خلصنا من الشفايف ولو ماقتنعتي خلينا نروح للأسنان

0 طبعا التسوس او اذا فيه اسنان بارزه او مو مرتبه الاسنان فانتي بقمة الغباء اذا سكتي على نفسك لان جمالك وجهك مايكمل الا بابتسامتك وابتسامتك عمرها ماتصير مشرقه الا باسنان صحيه على الاقل ومرتبه ونظيفه لو ماكانت بيضا ثلج..

فلازم تكون اسنانك تمام التمام وماعندك تسوي

ولو اطراف اسنانك مكسره روحي لدكتور اسنان كويس يسوي لك اياها لو طرفها مكسور

او كان متسوس الحين في ماده يستخدمونها تعوض المفقود من اطراف السن ومو مكلفه كثير ..

وطبعا اكيد اذا اسنانك يبغالها تقويم حتى لو عندك عشر عيال لازم تسوينها كفايه اللي راح من عمرك...

واذا اسنانك تعبانه ركبي اسنان

واذا لثتك فيها نزيف او التهابات لازم تتعالج مالها حل لانها بتتعب اسنانك وبتسويلك رائحه فالفم وانتي فغنى عن هالاشياء اتفقنا


0 طيب الحين انشالله تكونين خلاص مافي تسوس مافي سن طالع سن نازل مافي سن مكسور ..

نجي للنظافه الللي مافي مفر منها لاي انسان فكيف عاد فمرأه ومتزوجه وتبي تدلع ؟ فرشه ومعجون وخيط تنظيف اسنان + فحم تفركين فيه الاسنان كل كم يوم يشيلك الطبقه المتراكمه على الاسنان من بقايا الاكل تمام ويبيضها او ملح وهيل يطيب فمك ويبيض اسنانك... هذا بشكل شبه يومي ... والحين لازم تسوين تبييض اسنان اذا اسنانك صفرا او متاثره بالشاي والقهوه او لو كنتي لاسمح الله لاسمح الله ربي مبتليك فالتدخين .. واول كان غالي بس الحين الاعلانات ماليه الجرايد عن عروض تنظيف الاسنان وتبييضها من 50 ريال وانتي طالعه ل400 واكثر واكثر حسب اللي يناسب ميزانيتك..

وبعد الحين طايحين بطبقة البورسلان اللي يدهنون فيها الاسنان وتطلع لولو زي اللي مسوية اصاله نصري بيااض ناصح واسنان تلمع وابتسامه حلوه .. بس ماعندي فكره عن اسعاره


0 بالنسبه للسان تنظيفه يكون بالفرشه حقت الاسنان وفي فالصيدليه حاجه اسمها معلقة اللسان تنظفين فيها اللسان الصباح او بعد الاكل تتخلصين من البقايا او من مسببات رائحة الفم اللي تكون على اللسان ...وفي كثيرررر انواع غسولات فم ومضمضات بكل النكهات ..لكن سيمعت ان طعمها مش ولابد بالنسبه للطرف الاخر

وبرضو في بخاخات للفم فكل الماركات وممكن تلاقينها فالصيدليه تعطر الفم ...
وطبعا مافي احسن من السواااك تنظفين اسنانك وتطيبين فمك فيه .. واذا غلبتي حبة هيل تمضغينها ولا حبوب مص مثقل بولو وغيرها تقوم فالواجب ... ولاعاد تجين تقولين فمي واسناني ؟؟

الحين بعد ما صارت نظيفه ومرتبه وريحة انفاسك حلوه بتقعدين جنب زوجك بكل ثقه وتبتسمين من كل قلبك بدون ماتلفين وجهك ولا تحطين يدك على فمك ولا تخافين تهمسين له من قريب ولا تقبلينه باي وقت او يقرب منك وتتهربين منه ولا تضطرين تقولين مافرشت اسناني ؟

وبالنسبه للزينه ... طايحين الحين بالكرستالات اللي تنحط على واحد من الاسنان الاماميه .. وطالعه حلوه على كثير بنات ممكن تحطينها من باب التغيرر والاحلى تكون صغيره ... سعر ها مع التركيب عند دكتور الاسنان ب400 واذا ماتبين ممكن تشترينها من محلات التجميل العاديه ب20 او 30 ريال تلصقينها وتشيلينها وقت ماتبين وتحلي لك فمك خصوصا اذا اسنانك حلوه




أظافرك...


بالله اذا مانتي قاعده تبردينها وتنظفينها وتعقمينها كل يوم وتحطين كل يوم مناكير لون وكل يوم رسمه شكل ليش مطولتها؟؟ قصيهم اصرف وانعم ليدك..



صدق الاظافر تكون انيقه وهي طويله شوي لكن تطولينها عشان سهره ولا عزومه كل اسبوع اسبوعين وكل يوم تطبخين وتغسلين وتمحين وانتي اظافرك طويله وسودا واطرافها مكسره كله عشان بعد فتره تصير مناسبه واظافرك طويله وقتها تطيرين لاقرب صالون منيكير وبديكير واحلى مناكير ليش ؟ طيب وزوجك مايستاهل ؟


اجل انا اقولك وش تسوين قصيها وخليها نظيفه ومرتبه ولما يصير عندك مناسبه ركبي اظافر وحطي المناكير اللي تبين بس اظافر وصخه ومكسره لأ اتفقنا؟



اللبس

خلصنا من جسمك نفسه نجي عاد للبسك وطبعا مستحيل اجيب طاري لبسك برا البيت لاني ادري انك بتكونين خبيررررررررررره فيه وكل شي على الموضه تعرفينه بس للي برا البيت سبحان الله ... تعالي نتناقش انا وياك ونتكلم بصراحه




أدري انك فالبيت تبين ترتاحين طيب هذا متفقين عليه بس ليش هالراحه ماتجي الا بقميص قديم ولونه غبي ووسيع كنه مو لك وموديله نص ونص ؟

ليش مجرد مسمى اسم لبس البيت صار معناته قميص قطني من ابو عشرين ولا من ابو خمسه مشي حالك..
وان تكرمتي لبستي بودي ولا بلوزه من اللي كرفتيهم لبس برا او شكلهم طلع مو مره مع جنز قديم ولا أي شي ومشي حالك وغالبا حافيه
ولا شبشب من تزوجتي ماغيرتيه ليه؟

طيب ليش الاكسسوار بس برا البيت طيب اقنعيني ؟ يعني بتفقدين توازنك لو لبستي حلق كل يوم؟ ولا يعني اصبعك بيطلع من مكانه اذا لبستي خاتم ناعم .. ولا بتختنقين اذا لبستي سلسله لو بدون تعليقه ؟





طيب قوليلي من اللي قال بس ان اللبس المريح لازم يكون شين او خلينا نتجاوز ونقول مو جذاب ...

طيب ليش ممنوع لونه يصير فاتح وحلو ويفتح النفس طيب القميص الواسع اللي مكبر سنك ومزود حجمك ومخفي ملامح جسمك وماظن بتجرأين على حركة دلع وحده وانتي لابسته؟

ومن قال ان القميص اذا صار جذاب وناعم ويفتح النفس بيصير مو مريح ههههههه




عليكم اشياء تقهر وتفرس على قولة المصريين ..

طيب مو أريح البنطلون القطني او الجنز او أي قماش فالدنيا مو شرط يكون لاصق فيك وكاتم انفساك؟

مو احلى بودي ناعم او توب او بلوزه احلى من القميص اللي كمه مكشكش وزرايره تهبل ويقهر قهر

طيب الشبشب الله يكرمك يوم انك تلبسينه كل يوم وكل وقت مع كل لبس وفالمطبخ وفالحمام وفالصاله وممكن تدخلين به غرفة النوم ليييييييه

الشباشب مو غاليه واقصد شباشب البيت اطلق ماركه بيكون سرعه 49 ريال ومن أي محل بتاخذينه بعشره وعشرين يعني بس لو كل مره تروحين تشترين جزمه للفستان الفللاني وصندل للطقم العلاني ب60 ريال تجيبين ثلاث اربع شباشب للبيت الواحد ب10 و15 وش بيكلف


طيب ليش القمصان كيف بيجيك نفس تدلعين وانتي كاشخه بقميص لابسته امس وقبل امس واللي قبله ؟ طيب فرضا صرتي وسيعة وجه وتدلعتي منهو بالله اللي بيتقبل منك؟




نكمل



ليه ماتمرين أي محل رخيص وتاخذين لك تشيكلة بجامات حلوه والفساتين القطنيه اللي تجي لتحت الركبه وبدن اكمام وموديلاتها كثيررر والوانها اكثر .


. ليش ماتاخذين من الطقوم اللي تشبه الترنقات الرياضه اللي تجي ثلاث قطع بنطلون وبودي وجاكيت قصير ...


ليش ماتجيبين من القمصان اللي تكون نص كم وطولها لين نص الساق ومرسوم عليها دبدوب ولا ارنوب ولا اي رسمه ناعمه تفتح النفس ولا تجيبين من البجامات اللي تكون بودي وبنطلون قطني ومعاه روب نعوم تطلعين كأن عمرك 17


وكل بجامه معها شبشب لونه مناسب ونظيف ويفتح النفس ...


ولا تشترين من البرمودات اللي بالكوم فالسوق وبارخص الاسعار ليه حارمه نفسك الدلع والثقه والاناقه وحارمه زوجك ليه


انا عارفه ليه ماتدلعين خصوصا انا للحين مامات احساسك


لو فكرتي تدلعين بينك وبين نفسك بتقولين مالاق الدلع الا علي يعني ؟ اكيد بيحس انه مصطنع .. يمكن مايتقبل ... يمكن تلوع كبده من دلعي الماصخ؟

__________________