الله يبارك لكم ان شاء الله في زواجكم وفي حياتكم ويهديهم

ويحفظكم يااارب من كل سوء

ويرزقكم الذرية الصالحة

ويوفقكم امين

اخوي كفاية لي ضاع من فترة الخطوبة

استغل هال 3 اسابيع الباقية ولحق على عمرك


اخوي الانثى كائن يتعطش للحب والملاطفة والتودد
ومو بس الانثى كل كائن تتودد له وتعامله بالحسنى يحبك
فمابالك زوجتك وام عيالك ان شاء الله وحبيبتك
وهي طول عمرها عافة نفسها

والحين يى الوقت الي تعبر عن مشاعرها وبالحلال ليش تحرمها ؟!

واذا انت مااشبعت حواسها ومشاعرها عواطفها بحبك من يشبعها ؟!

بالعكس استغل الفترة ذي علشان تخليها تتعلق فيك وفي حبك

يمكن يصعب عليك بداية على طول تقول كلام حلو او تتغزل فيها
هالاسبوع جرب تتكلم معاها باريحية اكثر وتطول بالكلام اخلق مواضيع اسألها عن مشاريعها بعد الزواج

ووش جهزت للزواج
اسألها عن احلى الصفات الي تحب تجوفها فيك
او هواياتها

عن نظرة الزواج في داخلها

علشان تتعرف على زوجتك هل هي مدبرة منزل جيدة او تستطيع مجابه الحياة معاها
ادا كانت ماتعرف نظرة الحياة ولا قيمة الزواج
تقدر تهديها كتب عن الزواج وعن معاملة الزوج

شوف اخوي انت لو من البداية مكلمها عرفت محور حياتها وتتجنب كل سئ فيها وتقلبه حسن
يعني كنت قدرت تتأس حياتك جيدا مع شريكة حياتك

او عن شخصيتها

ابني في خيالك حقيقة زوجتك وكون شخصيتها في بالك علشان تعرف بعدين شلون تتعامل معاها
وشنو الي تحبه وشنو الي ماتحبه

من خلال هالشي تعرف شنو اهي تحب وماتحب وتعرف تجيب لها هدية بالشي الي تحبه وحاول تجيب هدية العيد على حسب ماعرفته من كلامها بالاشياء الي تحبها

بتحس انه احد يفهم عليها ويحس بالي تحبه ويسعى لرضاها
بالتالي هي بتبادر على حسب مافهمته من شخصيتك طبعا من خلال كلامك معاها
وبتحاول تجيب لك هدية تناسبك وتعبر لك فيها عن حبها لك
ومافي احلى من شخص يكون لك المرايا ويمثلك قلب وقالب ويحس فيك قبل تتكلم ويعرف انت شنو تبي قبل تآمر
وشخص يحبك ويودك ويجوف الدنيا بعيونك

هذي فايدة فترة الخطوبة

الاسبوع الثاني حاول تدز مسجات العيد مثلا وتبارك بقرب قدوم العيد بعد كم يوم ارسل رسالة خفيفة نص غرام نص شوق يعني معتدلة

الاسبوع الثالث حاول انك تزيد الجرعة شوي

في نص الليل ارسل لها مسجات شوق

ومارح ان شاء الله يجي يوم العرس الا مشتاقين وااايد لبعض

وماعليك من الي يقول لك عين حمرا ولا عين خضرا

ابني بينك وبينها جسور التواصل والمحبة
انت بتعاشر زوجتك وانثى وكيان وروح
مو وحش علشان عيون حمرا وعيون زرقا

والي مثل ماتقول خبرة 5 سنوات و4 سنوات
كل واحد يختلف في طريقة تعاملة مع زوجته يمكن الي سألته وقالك اعطيها العين الحمرا يمكن زوجته لا سمح الله من النوع المتسلط او الاناني او الي ماتقدر
او يمكن هو مهملها وقررت اهي تدافع عن نفسها وتأذيه علشان يتعدل معاها والحين متغربل في حياته

لا تبني خبرات احد على نفسك عيش تجربتك بنفسك واقبل عليها بنية سليمة وقلب صافي
واعقد التوكل لذلك

والله يرزقك خير زوجتك وبرها فيك
وتتهنون في بعض يارب

__________________