معليش والله على الإزعاج
بس إضافة بسيطة ( لأني رجعت قريت الموضوع مرة ثانية ) بس لا تزعلي،،،،
يعني شوفي نفسك لمن كتبتي ( مو عاجبه عبايتي ولا لباسي و و .... )
وانتي إلى النهاية ما نفذتي كلامه تماما سويتي جزء من عندك وجزء من عنده
يعني أوقات تكون سبب مشاكلنا هي نحنا بذاتنا
بصراحة ماتسمعي كلام زوجك ( في عبايتك ) كبيرة والله
أنا أخاف انه يكون زوجك يبغاكي تلبسي عباية محشمة وعلى الراس مثلا
وانتي تبغي تغطي ( نينجا ) وحركات زي كدا
إذا كان هذا الشي ، فهو والله شي محزن ويقطع القلب ، انه أهم شي بالنسبة لزوج لمن تخرج زوجته ( كيف يكون مظهرك أمام الناس )
وإذا انتي ما بتقدري تطيعي زوجك في هذا الشي ، فاعتبريه حتى هو ما يقدر يطعيك من الناحية اللي انتي تحتاجي لها ( مثلا الإشباع العاطفي )


خلاصة الكلام ...... لمن يكون الانسان مو مقصر في أغلب الأشياء وأهمها ،،،، يقدر يلوم غيره وقلبه قوي


أدعو الله لكم السعادة التي لا تزول
وفقك الله لكل خير