تهددني بأخيها
السلام عليكم ورحمة الله وبركاتة
قد سبق وطرحت عليكم مشكلتي مع زوجتي الخلية من الجمال وقد انحلت المشكلة
والان امر بمشكلة معها اليكم موضوعي بالتفصيل
ابي اتكلم باسلوبي في رمضان حنا وبيت عمي مرة نفطر عندهم واليوم الثاني يفطرون
عندنا وعلى الموال هذا امس كان الفطور عند عمي قبل المغرب بنص ساعه لبست عشان
افطر عندهم طبعاً بالعوايل قلت لزوجتي يالله مشينا قالت ماني رايحة قلت ليش قالت بس
مني ومنها قالت انا ما احب بنات عمك على العلم ان بنات عمي خواتي من الرضاع قلت اوكي
افطري هنا والظاهر ماسوو فطور اطلبي من المطعم وهذي فلوس قالت لا انت افطر وياي
قلت انا ماقدر اخلي ابوي واخواني وعيال عمي وعمي قالت لا اشدد الكلام بيننا والله العضيم
هذي الكلمة اللي طلعت من دون شعور( ماعاد بقى الا انتي) اللي ترديني عن اهلي
قالت شنو شنو اشدد الكلام وصرخت عليها حيل قالت انت ماينفع معك الا اخوي
شوفووو الكلمة لاعاد شين وقوي عين قلت ايدك وماتعطيك ووصليها لخووك واذا تبين اخوك
دقي علية خلية يجي ياخذك
رحت افطرت وجيت بعد صلاة التراويح ابي اتابع باب الحارة الا ماهي موجودة ماخذه نص اغراضها
وسألت الخدامة قالت طلعت ودقيت عليها وردت علي امها وموراضية بعد وتنافخ قسم بالله وصلت فيها
وقالت انت منت رجال والله العضيم قلت اوكي وصلتو لدرجة اوكي
خلي بنتك عندك لين تخلل واذا بغت تجي لاتدقون علي اللي اخذها يجيبها...
وهذي السالفة ابي اعرف اني مسوي خطا وانا متأكد اني ماغلط بحق احد افيدوني الله يعطيكم العافية
اخيكم ...لندكروزر
__________________
مشيناها خطاً كتبت علينا
ومن كتبت علية خطاً مشاها
ومـــن كانت منيتة بـــأرضِِ
فليس يموت في ارضِِِِِِِ سواها
التعديل الأخير تم بواسطة لندكروزر ; 28-09-2007 الساعة 03:12 PM
28-09-2007, 03:08 PM
ضوابط المشاركة
العرض الشجري