عليكم السلام ورحمة الله وبركاته

ماعليه ياأختي دائما ً أقول : إنه نصف علاج المشكلة الإعتراف بوجودها

وإنت ِ معترفة إنه المشكلة مشكلتك ، وحساسيتك الزائدة هي المشكلة

صدقيني أنا مثلك الآن حساسيتي زائــــــــــدة مع أهلي وحتى مع صديقاتي

لكني لأني حاسه إنه هذا الشي راح يضرني كثيـر خاصة مع الناس اللي مايعرفون عنك

إلى متى وأنا أتحسس من أي كلمة وماياكلها إلا أنا وأعصابي !!

فكري في زوجك إلى متى راح يراضيك ، الرجل له قدرة على التحمل فترة لكن بيجي يوم

وبيتغير كثير وإنتي اللي راح تندمين بعدها !!

نصيحتي لك لما يصير لك موقف مثلا ً مثل اللي صار لك في السوق لا تستعجلين وتتضايقين بسرعه

احبسي نفسك كم ثانية أو حتى عدي إلى عشرة قبل أن تتصرفي وصدقيني بتهدين شوي

وأضغطي على نفسك أول مره وقولي الحياة أكبــر واقنعي نفسك بنفسك إنه أنت ِ المتضررة الأولى

لما تزعلين وصدقيني مرة مرتين تصيرين تتعودين تخففين شوي من حساسيتك

انتبهـي تتصرفين وإنت ِ منفعله ، لأنه أكثر المشاكل تصير في مثل هذي الأوقات

لما تجلسن مع نفسك بهدوء فكري في الموضوع وحاولي تسوين لنفسك تعديل سلوك

ودائما ً قارني مثلا ً بين ردة فعل زوجك لما تتضايقين وبين ردة فعل أي رجل ثاني لو بتسوي معه

زوجته مثل اللي تسوين كيف راح يكون تصرفه !!

الرجال مش واحد بتصرفاتهم وحنانهم حتى ، في هالوقت بتعرفين قيمة زوجك وتحاولين تتغيرين

علشانه ..

أتمنى أكون أفدتك والله يوفقك وييسر أمرك ويسخركم لبعض يـــارب