هي تصلح اسنانها لمين؟

ايش الفرق بين تصليح الاسنان واللبس الحلو الفاتن او الماكياج الجذاب

كلها لك انت



انا ما لي اي خبره في تجهيزات الزواج (بالاضافة الى اني رجل)

لكن عندي بعض النصائح العامة


1) تسجلي عدد الاقسام للمصاريف اللي تحتاجيها للزواج
مثلا
ملابس عامة , ملابس سهرة , ماكياج , ملابس الفرح , ماكياج يوم الزواج وخلافه , ذهب ومجوهرات

بعد ذلك تبدأي بالتفصيل في كل قسم

مثلا تجزئي قسل ماكياج يوم الزواج الى
ماكياج , تسريح الشعر , حمامات زيت إلخ...

مع استشارت القريبات, راح يكون عندك قائمة بكل المستلزمات

بعد ذلك اقسمي المهر (او الجزء الذي تريدين انفاقة على الزواج) على هذه البنود بالتساوي

الآن ابدأي بتقييم الاسعار في السوق وسيكون عندك فكره عامه عن التكاليف والماركات واسعارها

ثم ابدئي بالاولويات

مثلا بعد تقسيم المهر عللى العناصر, كان من حظ ماكياج الزواج 1000
ولكن التكلفة الحقيقية بعد السؤال في اماكن التجميل هي 2000

هنا نبدا بالخصم من بعض البنود الاقل اهمية 100 او 150 حتى نوفر ال2000 للماكياج

وهكذا حتى نصل لتقسيم منطقي وواقعي للمهر دون حدوث مفاجآت ونفاذ المهر !

طبعا هذا ربما يقود الى حذف بعض الاشياء او تقليل كميات وتوفير المبلغ لما هو اهم منها

المهم ان لا تبدأي بالشراء حتى تستكملي التقسيم المبني على الاسعار الحقيقية في السوق

والا سوف تستغني عن اشياء مهمة واساسية والسبب نفاذ المال وانفاقك للمال على ما هو اقل اهمية

والله يوفقكم

اشكرك على الموضوع واتمنى الكل يستفيد منه العرايس في التخطيط والمعاريس في التقدير والله العروس تتعب وهي تجهز
انا متزوجه من 3 سنوات وحبتين والاسعار طالع نازل واهم شي اركز عليه للعروس تستغل وقت التخفيضات بالذات فتره الصيف والله كنت اشتري من هنا وثاني يوم يسوون تخفيض محلات ترضى تعطي الفرق ومحلات لا ؟؟؟
وانا اقصد بملابس البيت والسبور هو الي ينفع تاخذينه مخفض

والحين بجاوب على الاسئله

1-كم كان مهرك ؟ وهل انتي راضية عنه؟

مهري 50 الف وراضيه عنه تمام الرضى مع العلم ان عادات اهلنا العرس(حريم- رجال) على العروس والمعرس عليه الشبكه والصباحه

=========
2-من ملابس(فستان شبكة- فستان العرس--دخلة -بيت- طلعات-افراح-عبايات...إلخ) وادوات تجميل(ميكاج- عطورات-منظفات...إلخ)

*فستان الملكه(الشبكه) كلف 5 الاف هديه من الوالده الله يطول عمرها
*فستان العرس كلفني تقريبا 7 الاف هو غالي شوي بس يستاهل زوجي اكشخ له خصوصا زواجي النساء كان مختصر
*فساتين افراح ما اشتريت ولا واحد لان لاهل زوجي بيسوون زواره بعد 6 شهور وحرام اشتري او افصل من بدري ويطلع قديم او تتغير موضته وكان فيه مناسبه بعد شهر العسل على طول لبست فيه فستان الملكه لاني ما لبسته الا بالملكه ومحد حضرها الا زوجي
*عبايات ما كانت مهمه بالنسبه لي لاني البس عبايه ساتره بلا الوان او نقشات فاهم شي الخامه وفصلت 2 على الراس و2 على الكتف (للسفر ) كلفتني كلها تقريبا 1000 ريال
*ملابس طلعات ركزت عليها واخذت كم تيور وكم فستان ناعمين كلفوني 10 الاف
اكثر شي اشتريت ملابس النوم والبيت لانها اهم شي بالنسبه لي اكشخ لزوجي وصرفت عليها اعلى ميزانيه وللحين استعملها
* العطور والمكياج في يوم واحد رحت واشتريتها مع بعض كلفت تقريبا 3 الاف
** خطئي اني ما اشتريت ملابس سبور شيك تناسب جمعات اهل زوجي العاديه واول ما رجعت من السفر اكتشفت ان ملابسي اغلبها رسمي وعلى طول نزلت السوق مع اختي واشتريت
========
3-الإكسسوارات وخصوصا الذهب (وذكر نوع إكسسواراته خواتيم_بناجر طقوم ....إلخ)
الحمد لله لك يارب ربي اعطاني اهل ما فيه زيهم ويقدرون لابعد درجه ووياليت كل الاهل كذا كان ذهبي كله هدايا
شبكه الماس + صباحه ذهب واحجار كريمه (زوجي ) الهديه كانت بذوقه بس بالمره رائعه وحلوه
بس الباقي انا اختار وهم يدفعون اخر دلع
ساعه الماس للملكه ( اختي )
ساعه الماس للزواج (خالاتي)
ساعه ذهب مع الماس ( الوالد والوالده)
3 تعليقات الماس ناعمات ( بنات خالاتي) على ذوقهم
خاتمين الماس ( بنات خالي)
ساعتين الماس جلد (خوالي)
تعليقه مع حلق الماس وحجر ملون (اخوي)
طقم الماس ناعم(اختي)

هذا غير الهدايا الي من جهه اهل زوجي الله يحفظهم
وبكذا يكون المجموع 3 طقوم + 5 ساعات + 4 تعليقات + حلق واحد + خاتمين ياحبي لها الاهل الله لا يحرمني منهم والا شرايكم
========

4- الشنط والجزم اكرمكم الله (من طلعات وسفر ...إلخ)
* الشنط اخذت لي 3 شنط ماركه (جيفنشي+ غوتشي+سلفاتوري) 5 الاف تقريبا
* للسفر اخذت من اكسسواريز شنطهم حلوه وخفيفه
* اما شنطه السفر اخذت من بييركاردن مره حلوه وعمليه وقويه اخذت الطقم يمكن بحول الالفين ما اذكر
=======
5-برنامج العروسة (تنظيف وتقشير ...إلأخ)

كلفني 3 الاف وهو تنظيف ونضاره بدون تقشير الحمد لله ما احتاج
=======
6-الكوافير للشبكة

رحت للكوافير من بدري وما بلغتها اني عروس علشان ما ترفع السعر وخصوصا شبكتي ما راح يحضرها الا زوجي وما فيه تصوير وكلفتني 700 ريال
========
7-الكوافير للزفاف
جتني للبيت وكلفت 3 الاف شعر مع ميك اب
=======

9- هل تركتِ مبلغ معين احتياط >> هذا ان بقى شيء

تقريبا 10 الاف بس الحمد لله ما احتجتها
========

10-متى اول مره نزلتِ السوق بعد زواجك

بعد شهر العسل باسبوعين مع اختي وسبق ذكرت السبب



*** اقتطعت من مهري مبلغ واشتريت فيه هديه للوالد والوالده وفرحوا فيها واحس مهم البنت تقدم لاهلها شي من مهرها يا كاش يا هديه ثمينه



اتمنى اكون افدتكم واي استفسار انا حاظره بس على فكره ما زينت شي باسناني من مهري اهلي كانوا مزينينها من قبل ما يتقدم ولد الحلال






تحياتي
دلوعه زوجي

حلوووه سالفة الأسنان اول مره اعرف عنها لووووووووول ^^

والموضوع روووعه في طرحه وان شاء الله انشوووف التفاعل المطلووب

تســـلمين الغاليه ع الموضوع الطيب تسلم يمناج

ولا عدمنا ها المواضيع المتميزه ,,,, ^^

__________________

‏
{رَبِّ لَا تَذَرْنِي فَرْداً وَأَنتَ خَيْرُ الْوَارِثِين}

مهري كان 70 الف ولله الحمد كفى ووفى ....

بس في اشياء غلطت كثير لما كثرت منها او اشترتهااا

بس يلاااا المهم عرسنا وافتكينا من هم المهر والزهبه والتجهيزات اللي تجيب الصداع

موضوع رائع بالفعل و أشكر كاتبته على هالفكرة الجميلة
***
عندي ملاحظة على توقيع أخي بو راشد أشعر أن فيه مخالفة شرعية
ياليت لو يتحقق من ذلك
جزاكم الله خيرا

الأعضاء الفضلاء
بنت الفرح


تالا وبس

ابو رشود

ذبحني الحب

دلوعة زوجي

غرشوبة دبي

العيون


شكرا لتفاعلكم الرائع ولاحرمتم الأجر والمثووبه

وربي يحقق مناكم ^^



وبإنتظار البقيه ^^

__________________

مشاعر كبيرة

الرائع هو مرورك وتنبيهك بارك الله فيك ^^

__________________

up 4 benifet

__________________