اختي اول شي الحمدالله على سلامتك ومبرووك ماجاك وان شاءالله يتربى بعزكم
للشعر انصحك نصيحه من أخت لأختها ابتعدي عن الهايلايت والمخصل ومادري وش والله والله دمار للشعر وأسالي مجرب
لكن دوري لك صبغه بني فاتح واذا كان شعرك طبيعته بني تقدري تصبغي اسود لان بصراحه يهبل على المكياج وحتى طالعين الحين بحناء الوان منها لون ومعالجه للشعر ..أنتي استخيري وشوفي وش بينفع معاك .. واي قصة مدرج ومخصل بيطلع حلوو
وإما للجسم انصحك تجيبين عليه فازلين وجليسوليد وملعقتين ليمون ومن اليوم كل يووم قبل النووم حطي للجسمك كله بيعطي نعومه وطراوه وتفتيح بعد(ولبشرتك من اليوم حطي لها هالخلطه ملعقه عسل وملعقه زبادي لمدة نصف ساعه بتفتح بشرتك وبيشيل التعب ومافي أحلى من الطبيعي ولاتتكاسلي صدقيني لو شفتي النتيجه بتجنني حتى مفيد للسواد العيون )
واتمنى افدتك بشي
تحيتي
__________________
أعذروني على الانقطاع في الفتره الماضيةاوحتى في الفتره القادمه فظروفي ا لاتسمح لي بالمتابعه
المستمره..ولكن تأكدوا اني معكم وازور المنتدى كثيرا..فأنا أتابعكم حتى وإن لم أكتب رد أو موضوع..ودائما ما أؤمن بأن تأكيد التواجد.يكون في قيمة الرد وليس بعدد الردود...
ودمتم ((الــــهـــــــم سابقـــــــاً )) لاتنسوني
بالنسبة للقصة فأنا تعجبني الفراولة على الشعر القصير وممكن تقص على طول الشعر الطويل ويسمونها في هذه الحالة الأناناسة
أما الصبغة انصحك بلون الشوكلاتة راااائع ومعها خصل هايلات في نصف الرأس العلوي فقط يعطي منظر رائع جداااا
أما بالنسبة للجسم المفروض من أول النفاس تعتني بالتدهين بالزيت وبالحلسرين مع الليمون
و حاولي حالياً تسوين كم مرة حمام مغربي بنفسك في البيت علشان يفتح سواد الحمل ويخف واستعملي يومياً صابون الغار للجسم.
شاكره لكم ردودكم المفيده ويعطيكم العافيه افدتوني الكثير
بالنسبه للقصه فجميعكم اتفقتو على الفراوله سواء قصير او طويل وهذي قصه حلوه دائما اقصه .
بالنسبه للصبغه انا جربت البنفسجي الغامق وجرب البني الشوكولاه وجربت الاشقر مع خصل ثلجيه وجربت اخلي شعري عاادي طبيعي حنا بس وشعري لونه بني غاامق لكني لي سنه وانا مخليه شعري بدون صبغ فانا مليت اللون فما بالكم بزوجي وبالنسبه للالوان الناريه يعجبني الاحمر بس احس انه صار قدييم مع انه حلوو فايش رايكم وايش احط معه خصل لان الخصل حلوه برضه فيه تخصيل يجي الوان كثيره انا عاجبتني هالحركه بس وش احط الوان .
بالنسبه للكريمات انا عارفه اني متاخره وكثيييير بس نلحق على الاخر وخلال هالفتره اللي مرت كنت اتستعمل زيت الاطفال بيبي جونسون واحيان زيت زيتون .
وشكرا لكم على الخلطات للجسم والبشره وكلهم سهلات وحلوات مافيهم تعقيد الله يعينا ونستمر عليهم .
اختي ام جمانه اذا امكن ومافي كلافه كيف اسوي الحمام المغربي في البيت خاصه انه في المشاغل غالي وماتأمنين المكان .
طبعاً لااشجع عمله في الصالونات أبدااااااااااا لأنه من هتك الأستار
ومن هتك الأستار أن تضع المرأة ثيابها في غير بيت زوجها .
ولذا لما دخل نسوة من أهل الشام على عائشة رضي الله عنها فقالت : أنتن اللاتي تدخلن الحمامات ؟ قال رسول الله صلى الله عليه وسلم : ما من امرأة تضع ثيابها في غير بيتها إلا هتكت الستر فيما بينها وبين الله عز وجل . رواه الإمام أحمد وغيره
عندي لط طريقة سهلة جداااااااا حتى لو ماعندك بخار
اشتري صابونة الغار من العطار بزيت الزيتون لونها أخضر وهي مكعبة
وغسلي جسمك بماء ساخن بالدرجة اللى تتحمليها
وبعدين ضعي الصابون على سائر جسمك ماعدا الوجه وإذا وجهك مو حساس تقدري تحطي فيه بس لاتفركيه
واجلسي في الحمام لمدة ربع ساعة لو فيه بخار أفضل ولو مافي مو ضروري حرارة الحمام بتعرق جسمك
تقدري تنشغلي وتمرري الوقت ...(دعكي الجدران نظفيها علشان تمشي الوقت).
وبعد ربع ساعة غسلي جسمك بالماء الساخن تمامااااا ولاتخلي أثر للصابون
وبعدها نشفي جسمك بمنشفة وهاتي الليفة المغربية وتكون ناشفة ودعكي جسمك نفس المنطقة أدعكي فيها من فوق لتحت وبالعكس من تحت لفوق
وبما إنك نفاس فأنصحك تسوينها كل 3 أو 5 أيام وبعدها سويها كل أسبوعين أو ثلاثة أو شهر