اختي الغاليه ... الله يزيد المحبه بينكم و يصلح اموركم يارب العالمين

اول شي انسي مسالة الناس ترحم او ما ترحم .. هذا شي جدا خاص بينج و بين ريلج فمافي اي حد له علاقه فيه .. ادري ان الاهل احيانا يتدخلون عشان يتطمنون مو اكثر بي احسن شي طلعي الكل من الموضوع عشام ما يزيدون توتركم

اللي فهمته من كلامج ان السبب الاساسي في الوضع اللي انتو فيه هو خوفج و توترج .. و هذا اكيد انعكس على ريلج و يمكن حتى قلل ثقته في نفسه و عشان جي هو الحين ما عاد يحاول مثل قبل

رايي انسي موضوع المستشفى .. صدقيني مالها داعي بالمره .. بعدين الالم ما يكون بسبب فض الغشاء بس لكن بسبب ضيق المنطقع عند الحرمه في البدايه .. فحتى لو سويتي العمليه بتتمين خايفه من الالم و السالفه بتتاجل مره بعد مره

والله ياحبيبتي الموضوع اسهل مما تتصورين .. انا مثلج ما كان عندي اي معلومات عن الجنس قبل ما اتزوج و اهلي من النوع المحافظ زيادة عن اللزوم فما حد خبرني اي شي ولا حتى امي .. بس اللي كنت اسمعه من بعض البنات معاي في المدرسه و بعض الحريم من اهلي خلاني اخاف و ماودي اتزوج من الروعه .. بس الحمدلله زوجي (بما انه اتزوج قبلي) كان عنده خبرة طويله في الموضوع و من خلال مكالماتنا ايام الملكه كان يشرحلي شوي (في الاول كنت ازعل و امنعه يفتح هالموضوع بس بعدين فكرت قلت خليني اتثقف قبل الليله الموعوده)

و الحمدلله اتطمنت شوي مع وعد منه اني في اي وقت احس بالم هو بيوقف و بيعطني كل الوقت اللي احتاجه ..و جات ليله الدخله و ردتلي الروعه اكثر من قبل ..بس لان زوجي كان فعلا متفهم طول معاي في المداعبات لين انا حسيت بشهوة و نزلت عندي الافرازات و هذي مهمه جدا عشان تسهل الادخال.. و شوي شوي لين الحمد لله كملنا في اول ليله و الالم كان بالمرررررررررررررره لا يذكر .. بعدين فض الغشاء يتم في لحظه لانه غشاء رقييييييق ما يحتاج الا ضغطه بسيطه ..بعدها بيتم الادخال و لازم زوجج يكون متفهم و يسوي هالعمليه ببطء .. اهم شي اول ما يفض الغشاء و يدخل اول جزء من العضو المفروض انه ما يتحرك و يعطيح فرصه انج تتعودين على وجوده عشان ما تحسين بالالم اول مره .. يوم ترتاحين شوي يتابع الادخال شوي شوي و كل ما يدخل زياده يثبت شوي لين تتعودين على وجوده و حجمه... بعدها بيقولج مبروم و انتهت السالفه بحمد الله

ثاني يوم بتحسين بتعب و الم شوي في منطقة الحوض و الفخذين عشان اول مره بس فالاحسن ما تسوون شي عالاقل في النهار لين ترتاحين و بعدها كملوا حياتكم عادي و انسي الالم بالمره

سامحيني لو طولت و لا زيدت في التفاصيل بس الزبده من اللي قلته ان الموضوع بسيط جدا و ما يحتاج هالخوف كله .. و لو تحبين ممكن في البدايه تتثقفون شوي انتي وزوجج و ما شاء الله المنتديات مليانه .. بعدين ريلج ما يحتاج انه يكون عارف من قبل وين يحطه تراه من تكونون في وضعية الجماع بيدخل في مكانه بشكل تلقائي ما يباله تخطيط يعني

الله يهنيكم يارب و يكملج فرحتج على خير