اختي الغالية
ممكن اختك تشتري فستان فرح وتأخذ صور جميلة مخصصة للأفراح وهذا اوفر من حفلة وممكن يوفرون مالهم لكي يذهبون لشهر العسل لأان الفرح هي للمعازيم ولكن شهر العسل خاص لها ولزوجها ودام عندها ذكرى بالصور هذا اهم شيء...
وفقها ووقفي الله
لا تنسوني بالدعاء

__________________

لا تنسوني من دعواتكم

أرجو أن تدعو لي بالفرج وبالزوج الصالح الذي يخاف الله فيّ

اكيد حلم كل وحده تسوي حفله

لكن إذا مافيه إمكانيه خليها تلبس فستان وتعمل زفه بدون وجود احد وتصور بالفيديو

وتسافر شهر العسل

والحفله يوم وتخلص والسفر اسبوع واكثر

واقنعيها انوه مو نهاية الدنيا لو ماعملت واهم شي التوفيق

شوفي اختي انا كنت مرتبه امور عرسي وكان عرس فخم

بس قبل عرسي ب 6 شهور توفت اخت زوجي مع زوجها وابنائها بحادث مروووع اليم

يعني مافي امل اسوي عرس وانا نفسيتي صارت زفت من ناحية اني وايد حزنت لوفاة بنت خالتي

ولاني ماراح احقق حلم عمري اللي كنت اتخيله طوووووووووووول عمري

ف قررت اعوض بشهر عسل

بس قبل عرسي بشهرين ضاقت فيني الدنيا وحسيت اني بندم

ف سويت عرس عائلي ف قاعه صغنطوطه ولبست فستان الابيض وتصورت مع زوجي

وقعدت عالكوشه وماخليتها بخاطري وعزمت كل صديقاتي عشان يفرحون فيني

وكانت التكاليف اقل وتكاد لاتذكر

وتزوجنا وسافرنا ولله الحمد

مستقره صار لي 5 شهور

عندي سؤال..
وين هذا العرس يكون على حساب العروس؟
اي دوله؟
نحن عدنا المهر والزهبه والعرس وشهر العسل كله عالمعرس..

الزواج في البيت وتنادي صحباتها المقربات وحلى وفطاير وبوفيه صغير مايكلف شئ ان شاء الله ولو ماقروا هم يطبخون طبخات ويعملونها كانها بوفيه وشريط طق وووناسه ومااتوقع تخسر شئ ان شاء الله لان اذا ودها بصديقاتها لاتكسرون خاطرها

__________________
بدمعتي سأخط عمري..وببسمتي سأسعد من حولي ..وبصمتي سأقهر عدوي.ومابينهم سأكون انا احااسيس

اختي .. لو باقي من مهرها شي . خليها هي تسوي حفله زواج.. صغيرة لا تكبرهاا
يعني باستراحة بسيطة و ما تكلفها اكثر من 10 الاف,, اساليها اذا باقي من مهرها شي,, و انا متاكدة لما تبادر بهالحركة .. اهلك راح يساعدونها ما راح يخلونها

اختي .. احنا العائلة كذا و عادانتا وتقاليدنا تقووول .. على العروسة حفل الزواج
يعني لما قريت الموضوع ما استغربت,, طبيعي ,, بس اللي استغربته اهلك ما يساعدون اختك ولو مثلا بخمسة الاف منهم و هي خمسة..

اذا مرررررررة ما يقدرون صلحوا حفلة كبيرة بعد ما ترجع من شهر العسل باستراحة و انبسطوا و كل شي

__________________

بصراحه السفر لاحقه عليه في اي وقت..بس لازم تعملو لها حفله زواج حتى لو كانت بسيطه جدا اهم شي فستان ابيض ومصوره جيده والناس الي تحبهم يكونو موجودين

انا بعد ودي اعرف وين هالعادات
احنا في قطر كل شي عالمعرس

المهم اختي انا اعتقد ان العرس اهم من السفر
هي ممكن تسافر في اي وقت بس العرس ليله في العمر ما تتعوض
و مسكينه بيتم في خاطرها طوول عمرها

و بعدين اذا شهر العسل زوجها مقترح الامارات فأعتقد العرس احسن من سفرة الامارات اللي ممكن تروحها في اي وقت
لو بعد دوله مناسبه للوناسه و شهر العسل بنقول ممكن شوي تفكر بالموضوع
بس و الله حرام تخلي حفلة الزواج و تختار شهر العسل بالامارات او اي دوله عربيه ما راح تستانس

خليها تتفق مع زوجها انها تسوي حفلة زواج و تشيل فكرة السفر من بالها الحين

ممكن بعدين اتغير الظروف و يوديها شهر عسل محترم

الله يوفقها و يعطيها على قد نيتها

__________________

طيب الامارات حطينا عليها اكس
وين تتوقعون ااحسن مكان للسفر

مع احترامي لحبايبي الإمارتيين ( حطي على الإمارات أكسييييييين ) لان الامارات هالوقت حر وبهذله وزحمة

انا اقول تركيا وخصوصا ( انطاليا أو بورصة الخضراء ) وفي بكجات في مكاتب السفر والسياحة ( مررررررره رخيصة ) وتفي بالغرض

ويقولون السفر مو حلو

تمنياتي للجميع بالتوفيق