انا خطيبي قريب مني بالعمر جدا ومبسوطه والله يعني احس تفكيره قريب لتفكيري وفاهمني زين يعني من نفس جيلي..

طبعا يختلف الوضع لو خطيبي اكبر مني ب8 او 10 سنوات اكيييد بيكون فيه اختلافات صدقني لو تخطب وحده اصغر منك بسنة ولا سنتين تشوف كيف الانسجام..

وبعدين الرجال هواللي يثبت اذا هو قد المسؤولية ولالا ياما شباب باعمار 22 و 23 وما شاء الله رجال وقد المسؤولية وياما شباب في الثلاثين فمة التفاهه..

يعني الاهل يسألون عن الولد بغض النظر عن عمره اذا سمعو مايسرهم مارح يهمهم عمره اهم شي مستقل ماديا مو معتمد على اهله ويقدر يفتح بيت..

والبنت من ناحيتها اذا تعرفت عليك بعد الخطوبة ساعتها بتشوف انت قد المسؤولية ولالا تحس بالامان معك ولالا تقدر تعتمد عليك بالشدائد والمواقف ولالا..

يعني اصغر المواقف تبين الرجال وهذا اللي تعتمد عليه البنت اللي يهمها شخصية الزوج مب اللي تبي رجال والسلام..

ياخي اهم شي الحب والانسجام وتحمل المسؤولية والتنازل للطرف الاخر هي الاشياء اللي تمنع الطلاق باذن الله يعني اذا بتمر عليكم مشاكل مرة انت تتنازل ومرة هي تتنازل مع الحب والتفاهم وشوي صبر على الشدائد والوقوف مع بعض في وجه مشاكل الدنيا خلاص باذن واحد احد مارح يهزكم ريح ولا رح تتطلقون والعمر ماله اي علاقه بهالسالفه..

الا لو كان شاب طايش عمره 18 مثلا وماعنده مصدر مادي مستقل ويبي يتزوج عشان حاجه معينه ساعتها اقولك ترفضه بسبب عمره..