الأخ العزيز المقهور انا ممكن ظروفي مثل ظروفك لكني كيفت روحي معاها أنا أجبرت على ولد خالتي وتزوجت منه لكن للأسف كان يعاملني معاملة قاسية لدرجة انه حتى الضرب استخدمه معاي والله العظيم بدون سبب واضح وعشت معاه على المرة لكن مع الوقت حاولت إني أكسبه بصفي مع انه اخواني حاولوا تطليقي منه لأنهم شافوا آثار معاملته حقي وأنا العزيزة عندهم وما قدروا يشوفوني وأنا على هذي الحال خصوصا بعد ما مات أحد أبنائي لكن طلبت منهم محاولة أخيرة معاه لأني خفت على اعيالي لأنهم وايد متعلقين فيه عموما اتبعت معاه وسائل عدة وكان إذاشد انا ألين وكنت آخذه على قد عقله( لأني أحسه مثل الياهل اللي يبي من يدلله ويرعاه) وكانت طلباته أوامر وما كنت ازعل على أي تعليق أو توبيخ حقي لكن كنت اتناقش وياه علشان أعرف السبب وألحين تعال شوف شلون قام يعاملني صرت أنا اللي اتدلل عليه وحسيت انه قام يحبني وما يقدر يستغني عني ،،، على فكرة حتى انا صرت أحبه حب محد ممكن انه يتصوره وصرت ما أستغني عنه دقيقة وحدة وألحين صار لنا 12 سنة متزوجين وحياتنا مستقرة ولله الحمد 0000 وألحين انت بدورك سو مثلي وحاول تكسب زوجتك وصدقني راح تشوفها حلوة بعيونك مهما كانت قبيحة وان شاء الله ما طولت عليكم بس حاولت اني أخفف عن الأخ المقهور