عزيزتي ، اعذرينا إذا تأخرنا عليك ، بس والله انا كنت مشغولة و ما تصفحت إلا اليوم و لما شفت طلبج الغالي قلت لازم أرد عليج مع إن أختي الغالية أحلى غرام ما قصرت فهي دائما" سباقة للخير و مساعدة الأخوات بس في الإعادة فن و إفادة و علشان يصير عندك أكثر من اختيار و تختاري اللي يناسبج و إليكي الطريقة :
شوربة البروكلي بالكريمة و الجبن :
بروكلي ( الكمية إنتي عزيزتي قدريها شوفي إذا كان البروكلي طازج فصصيه عزيزتي بما يعادل تقريبا" كوبين مليانينو إذا كان مجمد أيضا" عادلي كوبين )
كريمة ( يفضل الكريمة الحامضة ، بس إذا مو متوفرة ما عليه حطي الكريمة العادية )
جبن كرافت ابشريه ( العلبة الوسط ) أو أي جبن شيدر .
شوربة ماجي ، مو اللي بالشعرية لا عزيزتي شوربة ماجي ( خلاصة الدجاج ) من غير الشعرية .
ربع زبدة.
5 أكواب ماء .
الطريقة :
- شوفي عزيزتي أول شي قطعي البروكلي حسب رغبتك تحبيه كبار أو صغار ، حمري البروكلي مع الزبدة و أضيفي القليل من الزيت ( لكي يمنع الزبدة من الإحتراق ) احمسي البروكلي لما يذبل شوي و تشمي ريحته ماشي يا عسل .
- اضيفي الماء + الكريمة + شوربة خلاصة الدجاج و خليهم على النار اشوي لما يذوب البروكلي ( إذا تحبي البروكلي مطحون تقدرين تحطيه بالخلاط شوي ، بس إذا تحبينه يبان مفصص خليه من غير ما تخلطية و على فكرة البروكلي بسرعة يستوي ) .
- بعدين حطي الجبنة على الشوربة و قلبي الشوربة إلى أن يذوب الجبن تماما" .
- قدمي الشوربة مع الخبز المحمص و بالعافية يا حبيبتي .
29-11-2005, 02:05 PM
ضوابط المشاركة
العرض الشجري