طبعا كلامك جميل في سيدات بتعمل اكتر من كده بس يارت يتقبل الزوج كده بصدر رحب ويبتسم كمان في وجهها في زوجات كتير اعرفها وبتعمل اكتر من كده والله لا يهون عليه حتي تحيه الصباح لاكن بيعتبر ده واجب عليها وخلاص ولاكنه بيكون طبع في الست وبترضي ربها احلم ايه يمنع كلنا بنحلم

السلام عليكم ورحمه الله وبركاته


موضوع صراحه روعه وياسلام لو نلاقي ناس من جد طبق كذا راح تلاقي الحياة تغيرت 180 درجه للافضل


بس من هالايام يطبق ويشوف ويتعلم سواء من الزوج والا الزوجه



لو نرجع لسيرة حبيبنا محمد صلى الله عليه وسلم تلاقيها مليانه مواقف مثل الى تطلبها بزوجتك واكثر وهو كذلك ماشاء الله موسوعه بتعليم الحياة الزوجيه وكيفيفه التودد لزوجتك كفيكم من هذا كله
(الم يمت حبيبنا محمد وهو على صدر عائشه رضي الله عنها )
وهالكلام من الف واربع ميه سنه



هذا الطلبات الى طلبها الاخ بارد كلها مفروض الزوجه من نفسها تعملها سواء لقته يستاهل او لا لانه زوجها جنتها ونارها وتحاسب على كل صغيرة وكبيرة بتقصير بحقه



ام عن بعض الاخوات والاخوان الى يقولون كيف نعمل مساج لامه

والله الذي لااله الا هو مافيها شي واتقوا الله بردكم ليش يعني مهمز لامه ماهي هذي امه الى تعبت فيه وكبرته الين صار رجال وتزوجك
الى كل وحدة تستصعب ورافضه مبداء تهميزها ماهي هذي امه الى من بداء العالم كلها اختارتك لولدها قطعه منها اغلى من يمشى على الارض على قلبها
ماهو هي الى شافتك انتي الوحيدة من بداء القريبات والصاحبات والجارات انك تستحقين قلب ولدها وتكونين ام عياله
ليش الحين اتكبر واقول احسها صعبه
الحين لو تجي امك وتطلبك تهمزين لها تقولين لها صعبه طبعا لا لانها امك
لكن هي ام زوجك الى هي الان بمحل امك صعبه
سبحان الله ليش والله مستغربه منكم الحين الكبار بالعمر وامهاتنا وامهات ازواجكم هن بركه البيت

طيب عندي سؤال الكل الى قالت احسها صعبه المساج لام الزوج
وبذمتك حطي نفسك بهالسؤال وردي من قلبك مو بس كلام
ان شاء الله اذا بكرة كبروا عيالكم وتزوج مو نفسك زوجه اولدك تهمزلك رجولك اكيد كلنا نفسنا صح والا لا والى تقول غير كذا تكذب على نفسها طيب ليش الحين مستنكرات الموضوع
مانفسك حريم اخوانكم يبرون في امك ويهمزونه ليش مستنكرته على نفسك



يااخواتي الدنيا دوارة ودوام الحال من المحال الدنيا تتغير وبكرة العيال يكبرون وتزوجونهم وتجي زوجه ولدك تقول كل الموضوع متقبلته غير اني اهمز ام زوجي ولاتنسين برو بااباكم يبرونكم اولادكم ليش مودك ونفسكم عيالكم بكرة يبرونك انتي وزوجك خلاص بري امه وابوة وامك وابوك


يااخوتي احمدو ربكم انتم بنعمه مايحس فيها غير الى فاقدة احمد ربكم انكم عندكم ازواج وامهات ازواج اخدموهن حطوهن بعيونكم هن ماهن ماطولت لكم الاعمار اذا لقيتوهم هالسنه او سنتين او اربعه مصيرهم يكبرون ويتعبون ويموتون بعد العمر الطويل يارب بالطاعه ماتكسبون غير الاجر والصيت الطيب



ولو انا منكم الحين اي متزوجه تقراء كلامي تروح اليوم لام زوجها وتهمزها تكسب اجر وتكسب محبتها والاهم محبه زوجها



عارفه اني طولت كثير بالرد بس هالمشكله الاحظها عند حريم عيال بعض قريبنا ياويلهم من الله بالحيل متسلطه على ام زوجها وماتعمل لها شي الله المستعان بس


وارجع اقول لكم لو ماتنسين لها هالجميل طول عمرها وهو انها قدمت لك ولدها هديه وزوج




بس متى تجي ام رجلي وربي لاحطها على راسي من فووووووووووووووووووق:14: :14: :14: والا اوفيها ربع جميلها الى اهدتني ولدها




اما عن مواصفات الزوج وش نبغى منه كثيرة بس اهم شي الدين والخلق ثم الدين والخلق ثم الدين والخلق ويكون بار باهله عشان بكرة عيالنا ان شاء الله يبرون فينا
لان اذا اجتمعت فيه الدين والخلق راح يعمل كل المواصفات الى انا ابغاة فيه واكثر بعد لانه متخلق بااخلاق رسولنا وحبيبنا محمد صلى الله عليه وسلم وهو خير الامه لاهله كان

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك

ماتزعل امي ولاخواتي حتى لو زعلوهااا!!!!!!!


وتسوي لامي مساج!!!!!!!!!!!!!!!!!!!!!!


ياسبحان الله

يعطيكم العافية على الردود
خاصة الأخ حمودي ، والله أنا كنت قاصد مساج للكتوف بس .. حتى قلت خمس دقايق بس .. لأن المساج الكامل يبي له على الأقل نص ساعة ، لكن بعد ماسمعت ردود حمودي وبعض الاعضاء هنا المنتدى ، أقول وش فيها إذا الوحدة سوت مساج لأم زوجها ولا أبوه .. تكسب فيها أجر ، وياليت تقروا ذا الرد كامل
7
7
7

شكرا ً اخوي على هذا الموضوع الجميل .. اللي حسسني اني فعلاً مثالية في تعاملي مع زوجي ,,,,

اقتباس:

1- نبدأ من بداية اليوم كيف تصحيني لصلاة الفجر ؟ .. ماتناديني بأسمي ولا شي .. بس عليها أنها تمسك رجولي وتهمزها ( تسوي لها مساج ) لين تحس إني صحيت ، طبعا ً ذي الحركة أموت عليها في التصحيه تعطي الواحد نشاط غير طبيعي لإنها تحرك الدم خاصة المساج للرجول .

صراحة هذي ما اسويها ,, لكن ان شاء الله راح اجربها من بكرة ,,,,

اقتباس:

2- إذا حست إني صحيت تبى تدلعني وتقبلني ، وتقول لي قوم ياعمري يالله الصلاة .. ومن ذا الكلام ، وإذا كنت تعبان مرررة ومافيني أروح الصلاة .. تبدأ تذكرني بالأجر والثواب وإنشراح الصدر والتوفيق .. الخ .

هذي ولله الحمد طريقتي في إيقاظه ,,,,

اقتباس:

3 - بعد الصلاة أرجع ألاقيها مسويه لي فطور .

مايحب يفطر في البيت يحب يفطر في الدوام ,,,

اقتباس:

4 - قبل لاأروح الدوام تلحقني عند الباب وتضمني وتقبلني وتقولي حشتاق لك ، وتقول لي لاتنسى تحصن نفسك حبيبي ( يعني تقرأ المعوذات وأية الكرسي ) .

مثل اللي اسويه بالضبط ... بس زيادة اقول له البس حزام الامان وأول ما توصل طمني بمس كول ,,,

اقتباس:

5 - بين كل فترة وفترة يعني كل أسبوع أسبوعين .. المهم .. ترسلي لي مسج تقول فيه أشتقت لك متى ترجع .. ؟ ، أو ترسل رسايل حب .

هذي كنت اسويها ,, بس جاني احباط لأنه مايرد علي فتركتها,,, ولم اتركها

اقتباس:

6 - تحط لي رسايل حب في المحفظة .

سويتها كذا مرة و اعجبته جداً ...

اقتباس:

7 - إذا رجعت البيت تسبقني قبل لا أروح لها وتضمني وتقبلني وتقولي أشتقت لك ، وتقبل يدي وراسي أو يدي بس < يموتوا في تقبيل اليد الرجال .

هذي بعد الحمد الله اسويها ... بس الفرق تقبيل الخد ...

اقتباس:

8 - إذا قعدت معها تقول لي الأخبار اللي أحبها مثلا ً لو كنت أحب الأخبار السياسية .. تقول لي أخر الأخبار أو مثلا الأخبار الرياضية تقولها لي وتشاركني في هوياتي .

اتابع معه كل اخبار الرياضة .. حتى نتائج المباريات احيانا أنا من يخبره بها ...
واشاركه هذه الهواية,,,

اقتباس:

9 - إذا بغتني أطلعها السوق تجي تتدلع علي .. طبعا ً أنا ماراح أستحمل وراح أوديها السوق غضب عني .. طبعا ً ألا إذا كنت مشغول أو عندي شي .. بس بوديها في أقرب وقت .

هذي ما اسويها ,,,

اقوله له على طول .. ومايقصر يوديني حتى لو كان مشغول ,,,

اقتباس:

10 - تهتم في أمي وأخواتي وتخليهم يحبوها ، ودايم تجيب لهم هدايا ، وماتزعل أمي ولا أخواتي أبد .. حتى لو غلطوا عليها .. تجي تقول لي أخواتك غلطوا علي وأنا راح أراضيها .

هذي الحمد الله بالضبط اللي اسويه ,,

اقتباس:

11- ودايم تسوي لأمي مساج لو لخمس دقايق أهم شي أبي أمي تحبها .

هذي يمكن تضحكون عليها شوي ... ما امسج عمتي لا ,, اقوم ببعض الاهتمامات التجميلية كازالة الشعر الزائد عن الوجه (( لا اقصد هنا النمص )) والنساء أخبر بما اقصد ...

اقتباس:

12- دايم إذا قعدت على الأنترنت ولا قعدت أتفرج على التلفيزون أبيها تجي تلصق فيني وتقبلني

.

اسويها بس زوجي ما يعطيني وجه ابداً ,,, بالعكس يتملل ويزعلني

اقتباس:

13 - أبيها مبتسمه على طول .

لا اعتقد ان هذه رغبة واقعية .. فلا يعقل ان نبتسم على طول 24 ساعة ...

اقتباس:

14 - إذا كان عندها مشكلة ماأبيها تقول لي أيها على طول .. أول شي تجي تحضني وتحسسني بضعفها ، وبعدين تجي تجلس جنبي ، وتبين أن عندها شي بتقوله بعدين تقول لي مشاكلها .. طبعا ً بشرط ماأكون داخل جو مع برنامج مفيد ولا حلو وتجي تقول لي مشاكلها لما أكون فاضي

.

لا انا اقول له على طول .. ما اقدر اخبي عنه شي يخصني أبدا ً ,,, وأكيد اختار الوقت المناسب لإخباره ,,

اقتباس:

15 - أبيها دايم تسوي لي مفاجات .

الحمد الله بين فترة وفترة اسوي له مفاجأة حلوة حتى لو كانت صغيره ,,

اقتباس:

16 - أبيها دايم متجددة وتسعى للأفضل دايما ً .

الحمد الله احاول اني دايما اصير جذي ,,.



تحياتي لك على هذا الموضوع ...

رداً على بعض الاخوة والاخوات الموضوع جدا عادي وليس به اية خياليه أو بعد عن الواقعية .. فأنا ولله الحمد اقوم بنسبة 80% - -ان لم تكن اكثر - من الامور التي ذكرها ,,, لأنها اصلا من صميم العلاقة الزوجية ,,,

رزقك الله بزوجة صالحة تقوم بكل ما ترغب فيه نفسك ...

__________________