ماخبرتينا شو متخصصه؟ لو من البدايه التخصص اللي إخترتيه مختلط كان المفروض تخبري خطيبج عنه
وبعد ذكرتي من كلامج إنه موظف في وظيفه محترمه يعني مابتحتاجي لوظيفه إن شاء الله



المهم الحل من وجهة نظري عزيزتي إنج تخبرينه بالوظيفه اللي حصلتيها وإنها عجبتج وااايد وذكري مميزاتها وبيني إنج واايد متحمسه لها وبعدين ذكري قرار منع النقاب ولو عصب ورفض خذيه بالهداوه وقوليله زين انا أريد أتوظف خاطري أستفيد من شهادتي وانا متخرجه من سنه اخاف فرصي تقل وماحصل وظيفه عقب وانا مليت من البيت وووو تمي رمسيه ولو أصر على موقف قوليله خلاص بهون عن هالوظيف بس ياريت تساعدني أحصل وظيفه غير وبيني له إنج معتمده عليه وصدقني النهو بيدولج على أرقى الوظايف بعد حتى لو في إماره قريبه منكم الشباب عندنا يقدرون فهمتيني حبيبتي

في نقطه أريد أذكرها بس مادري بتتقيلينها مني ولا لأ وهي (خلج واثقه من رحمة الله وإنه كل اللي بيصبج هو قدره لج وخلج بعد واثقه من نفسج ولاتتخيلي إنه خطيبج هو كل دنياج وإنه أحسن الشباب ووو وتقعدي ترسميله الصوره المثاليه وتطلعيبه للسما وعقب تنصدمي, مادري فهمتى اللي أبا أقوله؟ أباج تكونين قويه ومتوازنه في مشاعرج)
والله يوفقج
إختج ألم حبوب