المشاركة الأصلية كتبت بواسطة لمووووبس

السلام عليكم ورحمة الله وبركاته
وعليكم السلام ورحمة الله وبركاته ..
كيفك اخت بحرينه ولكن ان شاء الله بخير انا والله لي ثلاثه ايام افكر في حالك مع زوجك عندي مقترحات اتمنى تفيدك
والله أنا الحمد لله تمام .. جزاك الله خير ..
اولا وش رايك تخلى احد من عائلة زوجك ممن عرف بالصلاح والتقوى يتقرب من زوجك ويجلس معه ويطلع وياه وبكذى زوجك راح يتاثر فيه لان الصاحب ساحب وزوجك اذا صلحت حاله مع الله صلح باذن الله في جميع احواله وممكن امه تقوم باالمهمه
زوجي هو الساحب.. وأمه تعبت معاه .. وابوي مرة دخلته بالموضوع ..

ثانيا انك تتصلي على احد المشائخ عندكم وتقولي ابغاك تجي للمسجد حق الحي ويكون الوقت اللي فيه زوجك بحيث يصلي بمسجد الحي ويقدم نصائح عامه لعل الله ان ينفع بها
ههههههههههههه .. ضحكتيني .. خلوا اللي بالقلب بالقلب..

ثالثا انك تشتري هديه لزوجك ومعه شريط يتكلم عن الخوف من عقاب الله او انك تشتري مجموعه اشرطه تخص الرجل وتغلفيها ومجموعه تخص المراة وتغلفيها وتكتب عليها مثلا هديتي اليك يادم وحقت المراة هديتي اليك حواء وتقولي هذي من المسجد او من الجيران خذ اسمع اشرطك وانا اسمع اشرطتي او ممكن تحطي الشريط على زجاج السياره من برا وكان احد موزعها (استغلي هالشهر الكريم بمثل ها لهديه ولاتنسي تخلصي النيه مع الدعاء ان ينفع الله بها
هذه الفكرة حلوة ..بس تعرفي شالمشكلة ؟؟
إنه تجي له أيام بنفسه يروح التسجيلات وياخذ أشرطة من هالنوعية ..

رابعا اذا شفتي زوجك مبسوط ورايق قولي له والله انك حبوب وكريم الله يخليك لنا بس فيك عيب واحد لو تتركه كان كنت احسن واحد وتقولي له اترك شيطونه وامثالها (بس الله الله بالمدح اللي ينسى فيه شيوطنه واشكالها )
كنت أقول له هالكلام.. بس بطلت من فترة .. ما أبغيه يحس إن هذا شغلي الشاغل..

خامسا انك تطلبي من زوجك يغير رقمه وبريده الالكتروني حتى يثبت كلامه انه ناوي يخليها
قلت له غير رقمك.... عطاني الأذن الصمخة..

الله يوفقك ويسسد خطاك على طريق الخير ويسخر لك زوجك