السلام عليكم ورحمة الله وبركاته ..
أخي محمد بارك الله فيك ويسر لك الخير وين ماكان .. ورزقك الخير وبعد عنك عيال الحرام ياااارب العالمين وعسى ربي يفرح والدتك فيك ان شاء الله ..

اخي الكريم بما اني في غربه مثلك ومتزوجة فأقدر اجاوبك على اسئلتك ..

- هل الزواج من الفتاة في ظروف الدراسة شيء صحي وايجابي ؟؟ وكيف ستكون حياتنا فيما بعد ؟؟

صراحة الزواج وقت الدراسه للشاب وفي سن صغير جداً ايجابي وصحي ومفيد وكل شي زين حطه ..
لعدة اسباب .. اول شي الزوحين يكبرون مع بعض ويتعلمون مع بعض ... ومايكون كل واحد فيهم له فكر مترسخ في مخه ويقدرون يقربون افكارهم لبعض لانهم لسه ماكبروا في العمر وماصارت افكارهم غير قابله للتغيير ..


- هل تهتمين ايتها الفتاة بزوجك شكلا ؟؟ نحيفا كان ام سمينا ؟؟ حتى لو كان مقتدرا ومحبا لكي وقادرا على اسعادك باذن الله ..؟؟

اخوي الكريم .. حديث رسولنا الكريم يجيبك .. اذا جاءكم من ترضون دينه وخلقه فزوجوه .. لو بنت الحلال وافقت عليك معناها انه هي مقتنعه في شكلك .. والحجم مب عائق كبير للزواج .. واذا موضوع الحجم وايد مضايقك فالنوادي الصحية ماتقصر .. او ممكن تستشير الطبيب انه جسمك ضعيف وتبغي علاج له ..

لكن ف النهايه لو البنت وافقت ماراح تعقد هالموضوع ان شاء الله ...
كيف ستنظرين له لو في يوم قصر في حقك ؟؟

اخوي الكريم .. مافي أحد كامل .. اكيد هي بعد لتقصر معاك في يوم .. لكن مب دايما .. كل واحد من الزوجين يسعى انه يرضى الطرف الثاني قد مايقدر .. ومن كثر حبكم ان شاء الله لبعض راح تتغاضون عن القصور ...


أخي الكريم بارك الله فيك ان كنت مقتدر فتوكل على الله ... واختار لك شريكه لحيااتك تفرح معاك على الحلوة وتعينك على المره ...

وان شاء الله لتكبرون مع يعض وبتحققون احلامكم مع بعض .. وربي بيرزقكم كل خير ...

وعلى فكرة ترى عمرك مب صغير سنك مناسب جدا للزواج .. الله يرزقك ببنت الحلال يااارب

بالتوفيق