حبيبتى عشان تحسي أنك ماشية بنظام اكتبى الأفكار اللى بتجيلك و بتحسى أنها بتغير مشاعرك للأسوأ
الأفكار دى تعالى نناقشها مع بعض واحدة واحدة و نشوف هى صح و لا غلط بالمنطق و العقل و الدلائل الموجودة عندنا

و إن شاء الله بعد ما نتكلم فيها هتبدئي تحسى براحة داخلية تساعدك فى العلاج

لو تحبى نتناقش فى الأفكار دى بكل صدق و شفافية بدون أن تشعرى بحرج ممكن تكتبيها فى قسم الاستشارات الخاصة أو لوعاوزة تكتبيها هنا عادى برده مفيش مشكلة شوفى اللى يريحك إيه.


خدى وقتك خالص و اكتبى الأفكار دى فى ورقة و بعدين أكتبيها على الكمبيوتر بعد كده.


بالنسبة للوضع الحالى بينك و بين زوجك

إيه رأيك طالما أنك لا تشعرين بالراحة بسبب عدم التواصل معه أن تتواصلى أنت معه؟

على سبيل الاطمئنان ولو تحبى ممكن تقوليله أنك افتقدتيه أو حسب لهجتكم (هذه الكلمة تكون فى حياة كل زوجين لها طابع خاص ولغة خاصة قادرة بإذن الله سبحانه و تعالى على إذابة كم كبير من الجليد) و هتعطيه أمل

و خلى الاولاد يكلموه أطول فترة ممكنة

هل تعتقدى أن التصرف ده ممكن يريحك شوية؟