بس صدمات يامهرة بحياتي والله .....

ما عليه يا مصونات بس على أي أساس مصدومة؟!!

في شي اسمه تحمّل العواقب .. وكل إنسان المفروض يتحمل عواقب تصرفاته.


شوفي .. أنا نظرتي مب زينة لزوجج وبصراحة مب قادرة أحسن الظن فيه .. وشايفة إنه ماشي معاج غلط .. لكن جزئية إخفاء مرضج النفسي وبعدين تفاجئينه بها بعد الزواج .. فالحقيقة هو اللي المفروض ينصدم مب انتي.

__________________


اللهم طِيبَ الأثر .. وحُسْنَ الرحيل.

مهرة حبيبتي الغالية والله العظيم شفت خلال ١٥سنة الي فاتت صدمات شفت خواتي زوجي حظهن حلو والمشكلة احس انو انا ماني ذكية ولااعرف شي واش رايك بكلامي عن نفسي احباط كيف ارتاح واعزز ثقتي بنفسي ليش انا كذا السؤال هاذا كثير اسال فية نفسي يارب واش سويت بدنيتي يمكن أغضبت الله بشي كبيرة من كبار الذنوب اجل ليس كذا حظي عوج والي غثني انة زوجي فرصتي الاولى مامسكت فيها بقوة هو مستقبلي وعمري وحياتي بكيت كثير والله لاتصيرين عزيزتي مهرة ضدي اتمنى من صديقاتي يوقفون معي.....

للمرة الثانية أقول لج أنا مب ضدج .. ولا أي حد ضدج.

ومب كل حد يقول لج كلام مب على هواج قلتي إنه ضدج.

لكن إحنا ضد اللي تسوينه .. وطبيعي لما نشوف حد يتصرف غلط نوقف ونقول له: أنت غلط.



تبين رايي في كلامج عن نفسج؟

ممكن أقول لج: لا يا مصونات .. إنتي ما فيج إلا العافية .. زينة وذكية وتعرفين الأشياء .. والله ما يعاقبج لكنه ابتلاء والله ما يبتلي إلا اللي يحبه .... إلخ

لكن كلامي ما بيفيدج إذا كانت نظرتج لنفسج سلبية.


وتبين الصدق وما تزعلين مثل كل مرة؟ .. إنتي فعلاً مب ذكية .. بس مب لأنج مب عارفة تتصرفين .. لكن لأن الحلول مقدمة وموضوعة بين إيدج وتسوين نفسج ما تشوفينها.

وبدل ما تاخذين بالحلول أو حتى بعضها .. شو سويتي؟ .. بكل بساطة قلتي: إن شاء الله إني باخذ بكلام الأعضاء!!

وكأنج تاخذينهم على قد عقلهم!!




بصراحة يا مصونات .. كلامج عن نفسج صحيح .. إنتي ما عندج ثقة بنفسج .. وتتخبطين ومب قادرة تستقرين .. واللي حولج يستقوون عليج.

وما بتقدرين تحلين كل هذا إلا إذا عالجتي مرضج صح.


والله العظيم أبا لج الخير يا مصونات .. عشان جذي أقول لج ركزي على أساس المشكلة .. والفروع بتنحل تلقائياً .. أو على الأقل بجهد أقل.

وأساس المشكلة هو مرضج.

__________________


اللهم طِيبَ الأثر .. وحُسْنَ الرحيل.