|
تهددني بأخيها
السلام عليكم ورحمة الله وبركاتة
قد سبق وطرحت عليكم مشكلتي مع زوجتي الخلية من الجمال وقد انحلت المشكلة والان امر بمشكلة معها اليكم موضوعي بالتفصيل ابي اتكلم باسلوبي في رمضان حنا وبيت عمي مرة نفطر عندهم واليوم الثاني يفطرون عندنا وعلى الموال هذا امس كان الفطور عند عمي قبل المغرب بنص ساعه لبست عشان افطر عندهم طبعاً بالعوايل قلت لزوجتي يالله مشينا قالت ماني رايحة قلت ليش قالت بس مني ومنها قالت انا ما احب بنات عمك على العلم ان بنات عمي خواتي من الرضاع قلت اوكي افطري هنا والظاهر ماسوو فطور اطلبي من المطعم وهذي فلوس قالت لا انت افطر وياي قلت انا ماقدر اخلي ابوي واخواني وعيال عمي وعمي قالت لا اشدد الكلام بيننا والله العضيم هذي الكلمة اللي طلعت من دون شعور( ماعاد بقى الا انتي) اللي ترديني عن اهلي قالت شنو شنو اشدد الكلام وصرخت عليها حيل قالت انت ماينفع معك الا اخوي شوفووو الكلمة لاعاد شين وقوي عين قلت ايدك وماتعطيك ووصليها لخووك واذا تبين اخوك دقي علية خلية يجي ياخذك رحت افطرت وجيت بعد صلاة التراويح ابي اتابع باب الحارة الا ماهي موجودة ماخذه نص اغراضها وسألت الخدامة قالت طلعت ودقيت عليها وردت علي امها وموراضية بعد وتنافخ قسم بالله وصلت فيها وقالت انت منت رجال والله العضيم قلت اوكي وصلتو لدرجة اوكي خلي بنتك عندك لين تخلل واذا بغت تجي لاتدقون علي اللي اخذها يجيبها... وهذي السالفة ابي اعرف اني مسوي خطا وانا متأكد اني ماغلط بحق احد افيدوني الله يعطيكم العافية اخيكم ...لندكروزر |
اذا هذا اللي صار بالزبط هي الغلطانه ومن ساسها لراسها المخطئه
لكن يمكن البنات سوو لها شي يمكن هي وقت الدوره الشهريه وهرموناتها منحاسه لا تتعجل لي عوده مستعجله الحين |
الله يعينك على ماأصابك
من وجهة نظري الشخصية إن موقفك سليم 90% وأن زوجتك مسكينة آخذة مقلب في نفسها وللأسف وراها أمها وأخوها . شوف حبيبي خل موقفك واضح وصريح وبنفس الوقت كلمهم بأدب ولا تعطيهم فرصة يمسكون عليك غلط وأختر دائماً حلول الناس الشهمة شرواك . والله يعينك على زوجتك والله يعينها عليك . وعلى فكرة لا تحط راسك براسهم (الزوجة وأهلها) ولكن أنزل لمستوى تفكيرهم وأبداً لا تقول لهم إن بنتهم شينة . وسلامتك . وعلى فكرة أخيرة رأيي هذا مبني على ماذكرنه لنا من معلومات . |
لا حول ولا قوة إلا بالله أكيد البنت حاسة بأنك كارهها من زمان وافتعلت المشكلة عشان تفرك كان الله في عونك وفي عون الجميع http://www.7m7.org/img101/s0a.p7m7mf...9w38110981.gif |
اشكركم على المرور مشكلتي اصق وضعهاا طبيعي جداً حتى مع البنات
اخي فا الله شرواك الطيب سحنون 2008 بالعكس ان مابينت لها شي بالمرة سفرتها وونستها ولكن للأسف |
عفوا اخي مشكلتك الاساسية الي مرة طرحتها نسيتها
هل انت مابتحبها؟او هية مابتحبك عموما موقفك صحيح وخليها هيك ماتسال فيها اكم يوم عشان ماتحس انك بتجري وراها و متل ماحكو الاخوة الي فوق كون مؤدب وفهمهم بالحسنى انو تصرفات البنت مش مزبوطة شكلها صغيرة صح؟ والمصيبة انو امها بتكبر راسها عليك والمصيبة الاكبر انو البنت بتسمع ومابتفكر ابدا الا بتنفذ عطول الله يعينك ويهديكو لبعض |
لا والله ياخوي ما اغلطت
ونصيحه نصيحه دامك من البدايه اثبت على موقفك وورهم العين الحمرا عشان ترتاح طول عمرك ولا تقعد كل يوم ناطه لك باخوها الحرمه اللي زي كذا ماتنعطى وجه تتمادى شوي شوي الين تسيطر على الرجال |
زوجتك امرها عجيب.. انزين شفيهم بنات عمك .. ليش مايعجبونها اسالها يمكن شافت منهم شي؟
انا برأيي هي الغلطانة .. خلها اتعدل اسلوبها معاك بالاول... انا اعتقد اني تذكرت مشكلتك .. كنت مصدوم من شكلها .. واخر شي سمعته انك سافرت للعمرة صح ؟ |
اقول شوي شوي هدوا نبي نحل مشكلة ما نكبرها
يا اخي تعوذ من ابليس واستهدي بالله هي غلطانة بس كمان حضرتك قلت لها كلالالالالام اقتباس:
بلحظة عصبية وهي كمان من قهرها قالت هيك انتو الاثنين غلطانين انت عصبت وهي ردت عليك شو فيها لو رحت وخلتها وحدها وبتهدى واحكو كان لازم يعني تسمعها هيك كلام اقتباس:
مو طريقة حكي بنوب مع حرمتك شو هاي شين وقوي عين اتق ربنا فيها اقتباس:
اقتباس:
اقتباس:
مو هيك تنحل الامور هسى إذا هي تبي ترد بيتها ما يخلوها اهلها لانك شرشحتهم والله وكرامة بنتهم من كرامة اهلها ارجع واقول الله يصلحك ع ملافظك الملافظ سعد اخي أم وليد |
الله يصلحكم ويهديكم
هي اكيييييييييد غلطانة بس انت كمان مخطيء الله يهدي بنات وابناء المسلمين في رأيي تطنشها كم يوم وان شاء الله بترجع احسن من اول بس لا تنسى ..حسن الاخلاق وهديء من عصبيتك شوي بارك الله فيك والاخوان ما قصروا قالوا بعض ما في خاطري |
| الساعة الآن 09:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©