ما أدري شأقول لج يا اختي بس والله حاسه فيج..انتي و انا عايشين نفس الحالة بس يمكن قصتي أطول..

كان في طالب معاي من دوله ثانية ، معجب فيني وصارحني (والصراحة كنت انا بعد معجبة فيه بس مستحيل يعرف) لما صارحني طلبت منه ينتظرني 6 شهور عشان ظروف اهلي لأنه كنا بعدنا نبني البيت و ما كانت مارة فترة طويلة من فسخ خطوبتي من ولد عمي ، وابوي كان شوي زعلان على الموضوع.

المهم مرة فترة ال6 شهور و ماكان بينا شي غير الوعد لأننا الاثنين ملتزمين...ولما انتقلنا و اتسكر موضوع ولد عمي نهائيا، كلم امه و هيه فتحت الموضوع مع امي بالتلفون مبدئيا عشان تحدد موعد ويجون يخطبون رسمي..

في البداية وافق ابوي و لكن بعد فترة قال نفس كلام ابوج...
لأنه طالب قال له :
انت (كمل دراستك) ودبر نفسك ولمن تخلص اذا فيه نصيب تعال اتقدم تاني وربنا يكتب الي فيه الخير.. وهوا وافق لأنه اهله قالوا انه ابوي ما راح يوافق قبل ما يكمل وحتى لوكانت خطوبه بس...

الحين أنا عايشه مثلج بس المشكلة انها مب 7 شهور بس ولكن اكثر عن سنه...

الله يكون في عونج..انا كل اللي اهلي وغير اهلي ينصحوني بيه هوه الصبر...لكن انا حاسه اني راح اطفش لأنه الموضوع من بدايته ماخذ سنة للحين..وبعد باقي سنة على الأقل..

إنتي يا أختي أنصحيني...