كيف تتصرف الزوجةفي هذه الحالة - منتدى عالم الأسرة والمجتمع

16-09-2007, 08:24 PM

#10

خواطر امراة

عضو نشيط جدا

تاريخ التسجيل: Sep 2007

المشاركات: 744

اقتباس:

المشاركة الأصلية كتبت بواسطة *الماسة*

أختي خواطر امراة

واضح من كلامك إنه زوجك معتمد عليكي كثير في كل شي

وبصراحة لا تزعلي مني إنتي غلطانة

تحيـــــــــــــــــــاتي

مشكورة اختي ماسة على ردك
معك حق انا كنت غلطانة هو عودني على كثرة المعاشرة وانا عودته على كثر الدلع
ويوم خف على كل واحد منا الشي اللي يناله من شريكه كلانا تمردنا على بعضنا
اكبر غلط تعمله الزوجة انها تعود زوجها ان يتخلى عن مسؤلياته

مثل ماعتبر ان احد الاخطاء ان يعود زوجته على كثرة المعاشرة

انا عملت هذا
منه اني كنت احبه وابي اشجعه لينجح واني سند وكانت وجهة نظري هذه تصرفات المراة الاصيلة وهو كان يشجعني ويكافئني سابقا بحبه لي وتقديره

ومنه لانه اصلا مايعرف يتحمل مسؤلية للان الايدامات يشتريهم لنا ابوه رغم ان والده في منطقة ثانية
وحتى لما اترك له شي يتصرف فيه مايعرف يتصرف

حتى بحجوزات السفر رغم اني ماشافرت معه كثير ماكان يعرف اي شي للسفر لا يسال ولا يعرف للفنادق ولا ياخذ عروض ومثل الحريم فلان سوى كذا خلنا نعمل مثله طبعا هالانسان يكون من زملائه اما لو احد من اهلي العكس اذا دخلوا من باب احنا ندخل من باب ثاني وكله للفخفخة وكي لاي كون اقل من زملائه

حتى بمدارس ابنائنا ماكان يسال ولا يهتم
انا اللي اسئل وابحث وهو بس نبي المدرسة الفلانية وهي اغلى مدرسة بالمنطقة

طيب انت قادر تدفع اقساطها
عارف اش هو مستواها

عارف من يدرس فيها
والا بس منظرة

اسلوبه بالضبط مثل النساء المستهترات
مايعرفون الا المظاهر وكيف تكسر عين فلان وعين علان واحدث سيارة واحدث ثوب واحدث موبايل
واجهزة كهربائية لا عمره استخدمها ومرمية بالبيت وعليها غبار لان فلان زميله عنده

يعزمني لمطاعم فارهة ليقول لزملائه انا اخذت زوجتي لهذه الاماكن

حتى عملي الان يفتخر به لان بعض من زملائه زوجاتهم موظفات فطبعا يفخفخ ان وظيفة زوجته عالية ومركزها كبير

اهلي اللي مايطريهم ابدا

لان كثير ناس يسئلونه انت نسيب فلان او علان من اهلي صار الحين يهتم فيهم

لكن الان تغيرت صرت اطلب منه بوضوح ارغب بهذا الشي وماتركه لذكائه اذا هو مو مستعد يتعب عقله لامور تخصني وتخص ابنائنا

ويرى من هذا فخر انه ما يعرف يدبر امور بيته طبعا مايقولها هكذا (يقول ان لكل شغلة ناسها وهو مو شغله يصلح ماسورة مكسورة او بالوعة مسكرة او مكيف خربان )

يترفع عن هذه الامور

حتى للطبخ انا استقدمت شغالة قبل لا انجب اطفال لانه مستحيل يحط يده بشي بالبيت ويبي ولايم ويعزم اصحابه باستمرار و3 وجبات غير السناك وهو اهم ماعليه بطنه

كنت يااختي حتى احفر بالدريل لاعلق لوحات لاني لو ماعملتها مايعملها من نفسه

وبنفس الوقت مو عارفة لو اني ماعملت هكذا هل زوجي سينجح كما نجح الان

بالنسبةللصرف انا ماتعمدت
لكن هو مشغول وصراحة الحق يقال مايقصر علي لاني اصلا مااطلب كثير وهو ينتبه لهذا الشي
ويفخر بي طبعا امام الناس (ومدري اش فيه يمدحني امام الناس ومعي يجيه سد الحنك ) اني الم عليه واني غير متطلبة وبالاسواق انا اللي تمسك يده واعرف افاصل واني اللي اشتري له ثيابه

لكن الان طلبت منه مصروف ومامانع وحتى لما زاد راتبه زاد لي المصروف
رغم اني مااصرفه اخبيه له ولابنائه او اشتري لهم وهو يفرح اني حتى ملابسه الداخلية اشتريها له

البيت مافرشته كله

وكلامي عن حياتنا باول زواجنا اكثر من الان

من اول راتب استلمته شريت طقم كنب لانه ماكان عندنا

ومن رواتبي الاخرى كنت اشتري اكسسوارات البيت وهي كثيرة كنت اشتري اجهزة كهربائية
وماابخل على بيتي ولا ابنائي ولا هو

للامانة هو نادر يطلب مني بصراحة
اسلوبه انه يزن و يتكلم عن امر انه يرغب به بشدة ويعيد ويزيد ويصير طول الوقت يفكر فيه
وجلس معي ويحط يده على خده يفكر من وين يدبر المبلغ
وبيستلف قرض من البنك
والاقساط

والشي اللي يبيه ولا بيحصله وهو عرض ولقطة
وانا طبعا لانه عندي اعرض عليه

وهو يقول لا
وانا الح عليه اعتبرها سلف من عندي

وياخذهم والمنة علي

وطبعا يقدرني يومين
وبعدها يقلب علي قلبة الشر

(ياربي كيف كنت هبلة )

انا كنت احبه يااختي وكنت اشوف الحال واحد (هبالة لكن ازين الكلمات فالملافظ سعد )
وانه مافيها شي اساهم من مالي اهم شي بيتنا يكون زين خصوصا انه ماكان يبخل علي

بعد ماصارت بيني وبينه الامور تتدهور ومن مواقف اخرى

صرت اعمل مثل اللي قلتيه بالضبط مثل اللي قلتيه
على كلامك لا الدلع نفع ولا التفاهم نفع ولا الخلاف نفع وانا تعبت من هذه المسؤوليات مو شغلي

شوي يطلع لي شنب رجال بالبيت ..ورجال بالعمل... وحتى بالسرير رجال
صرت ماعمل له بزيادة
وبالفراش انتظره انه يقوم بامور الفراش كزوج واكتشفت انه اناني وانه مايعمل لي شي
واني انا اللي كانت تمتع نفسها وبانانية منه
وانه سادي معي ومغرور

وحتى الطبخ ماكنت اهتم خصوصا اني وقتها كنت ابي اخفف وزني قلت يمكن يتحجج بعد لكن اكله دايما موجود ومن احسن شي لكن الشغالة اللي تطبخه وهو مايحب اكل الشغالات ولا يحب اكل المطاعم

وطبعا بعزايمي او لو احد من اهلي او اهله زارنا ارجع اطبخ واتفنن ويحقد علي ...عيني عينك ينظر لي بحقد ويعاقبني بالفراش

بالفعل صرت طبيعية
اهتم بنفسي لاني اهتم بنفسي لكن مو بزيادة له مثل اول اول لما يجي من العمل استقبله كانه جاي من سفر

صرت استقبله عادي

وتقولي انه قال شي
مايقول يعاقب على طول

حتى القبلة اللي معودته مايدخل البيت الا اقوم له توقعت يفتدقها مافيه شي

يده اللي لو ماامسكها مايمسك يدي

هذا كان موجود لكن انا كنت عمياء ماانتبه

اسلوبه بالمعاشرة هو نفسه لكن انا ماكنت انتبه

واي عطاء منه يكون بعد عطاء كبير مني

اكتشفت اني مغفلة بمعنى الكلمة

ولاحظت انه صار معي اسوا ويعاقبني تجاهل زيادة وطبعا بالفراش اسوا وانيل

رغم اني كنت اتصرف بشكل طبيعي ومعتاد مثل المجتمع اللي نعيشه
نسبيا يعتبر كثير خصوصا اني اشتغل لكن هو ايضا يقارني بنفسي وان هذا مايرضيه

وماقصرت عليه بحقوقه ولا باهتمامي بابنائي ولاببيتي لكن شلت فلوسي
وصرت اتعامل معه عادي
لا اناديه ياعمري وياحبيبي وياحياتي ولا قبلة المساء ولا قبلة المجي من العمل
والاحتضان له والسكبة والجلسات اللي بس اشتري فيها خاطره واريحه والولائم واكله بيدي والبسه بنفسي واعطره واعطر فراشه

كله وقفناه

ومنها بدئت تظهر الامور اللي ماكنت اشوفها مني

لاحظت انه مايبخل علي لاني مااطلب

لو طلبت... لا مو بكيفي
رغم اني مااطلب كثير حتى لما اتطلب لكن تغيرت صرت اطلب اشياء غالية

مثله هو مايهتم ولو بهديه هدية اول سؤال يسئلني بكم
ولو هي عادية او مو ماركة يرميها بكل لا مابالاة

لازم تكون ماركة وغالية عودني على هذا
وانا حتى حزمة كراث صار مايجيبها لي

تغير كثير اول رغم ان حالته المادية مو مرتفعة كان يهديني ورد كان يهديني بطاقات عليها كلام حب
يهديني اغنية

كان يهديني عطر ... تعليقة ذهب

الان زادت فلوسه وقلت عطاياه

اما ياخذني لمطعم ندفع مبالغ كبيرة وحنا ساكتين او كلامه عن عمله ومافيه اي شي عاطفي بيننا او خلاص مافيه شي

حتى المرة اللي ضربني فيها طبعا جنيت ورميت ثيابه واغراضه من الغرفة وانتبهت انه كله من اموالي

لما لميت ثيابي وثياب عيالي كلهامن اموالي

لما رجعت البيت واطالع ا الاثاث والمفارش والشموع والاكسوارات والتعليقات واللوحات كلها من عندي

مواعين المطبخ كلها من عندي

الاجهزة الكهربائية معظمها من عندي

هوماعنده وقت يروح معي السوق وانا اروح بروحي وادفع من بطاقتي وبدون مااحسب

لما صرت احسب مصاريفي وعيالي خصوصا من الفراغ كل اسبوع اخذهم لمجمع اعشيهم والعبهم واشتري لهم اذا فيه عروض بالذات لاحظت اني بدون مااحس اصرف تقريا 3000 ريال شهريا فقط على رفاهيات

غير الاشياء الاخرى اللي ادفعها غير الملابس غير الاحذية مكياجي عطوراتي عطوراته قمصان النوم
مقاضي سوبر ماركت لانه مو على طول يقدر يروح معي

يعني لا يجي يتفخفخ انه ماياخذ فلوس من عند زوجته واني شايلة عنه رسميا مصاريف رئيسية

وبعدها يقول اني ماشلت عنه

وناكرني طول الوقت

صار يعتبر ان هذا امر طبيعي

حتى لهجته تغيرت اول دايما يقول عيب الرجل ياخذ من عند زوجته حتى لو هي غنية وانه هو اي الرجل المسؤول عن زوجته وحاجاتها

صار يقول لي اش فيها تصرفين من راتبك يعني فلوسك هذه بتخشيها لمن

الشي اللي يقهر اني كنت استخسر في نفسي واجمع له ليفاجئني يروح يشتري لنفسه بالالاف

وحتى لما صرت اطلب او وانا معه اروح معه للاشياء الغالية اللي ماكنت امر عليها اول صار يستنكرها علي

عارفة يااختي هذه من الاشياء اللي خلتني ماحب اجلس مع الناس

انا اللي موظفة وراتبي ماشاء الله وزوجي شايف حاله وصابرة عليه وهو يستخسر فيني

واللي جالسة ببيتها ولا تسوي لزوجها ربع اللي اعمله له ولا تراعي ظروف زوجها كل اسبوعين بمشغل غير المناسبات غير الثياب اللي يتبارون فيها وكلها على جيب هذا الرجل اللي مستواه ماديا اقل من زوجي

منها صرت افكر يابنت الناس لا تفكري بالمظاهر والبيوت اسرار

لكن مثل ماقلتي ياختي لا مهنيني بالفراش وبحبه خصوصا لما تغيرت عليه وصرت طبيعية مازلت اعتبر تصرفي طبيعي يناسب اسلوبه

هو يبي يعطيني مثل اي رجال وانا عطيته مثل اي امراة

وماعجبه الحال

حاليا ليش وضعي معه تحسن
لاني رجعت ادلعه مثل اول

ماوصل لان اغسل اقدامه رغم انه بيني وبينك اشتاق لهذه الايام
وان اعمل له مساج وادلعه

لكن صرت اتفنن له بالطعام وخصوصا الان الشهر المبارك

وماناديه الا باحلى الالفاظ وادعي له واكلمه بكل رقة واتركه بكيفه وبروحه
ولا اقول له لمبة محروقة ولا حمام يخر ماء ولا السقف متقشر ولا المكيف مايبرد ولا شي

مثل اول اقوم باموري بنفسي ولو يحضر لي علبة زبادي امدحه وابجله والله لا يحرمني منه ولا من عطاياه ولا من دخلته علينا

وهو مبسوط وصار رقيق معي وحتى لتلك الامور ماصار يعاقبني بمعنى العقاب

لكن اسلوب ماكو

ماعنده اسلوب يااختي مايعرف ولايبي يعرف

اقول له داعب جسدي مثلا ظهري لما تلمسني
شيسوي باظافره يشمخ ظهري الحين هذه مداعبات

مدري هو يستعبط
لكن ماشكله

صراع الافيال

وامامي اما اقبل ان هذا افضل الاوضاع لكن طبعا مع العطاء الزائد والتمثيل عليه والعب عليه وبيمشي حالي لحد مابيجني عجز جنسي وسكر وضغط

او ان اعمل ثورة وبالنهاية بيتكسر راسي وبرجع على مافيه شي

او اعمل ثورة مدمرة

اذا هو بيغير الوضع مابيتغير شي

وما اتكالي الا على رب العالمين

ونفكر بمنطق ان لا نفكر بالارباح لكن نفكر بالتقليل من الخسائر

الحمد لله على كل حال
ومشكورين جدا لاهتمامكم

الله يجزاكم خير

تراني ارتحت كثير وانا اكتب لكم

وارتحت بردودكم ودعائكم وبالخصوص امتن لكن اخواتي

مشكلتي اصدق
قلب مثخن
اتكاءة حرف

وحاليا انت اختي الماسة

طبعا بدون انكار حق اي احد تفضل علي بكلمة او بدعاء

لكن بالذات من ردودكم كنت استفيد منها بشكل عملي حتى بالتفكير بموضوعية وكونكم تتفهمون الحال وتردون علي ردود تخصني انا خواطر امراة وتناسب مشكلتي

اشكركم جزيلا ولا تحرموني من مشورتكم والله يفك ضيقكم

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه