زوجى والدلع - منتدى عالم الأسرة والمجتمع

25-10-2007, 02:37 AM

#15

خيال البحرين

عضو دائم

تاريخ التسجيل: Jul 2007

المشاركات: 82

اختي المحتارة..
اول شي لازم يكون عندك اصرار على التغيير.ورحلة الألف ميل تبدابخطوة..
أعزمي على الأمر وتوكلي على اللّه..
وداام أن زوجك اتكلم عن الموضوع اكييد انه حاس بنقص فحاولي انك تغطي هذا النقص(عوضيه)

بسرعه

في البداية دلعيه بأختيارك له اسم للدلع طبعا على اسمه..بدعي على مزااجك..وحاولي دووم انك ماتنادينه الا باحلى الاسامي (حبيبي) (عمري)الخ...واقول احسن انك تنسين اسمه

بعدها حاولي شوي شوي تخلينه يشوف التغيير اللي عزمتي عليه..
غيري جلستك..ضحكتك..نظرتك له..(تصنعي) % والله ترى الرجاجيل يحبون المرأة الي تتصنع% ترى اصلا حتى لو تتصنعي راح يقبل منك هالحركات بس بنعومه وبعقل وبثقل

واعطيك ضمان انك اذا واصلتي عليها والله بتتعودين عليها وبتكوني طبيعيه ودلعك طبيعي ومنك وفيك..ياسلااام ..و بعدين
غيري اسلوبك معاه..
يعني اذا كنتي من النوع اللي يتشرط كثير بطلي هذا الكلام و خليه يحس انه القوي وانتي الضعيفة
كذا راح اتحسين صحيح بضعفك و رقتك الداخلية..
اتركيه يامر و قولي تم..قوليله سمعا و طاعة مافيها شي بالعكس راح يحس انه رجاال مدلع آخرررر دلع هه

ويفضل انه

بين وقت و ثاني تعطينه هدية بسيطة حييل..قطعه شكولاته ..ورده عليها احلى العبارات..بوسه بلا سبب حلوة هذي بلا سبب.. بس القصد انه مايحس انها مقابل شي؟؟ عشاان يوصل المسج صح

عني أنا اخذ باكيت من السوبر ماركت عبارة عن حلاوة ملونه على شكل قلب فيه منها الواان احمر واخضر ومدري كنه وردي عالعموم كل مرة أخذ احمر و اخضر والله سعرهم اثنينهم مايوصل خمس روبيات(5 ريال) ويوم احس اني ابي ادلعه والا احسه زعلان آخذ حبه وافتحها واقول له غمض عينك و احطها في حلجه واعطيه بوسه بعد واقول له اسفه او احبك واصلا الحلاوة شكلها كيووت يفتح النفس(جان تعرفونها) و اخليها معاي كل مكان احتياط في الشنطة في البيت..لزوم الحالات الضرورية هههه

عاد آخر مرة بط جبدي قلت له سكر بوزك قال مابي حلاوة

قلت له اوكي ركضت المطبخ بسرعه جبت له كافي جواهر....ومرة حطيت في بوزه ثلجه ههههه مقلب ..

المهم حبيبتي حاولي دايما تلطفين الأجواء بينكم بالضحك والابتسام لأنهم والله يختصرون لك نص المهمة..

وفي الأخير شوفي المسلسلات العربية و خاصة المصرية

وشوفي بيعملوووو ايه وتعلمي يا ست

وطبعا كل رجل له طريقته في التدليل فشوفي زوجك من اي نوع و حاولي عملي اللي يحبه وهو زوجك وانتي ادرى فيه.. ابتدي بالحركات الصغيرة ..تلاقين الكبيرة من نفسها تجي..اهم شي البداااااايه..

وبالتوفيق...

تقبلي مني مروري....و تحياااتي..

__________________
الاخت الفاضلة

الصورة الرمزية مخالفة ولا بد من تغييرها تجنباً لايقاف العضوية

التعديل الأخير تم بواسطة خيال البحرين ; 25-10-2007 الساعة 02:44 AM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه