المشاركة الأصلية كتبت بواسطة تاجي حجابي

أيضا اضيف على كلام الأخت :
-انه وقت النزاع وسوء التفاهم الرجل لازم يكبر عقله شوي ولايصير هو والمرأة واحد ولايجيب لها أخطاءها القديمة اللي تابت منها ونستها
-انه يحافظ على حدود الله وشرعه ويذكرها بين فتره وفتره بتقوى الله وبأسلوب محبب لنفسها ويحافظ على الصلاة جماعة بالمسجد الصراحة انا احسها قمة الرجولة
-خل يصير له شخصيته المستقلة ولايحاول يدخل امه بشؤون زوجته . إذا بدخلها بشؤونه هو بكيفه لكن يخلي أمه تتحكم بزوجته أيضا فهذا لألألأ حرام عليكم صج وعن تجربة أشعر كأني طالبة يجب علي ان أتقيد بتعليمات المديرة
-يلعب عياله ولايستأرف منهم ويوعوع ولايقربون مني لأ ايدهم وسخة بل العكس يشيلهم ويلعبهم ويغسلهم إذا كانت تعبانه وموكل مرة (((موكل مرة )))
يمدح غداها وعشاها وكل أكلها حتى لو كان موشي وماينتقد الطبخة بنفس الوقت لالا يكون بوقت ثاني زوجته فيه صافية البال ومرتاحه ويبين لها بأسلوب حلو مثلا يسألها انتي الطبخة الفلانية(اللي موعاجبته) اشلون تسوينها ؟انزين اشرايج المرة الجاية تحاولين تسوينها بالطريقة الفلانية لأن اليوم مثلا كان فيها كذا وكذا وأنا أحبها بكذا بكذا _ وطبعا تكون هي بالحضن أو قريبة جدا تكون مستسلمة للزوج -بس ها موبالفراش - وإذا فيه شي راح أقوله وهذا اللي عندي..