حبيبتي دلوعة مودي.....الله يحفظج ويحفظ عيالج من كل سوء... ما اقولج غير اقرئي سورة البقرة ..مب بس تسمعينها..لأ حاولي تقرينها انت بنفسك....ما ابا اقول اني نفس حالتج..لاني توني كملت نص سنة من زواجي..بس انا ساكنة في شقة ومن اول ما سكنت وانا احس بضيق واحس بمثل ظل حد في غرفة النوم وغيرها..وكنت احلم احلام جدا مزعجة لدرجة اني اقوم وانا عرقانة وخايفة...وكانت بيني وبين زوجي مشاكل على ابسط الاشياء لدرجة انه ضربني وانا عروس مثل ما قلت من قبل...المهم كنت احكي لزوجي احلامي لان الحلم تكون نهاية تقريبا متكررة وهي انهم يتمثلون بصورة زوجي وانا اعرف انه مب زوجي ويحاول الاعتداء علي.. فاقوم وكلي خوف من الرسالة اللي يبون يوصلونها لي واقوله من تخوفي من هالشقة...فكان رده ان هذي تهيؤات وخيالات وانه هو ما يحس ولا يشوف شي...حتى اختي ومرت اخوي يقولولي شقتج غير مريحة نفسيا... وفعلا كنت اشغل سورة البقرة يوميا..وعقبها بفترة وقفت وقررت اقراها بنفسي لان الاحلام كانت مستمرة بس بصورة اقل ومتقطعة.. وبعد ما قريتها كل ثلاث ايام كم اسبوع ..اختفى احساسي بالظل..وتوقفت الاحلام لمدة طويلة تقريبا اكثر من شهرين...حتى المشاكل خفت وايد بيني وبين زوجي.. بس من كم يوم احس ان الظل رجع..والحلم تغير وهدفهم صار ولدي اللي بعدني ما حملت فيه..لاني انا وزوجي قررنا اننا خلاص نبا اولاد..الله يرزقنا الذرية الصالحة ان شاء الله...وناوية اقراها اليوم او بكرة عشان احصن نفسي والبيت..وناوية اشتري لوحات فيها آيات قرآنية..او اكتب على ورق مقوى بعض الآيات اللي من سورة البقرة واللي احس انها تقويني وتبعدهم وبعلقها في كل غرفة عشان تكون امام عيني وعينهم وعشان ارددها طول الوقت...والحمدلله بعد إلحاحي رضا زوجي اننا نغير الشقة اول ما نلقى سكن ثاني مناسب ان شاء الله...
اختي انصحج تقرين سورة البقرة بنفسج..وشوفي اذا تقدرين تعلقين اشياء فيها اسم الله وآيات عشان ترتاحين ..طمنينا عليج وماتشوفين شر.. والله يكون في عون الجميع ان شاء الله...

__________________