مساء الورد عليكم جميعاً ..

ومرحباً بكم مرة ثانية ..

أخذت بصلة متوسطة وحطيت عليها شوية زبدة على النار ..

وحطيت عليهم فلفل بارد مقطع مكعبات صغيرة وشوية من حبوب الخردل وخليت البصل لين يصير ذهبي ولين تطلع ريحة الخردل ومكعب ماجي ..

وبعدين حطيت عليهم ملعقة أكل من خلطة المكرونة وخلطتهم مع بعض..

وبعدين عندين رز مغسول ومنقوع لمدة 1/2 ساعة صفيته وحطيته على الخليط السابق وحركته بحرص علشان ما تتكسر حبات الرز .

ولما طلعت ريحة الرز الجميلة نصب عليه قليل من ماء (كمية تغطي الرز أو ترتفع عنه بسنتيمترين تقريباً ) ونتركها لين ينشف الماء على نار متوسطة..

وبعدين على سطح الرز آرجع آحط تقريباً 1/2 ملعقة من خلطة المكرونة وشوية زبدة سايحة وآغطيه لين تلين حبات الرز ويقدم مع الدجاج بالخردل ..




::: [blink]وبالصحة والعافية [/blink]:::