مرحبا اختي
انا مو عاشق نفسه انا زوجته
عيوني باكتب لك طريقتي وان شالله تعجبك مثل ما تعجب كل اللي يذوقونها لدرجة اني اصبحت مشهورة فيها
ما اطول عليك
اول شي اختي تسوين
الحشوة
يقطع البصل صغير ويوضع في مقلاة على النار مع زيت حتى يذبل بعدين تضيفين
الفلفل الرومي المقطع ثم الدجاج المفروم مع اني افضل صدور دجاج بدون عظم يقطع صغير
( اللي تحبي اختي ) وتضعينه على البصل ويحرك حتى يستوي الدجاج بعد كذا تضيفي طماطم مطحون
معه فص ثوم وشوي معجون طماطموماجي وبهارات وفلفل اسود مطحون وملح واذا تحبيها حارة تضيفي
فلفل حار مقطع بعد كذا تكوني مجهزة
بطاطس وكوسة وجزر مقطعة مكعبات وفاصولياء خضراء طبعا الخضار حسب الرغبة امامقلية او مسلوقة
وتضيفيها للدجاج وتخلبها تتسبك وتثقل الافضل تكون غليظة شوي .
المعكرونة
اي نوع تفضلية بالنسبة لي افضل قودي اللي مثل الخواتم صغيرة احسها تكون الذ من السباقيتي
المهم تسلقينها مع زيت وماجي وملح وبهارات .
اثناء ما تستوي المعكرونة تقومين بتجهيزالباشميل
الباشميل
كميته حسب رغبتك بس لازم تحطي في بالك انك كثر ما تحطي زيت تحطي دقيق
مثلا انا احط 6 ملاعق زيت وعليهم 6 ملاعق دقيق وتحركينهم سوا وتضيفي لهم شوي بهارات وملح وفلفل
اسود وتحطيهم على النار مع استمرار التحريك لحد ما تنشف وتتكتل وقتها تكوني مجهزة حليب بودرة وماء
وجبن البقرة الضاحكة او اي نوع اهم شي لايكون كيري لانه ماله طعم حطي الكمية اللي ترغبينها في
الخلاط والافضل تكثريه لانه يعطي للباشميل طعم يجنن وتحطي خلطة الحليب على الدقيق وتحركي
بسرعة بمضرب البيض اليدوي حتى ما يكون فيه عقد وتحركية لحد ما يوصل لدرجة الثقل اللي ترغبينها
والافضل يكون ثقله مثل خليط الكيك
وقبل ما ترفعيه من على النار حطي عليه جبن موزريلا وحركيه لين ما تحسي انه الجبن ذاب مع الباشميل
بالنسبة لي احب نكهة الجبن في خلطة الباشميل علشان كذا احط كمية كبيرة واتوقع اضافة جبن البقرة
الضاحكة والموزريلا هي سر الطعم اللذيذ في معكرونتي
ملاحظة
لازم تكون كمية الباشميل كبيرة شوي لاننا راح نضيف منها شوي مع المعكرونة قبل ما نضعها في الصينية
بعد كذا نجي لطريقة وضعها في الصينية
نأخذ كمية من الباشميل ونضعه على المعكرونة في القدر ونخلطه زين بعدين نضع نصف كمية المعكرونة في
الصينية ثم الحشوة ثم النصف الباقي من المعكرونة ثم الباقي من الباشميل اذا تحبي رشي الوجه بشوية
موزريلا علشان يعطيها شكل احلى بس (يعني مو ضروري) وتدخلينها الفرن لمدة نصف ساعة
وبألف عافية على قلوبكم
اذا سويتيها واعجبتك واعجبت زوجك ادعي لي الله يرزقني الولد الصالح