المشاركة الأصلية كتبت بواسطة ***نووور***

اختي انصحيها تصبر على عيالها

وترد لبيت لزوجها حتى لو كان في بيت اهله اذا كان المكان مناسب للعيش فيه


ويكون لها غرفتها الخاصة ولعيالها غرفة خاصة


اختي انصحي صديقتك تصبر على زوجها وراح يصير للأحسن ان شاء الله


كل اللي تزوجوا على زوجاتهم تقريبا في البداية نفس زوج صديقتك


اكلمك عن تجربة ..............


خليها تصبر علشان عيالها تعيش في بيت يضمن لها كرامتها وتربية مستقرة لعيالها هذا الأهم

اما انها تترك العيال له ولزوجته لالالا ما أيد هالشيء


اختي نحن المسلمين مو همنا كله الحياة الدنيا لا ياأختي


هناك آخرة وجزاء في الدنيا والأخرة اللي يسوي الخير يلقاه واللي يسوي الشر يلقاه


انصحيها تربي عيالها احسن تربية وتهتم فيهم وتهتم بنفسها وبدارها


والزوج لو جاها تعامله معاملة حسنه لله تسوي الواجب اللي عليها

ولا تتكلم عليه ولا تسبه ولا تجيب سيرة الثانية ابددددددا

اذا غاب عنها تعتبر انه راح في رحلة او سفر

اذا كلم الثانية تطلع من عنده ولا تقعد تسمع الكلام اللي يسم البدن

اذا سبها ولا تكلم عليها ما تهتم لكلامه وتسفهه ........وتحقره



شوفي اختي نقطة هامة اللي هي

تهتم بنفسها وبعيالها وفي بيتها ولا تهمل هالأمور ابدا وتعامله معاملة طيبة وتكفيه شر لسانها

ولا تزعل منه اذا تزوج ابدا .................


تقعد معاه وتقول له انت حبيبي تزوجت وسويت اللي تبي وانا لا أعارض رغباتك .........


لكن ابيك ما تقصر علينا وما بي احس ان عندك في الدنيا غيري


اليوم اللي تكون فيه هناك احتسبه عند الله واعتبر انك مسافر


واليوم اللي تكون عندي ابيك ما تقصر معاي وأنا بعد ما راح اقصر معاك




صدقيني اختي اذا احسنت زوجته معاملته والله العظيم ................ان الله بيرزقها بالخير والسعادة صدقيني وبمكن زوجها يترك زوجته الثانية ويعود اليها ..........عن تجربة هالشي صار ولله الحمد والفضل



وارجوا انكم ما تفتنون بينها وبين زوجها وتشيشونها عليه .............لأنها ستكون هي الخسرانه

بالعكس انصحوها بما يساعدها على استمرار حياتها الزوجية بأمان واستقرار رغم المشاكل اللي تصير حولينها

صدقيني في يوم من األأيام سيعرف زوجها قيمتها وسيعود اليها أفضل من الأول


ولا تضنين انه بيكون هالشيء بدون معاناة وبين يوم وليلة


ولكن بيصير هالشيء مع الصبر والأستعانة بالله وطول البال وهدؤ الأعصاب وصبر السنين


صدقيني كل اللي يتزوجون في البداية يظلمون زوجاتهم وما يقدرون على العدل وتطلع منهم هفوات كبيرة ولا صغيرة على حسب الشخص وتقواه




لكن بعد مرور الأيام تصبح الزوجة الثانية بعد ان كان فرحا بها انسانة عادية وتظهر على حقيقتها وهو يظهر لها على حقيقته ويعود كما هو اصلا ولا تصبر عليه الا من احبته وصبرت عليه وضحت من أجله وانجبت له البنين والبنات وعاملته المعاملة الحسنة وما سخت فيه فتلقينه يعود الى من يشغر عندها بالأمان والرحمة والحب ويصحى ضميره ويؤنبه فيعود يريد ان يعوض زوجته التي ظلمها


والزوجة الحكيمة العاقلة تدعوا ربها يساعدها ويعينها ويصبرها ويرد لها زوجها أفضل من قبل ............وسيستجيب الله الدعاء


صدقيني ان الله لا يضيع أجر من أحسن عملا


"إنما يوفى الصابرون أجرهم بغير حساب".