حبيبتي زوجك يحبك و عاوز يحافظ على بيته و عليك علشان كده بيكون عاوز منك كل شئ بيشوفه بره علشان عينيه مش تروح كده و لا كده
عزيزتي ، ده حقه إنه يحب يشوفك في أحسن حال و بالصورة اللي يتمناها إنت حلاله و هو إنسان ملتزم و مش عاوز يغلط

غاليتي، زوجك لو كان بيفضل الشكل على الجمال الداخلي كان وافق على خطيبته الأولى لكنه اختارك انت لما عرفه عنك من دين و خلق و اشترى فيك الجمال الداخلي قبل كل شئ لكنه عاوز يكمل جمالك الداخلي بالشكل الخارجي علشان يعف نفسه

أما عن إنه مش بيسمعك كلام الغزل و الحب غير لما تكوني مهتمه بزينتك فاعتقد إنه من باب التشجيع ليك على المداومة على هذه الصورة و إنه مش دائم الإنتقاد لك إلا إذا أهملت زينتك ، أما في حالة اهتمامك فهو بيحييك و بيشجعك على هذه الحال

زوجك إنسان محترم بيشكرك لما بتهتمي بزينتك ، في رجال لا بيشكروا في الاهتمام و لا في عدمه و دائم الإنتقاد لكل شئ

حبيبتي ، حافظي على زوجك و شيليه في عينيك و حطي في بالك لما تيجي تعملي ريجيم إن الهدف الأساسي مش إنك زعلانة و مقهورة لأ ، الهدف الأساسي إنك كل ما بتخسي كل ما زوجك بيسمعك كلام أحلى و صدقيني ده هيشجعك أكتر

في إيديك مفتاح جوزك فمش تضيعيه منك

أما إذا عاوزة تشد جسمك فممكن تجيبي أي آلة من آلات التمارين و أنصحك بآلة المشي لأنها بتحرك كل عضلات الجسم و أما عن الريجيمات فأكثر منها مافيش المهم تختاري النوع اللي يناسب جسمك و يجيب معاه نتيجه كويسة و ياستي سمعتلك عن ريجيم لدكتور إسمه د. أسامه حمدي كلهم بيقولوا إنه حلو جداً أنا بصراحة لسة مش جربته لكن كنت ناوية أبدأ فيه بعد العيد لو عاوزة تبدأي من النهارده و عاوزة حد يشجعك بس قوليلي و أنا أبدأ معاكي

و صدقيني مش في أسهل من إن الواحده تخسر وزنها خصوصاً إذا حطت في بالها إن جوزها هيكون مبسوط أكتر و إنها هتحلى في عينيه أكتر و إنها هتسمع منه أكتر و لا إيه يا جميل

و مش تزعلي من صراحة زوجك ده ممكن بس يكون طبع و أكتر الرجالة مش بيعرفوا يزوقوا الكلام

و ربنا إن شاء الله يهنيكم ببعض

__________________

	[blink]"و اصبر حتى يحكم الله و هو خير الحاكمين"[/blink]

__________________