وعليكم السلام والرحمة

بالنسبة للمسافة من الخبر للبحرين كما تم اخبارك هي تقريباً نصف ساعة الى ساعة الا ربع

اما بخصوص الفنادق انت وامكانياتك
بس انا اعتقد الا في مثل حالتك وبينزل في كذا فندق بكذا دوله يبي فنادق شوي سعرها معقول صح

على العموم فنادق خمس نجوم
الدبلومات ، الخليج، الردزكارلتون (المريديان سابقاً) ، هوليدي ان
يوجد فندق النوفاتيل بالقرب من المطار اربع نجوم بس بمستوى الخمس نجوم

فنادق 4 نجوم
فندق السفير في الجفير
كارلتون البحرين في العدليه
في في شارع المعارض فنادق وايد بس ما انصح بها لانك انت مع عائلتك

تبغي الصراحه انا افضل انك تاخذ شقة مفروشة احسن لك وايد
في فالجفير شقق وايد وإجارهم تقريباً من 25 إلى 30 دينار بحريني في اليوم طبعا على حسب عدد الغرف وانت وشطارتك
وفي عندك سلسلة شقق اليت موجوده في اماكن مختلفه في فمنطقت الزنج وفي في منطقة سنابس بالقرب من مجمع الدانة ومجمع البحرين حتى مجمع السيف بيكون في الجهه المقابلة
ويوجد ايضاً شقق كراون ميركوري بالقرب من مجمع العلوي والسيف هي شقق فندقية
بس بصراحه ما اعرف اسعارهم

اتمنى لك سفره موفقه وانك ترتاح بديرتنا البحرين اللي اهي ديرتك
وتروح وترجع بالسلامة ولا تنسى ادعية السفر والله الحافظ

تحياتي