اختي الكريمه
الرجل مايحب كثر العتاب ولا النكد
خذي الأمور ببساطه وعادي جدا
بس ابغا اعرف اذا جا الساعه (11) الي متى يجلس؟؟؟؟
اذا يطول وعادي عند اهلك خلاص خير وبركه الحمدالله
استمتعي بالوقت واللي يجي فيه وعيشي حياتك وخلصي مشاوريك انت كمان
اما اذا يجلس ساعه ويمشي
لاتشبعيه تماما خليه بين وبين
خليه يتشوق للمره اللي بعدها
وبعدين لازم تعذرين خطيبك بإنشغاله
وانتبهي تحسسيه انك متضايقه من تلبية طلباته لأهله بالعكس قولي له لا تتأخر على اختك اكيد تنتظرك
ومن هذا الكلام
حبيبتي بالنسبه لأخواته فكري فيهم هم متعودين عليه وهم كمان بحاجته
انا اخت وعانيت لما شفت اخويا تغير علي بعد زواجه سار مايسأل عني بأي شي لاصغير ولا كبير
بإذن الله اذا تزوجت مارح اخلي زوجي يقصر على اخواته وامه
من جد فكري فيها
بالعكس حببيه في مشاوير اخواته وخليه يفكر فيهم انت بنت وعارفه احاسيس البنات كيف
ذكريه فيهم
وهو لما يشوفك مهتمه في اهله راح يهتم فيك وراح يحبك ويقدرك
خلي في بالك
كل مااحترمتيه واحترمتي اهله راح يحترمك ويحترم اهلك
كل مااعطيته لأهله راح يعطي لأهلك واكثر
هدي نفسك واشغلي وقتك بالمفيد وشوي شوي الين تتأقلموا على بعض
وبعد الزواج راح يتغير كل شي وراح يصير كل اهتمامه فيك
وعليك بالدعاء والاستغفار وقرآءة سورة البقره
والله لايغير عليكم ويألف بين قلوبكم
حصنتكم بلا اله الا الله
__________________
لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني
إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا
07-09-2007, 03:34 PM
ضوابط المشاركة
العرض الشجري