والله مدري اضحك ولا ابكي

كاانك تقولين قصة حياتي اناعندي انسان شبه متبلد تقريبا مااحس انه عنده احاسيس ومشاعر
الا ماندر..وسالفه الهدايا هذي شي ثاني من تزوجت وانا اتمنى يهديني اي شي ان شاء الله علبة مناديل ياشيخه مااقول شي انا قنوعه بس يحسسني انو لي قيمه عنده
حتى لما ولدت كنت انا اللي اكلم عليه وااقوله هاه مااشتقت لي اكيد البيت ماله داعي من دوني يقولي وبكل برود لا عادي انا اعرف اتصرف

والله مادري اواسيك ولا اواسي نفسي بس يله الحياه حلوووه

حبيبتي روقي وتاقلمي مع هذا الوضع وزوجك طبعه كذا وابو طبيع مايغير طبعه
وبقولك شي انا مجربته بما اننا نفس الحاله حاولي انك تجوعينه عاطفيا يعني مره دلعيه واغرقيه بالحب والحنان و ويومين الى اربعه طنشيه وخلك عاديه حتى الهدايا خليها قلليها وشوفي يمكن يحس ويفيد به
وبالنسبه للسفر حاولي تقنعيه وبكل هدوء انك تكونين معاه ..والله يوفق مابينكم
تحياتي لك يالغاليه واسفه عالاطاله

السلام عليكم ورحمه الله وبركاته

من واقع ما نسمع ونقرأ عن المشاكل الزوجيه فغالبيتُها تتحدث عن نقص حاصل ورهيب في امدادت اكسير الحياه الزوجيه والمتمثل في عدم اظهار مشاعر الحب والحنان والعطف من قبل الزوج لزوجته وبث ما يشعرها بي اونوثتها ورقتها .... سواء كان بالافعال كالهديه على سبيل المثال او القول من كلام معسول ...والتي اتوقع لو ان تلك المشاعر توفرت وكانت محيطه بسياج الحياه الزوجيه فسنجد ان هناك كثير من المشاكل الزوجيه سوف تختفي بلا رجعه... لكن وهذا مربط الفرس ان السبب الرئيسي لعدم اظهار الرجل لتلك المشاعر النبيله امام الزوجه او عدم معرفه بكيفيه اظهار تلك المشاعر بالصوره الجميله التي تتمناه كل امرأه هي التربيه الاسريه وخاصه في المجتمع السعودي ...كذلك بزوغ فجوه كبيره بين الزوج والزوجه بسبب مشاغل الحياه فالزوج نجده في الصباح في العمل والمساء مع اصحابه وخاصه مع انتشار ظاهره الاسترحات فنجد ان اكثر الجالسين فيها تغلب عليهم البرامج الغنائيه وما فيه من فتيات جميلات فاتنات دون مطالعه ما يثري ويساعد على تنميه مشاعر الحب والصفاء والتذكير بها _باعتبارها كلام فاضي _ والزوجه في منزلها غالبا ما تجلس وتطالع المسلسلات بحكم عدم تواجد الرجل في غالب الاحيان في المنزل و التى تتحدث عن الحب والحنان والعشق وووو فلهذا هي تتمنى ان يقع ويطبق عليها مما تسمع في تلك المسلسلات افعال واحاديث رومانسيه والرجل يبتعد اكثر لعدم اهميه تلك المشاعر في نظره فتحدث المشاكل وكلا طرف يعتبران نظريته وطريقه تعامله هي الاصلح

معذره على التكرار

اختى ورود الغلا ...ماتتخيلين احس بتشابه كبير بين شخصية زوجى وزوجك ...واحساسي واحساسك....
بس تدرين ...انعكس سلبي على شخصيتى ...صار اذا قال كلمه لو طايره بالهواء حب اشك انها جت صدفه حتى مره قلت بوجهه ماشالله تعلمت .....وزعل ...بس من جد قاهرنى..

لالالا وازيدك من الشعر بيت كملنا سنه على زواجنا ...تخيلي اذكره بالمناسبه واطلبه هديه ....تدرين وش رد ؟؟؟؟يكون خير ...ويسافر قبلها بيوم واحد ...وانا بموت من القهر ...اقسم بالله اذا جت ببالى المناسبه ابكي بقهرررر مايعلمه الا ربك....


قوليلي وش اسوى ؟؟؟؟ملييييييييييت من كل شي


شكرا من قلبي على ردك


اختك
حلالا

__________________