبحكم انها كانت صغيرة لما اخذتها

يعني شوي اصبر عليها

بعد مسكينة 17 سنه و مباشرة اولاد ومسؤوليه شوي صعبة يا اخي

علشان جذي انصحك تتجاهلها شوي وراح تحس بقيمتك وبتندم

ساعتها هي الي راح تركض وراك مو انت


بالتوفيق اخي

المشكله واضحه اخي الكريم
البنت صغيره بالعمر وجاها عريس لقطه ويحبها وتحبه فتزوجتوا الله يهنيكم ببعض

ثم بدات المضغوط عليها انت مشغول بشغلك (تداوم 12ساعه متواصله ) ومسئوليه طفلين ومدينه جديده عليها
واتوقع ماتعرف تدبر شئون منزلها لصغر سنها حين الزواج
فهي حاولت تجمع بينك وبين معيشتها عند اهلها وهذا الي صار طوال السنوات السابقه لدرجه ان اطفالك المساكين يحسبون ان هذا الوضع الطبيعي وهنا الخطر
اخي الكريم كلاكما تزوج صغيرا وانت تهاونت معها لانك تريد ذلك فهو يخفف عنك بعض المسئوليات
والان انت كبرت ونضجت وبدات تدرك ماحدث والحمدلله الاضرار بسيطه جدا
فانت وزوجتك مازلتوا متحابين ولاتدع للنساء سواء امك او اختك او امها او اختها مجال لتفريق بينكم فالنساء تحب تصيد بالماء العكر دائما انتبه وانا اختك

رأي والله اعلم ان زوجتك من نفسها اوتحريض من غيرها تتوقع منك ان تنقل لمدينه اهلك واهلها واملها بذلك كبير جدا لذلك ماحاولت تتأقلم مع وضعك لانه بنظرها وضع مؤقت
وهي وااااااااثقه جدا من حبك لها وعدم تخليك عنها

الحل اذا طلب نقلك لايؤثر على عملك او استقرارك وزواجك فانقل ليه لا؟؟؟
مع ان البعد عن اهل الزوج والزوجه افضل من وجه نظري بشرط ان كلا الزوجين يعوض الاخر عن اهله وبيئته السابقه

عموما هذا الي عندي والاخوان ماقصروا اقتراحاتهم حلوه خصوصا اختي مشكلتي اصدق
أهم شي انت اقترب اكثر من اطفالك حتى لايحل احد خوالهم او اي غريب محلك فانت ابوهم الوحيد لازم يدركون هالشي
اسال الله ان يجمعك بزوجتك واطفالك ببيت واحد طول العمر

__________________
[type=31162]يقول ابن القيم رحمه الله / من احب شيء غير الله عذب به


الكلمة الطيبة صدقه
العمـــــــــــل صدقه
الإبتسامه صدقه[/type]

الله يفرج همك يارب

__________________

انت عرضت مشكلتك وفكرت فيها واردت لها حلا هل فكرت يوما في مشكله زوجتك وشكواها من الوحده والملل صدقني اخي اها ليست بالهينه بل تفتح نار جهنم علي البيت وتدعو الشيطان من اوسع ابوابه الواحده فينا تحس انها انتقلت من بيت ملئ بالحيويه والحرجه والزيارات والاهل الي بيت عزله وحيده ما تلاقي حد يهتم فيها ولا يشاركها وقتها ولا تغير جو طبيعي انها تزهق وتحب تروح بيت اهلها حاسسها انك حاسس بيها وانك مهتم بحل مشكلتها وبالحب والود انك ما تقدر تستغني عنها تودد اليها اعملها جو من المفاجئات والهدايا والحب والكلمات والغزل والليالي الرومانسيه والاشواق وانت بالبيت وانت بالخارج خلي الاولاد عند اهلك او اهلها ليله او ليلتان وتعشي معها عشاء فاخر في مكان رومانسي واقضي معها ليله احباء بالبيت تكون لها ذكري اشياء كثيره ممكن تفعلها تجعلها تشعر انها علي قيد الحياه وان البيت دافئ مفعم بالحيويه وعندما تذهب الي بيت اهلها وترفض العوده تددل عليها وقلها ان البيت سيئ من دونها وانه ليس فيه هواء تستطيع ان تتنفسه دون نفسها فيه وأوكد لك اخي العزيز ان هذه الخطه ستغير مجري حياتك انا ظروفي كانت مشابه لزوجتك من حيث الوحده لكن اهلي كانو قراب مني لكني لا كنت اري زوجي يقضي كثيرا في عمله ويرجع البيت مهلك يا دوب يقضي ساعه بالعاافيه وينام وكنت ما الاقي منفذ غير اني اروح عند اهلي والله عدت علي ايام كرهت فيها شكل شقتي وكرهت ادخلها كنت احسه زي البيت المهجور ما في روح ولا حيا لكن الحمد لله الحال تغير ولا لجأ الي التهديد في الوقت الحالي قبل ان تستخدم الليونه اولا واسأل مجرب واسأل الله ان يهديكم لبعض ويلم شملكم علي خير وحب وارجوك حاول تجرب نصيحتي وبلغنا بالنتيجه والله يعينك ويوفقك

اسمحلي اخوي اقولك هذا جزى من تزوج من غير رضى اهله ولاتزعل مني بس انت عطيتها وجه كثير وكبرت راسها وحسستها انك ماتستغني عنها ابد خلك حازم وشديد معاها حرمتك دلوعة ويبغالها واحد يديها على راسها طنشها وقوي قلبك وقولها انك بتتزوج عليها وبتاخذ الاولاد منها وشوف وش بتسوي
الله يرجعها لك ويسعدكم
العفو منك اذا طولت لساني عليك بس من جد انقهر لما اشوف زوجين الحب والاحترام يكون من طرف واحد منهم والثاني شايف نفسه

__________________
اللهم لك الحمد حمدا كثيرا