اهم شيء ....اهم شيء ....الاسلوب....!!!! - منتدى عالم الأسرة والمجتمع

02-04-2004, 01:12 PM

فيصل الشافي

عضو جديد

تاريخ التسجيل: Feb 2004

المشاركات: 6

اهم شيء ....اهم شيء ....الاسلوب....!!!!

السلام عليكم ورحمة الله وبركاته.....
بسم الله والصلاة والسلام على من لا نبي بعده.......

هذي اول مشاركة لي ...والصراحة احب من الكل الاستفادة منها ان شاء الله
الا وهي الاسلوب وطريقة تعاملك وفهمك للزوجة ...
كثير من الشباب يقول انا احب زوجتي وهي اتحبني ....انا ما اقصر عليها بشيء وهي ما تقصر علي بشيء...وتمر الايام والشهور ....والشخص يعطي زوجته من هالكلام الحلو ومن هالهدايا الحلوة ...وتمر الايام ....لكن هل الشخص هذا هل هو يفهم زوجته زين ويعرف وشلون طريقة تفكيرها ....كثير من البنات خاصة في مجتمعاتنا الشرقية المحافظة ..مستحيل تقول او تنطق بكلمة انا ما احبك ...واقصد في كلامي البنت اللي عايشة تحت ظل الكلام الحلو الزين والهدايا والطلعات والجيات ...يقدر كل شخص يدخل قلب زوجته ويفهمها ويسال نفسه سؤال ...هل زوجتي تحبني من قلب والا محبة عشرة وواجب ؟
المرأة قرينة الرجل في كل شيء ماعدى بعض الاشياء اللي ربي فرق فيها بين الرجل والمرأة ....مثل ما تفكر انت ...هم بعد البنت تفكر مثلك ....انت يالشخص المتزوج ..معقولة ما قد في يوم من الايام قد فكرت مثلا وانت في السوق مع زوجتك وشفت قدامك بنت انها اعجبتك ولو بنص نظرة بحكم انك متزوج ..؟؟؟ اكيد منت رايح تقول لا والله ما قد فكرت ...اعرف ان البنت مثلك ...لكن منهو اللي بعيدة الفكرة هذي عنه؟؟ هو اللي لقى زوجة حبته حب ما ينوصف وهو حبها حب ما ينوصف ..تعرفون ان الحب نعمة من الله سبحانه ..مستحيل يعطيها كل شخص الا بايمانه وانا ما اقول ان على كل واحد انه يكون مطوع ..لا انك تخلص قلبك له سبحانه ..والبنت اذا شافت شخص اجمل من زوجها او اعجبت فيه لكن وانتبهوا لكلامي لكن اعجبت فيه اعجاب عابر وفي داخل قلبها ..ولا هي رايحة تسوي شيء اصلا ومستحيل تخونك لكن النيات ما عليها رقيب الا الله سبحانه وتعالى ..يا شينها لو زوجتك اعجبت في شخص في داخلها وانت قدامها موجود ..وهذا الشيء موجود بكثره ..لب الموضوع انك اقعد اكثر وقت ممكن مع زوجتك وافهمها من نظرتها ومن كلامها لك وحسسها بالحنان وصدقني ..اقسم بالله وهذي عن تجربة شخصية لو اعطيتها من الحنان الشيء البسيط صدقني ما يهز قلب زوجتك اي شيء وصدقني بالحنان والعطف انك رايح تكسب الكثير ..ممكن تقول طيبتي معها هي كل شيء واني حنون وعطوف لكن صدقني ان الحنان والعطف اللي من قلب وبدون تصنع لان الحرمه تحس سبحان الله مهو الحنان الحاجات اليومية لا والله الحنان ينتج عن حب من قلب من قلب ومهو اي حنان ...حنان وعطف يحس فيه المحبين بس واقسم بالله وصدقوني اني كلامي هذا رايح يفيد قلوب كثيرة ..حتى اللي تزوج من وحده بدى حبهم مع الايام لكن خله يزيد ورايح تحس بالشي هذا ولا تنسون ان الحب نعمة من الله ..واخلصوا نيتكم لله سبحانه وهو الرازق...بعض الشباب يقول انا ما همني حب وما حب خلاص حب عادي وانتهينا لكن احب اقوله ان حب زوجتك لك رايح يخليك تدخل عالم ما تعرفه ... سبحان الله عالم تحس فيه انك مهم وان فيه انسانه تحتاجك وتحبك حب حيل واذا كل واحد عرف وش مفتاح قلب زوجته صدقوني رايح كل واحد فيكم يعيش حياة ما يتصورها ...وكل شخص على حسب ما ربي اعطاه من قدرات ومن اساليب واللي مهو راعي اسلوب بس يعطي تفكيره حق زوجته الشيء البسيط ... انا اسف على الاطالة واشكر مدير المنتدى انه اعطاني الفرصة اني اقول ولو شيء بسيط يفيد اشكره من كل قلبي ....وفي امان الله

02-04-2004, 01:21 PM

هاااااوي

عضو دائم

تاريخ التسجيل: Mar 2004

المشاركات: 66

الله يعطيك العافيه ويجزاك خير اخوي

كلام حلو وجميل

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه