كلمتني عشان نجيب الشغاله اليوم .. مريتها ورحنا اخذنا الشغاله وقالت ان زوج امها يبى يقابلها .. احساسي يقول انها بيكلمها عن موضوعنا ..

ان شد عليها شوي فراح تبداء الرسايل مره اخرى .. من دعاء ولعب دور الضحيه وووووو...

وان طبطب عليها ف راح تتكلم على معاه وان فيني مايخطيني والخ ..

سيناريو متوقع !!

راح تسالون وش دخل زوج امها .. امها اكيد مكلمته وتبيه يتكلم ويتدخل .. الرجل سبق وجلست معاه للامانه خلوق وراعي دين .. ولكن مااشوف انه المفروض يكون له كلام بيننا ..

كلام أم دان من ذهب ...

فعلاج تصرفات زوجتك في التجاهل ...

اذا حاط فالتلفون رمز قفل .. شيله
وعطها التلفون و قول لها .. أهم شي بحياتي ما أغضب ربي وانا مب طايش ولا مراهق
وعطها كلمات اكشن وانك متأثر من اتهامها لك .. لكن مب بعصبية بثقة و زعل انها تشك فيك .
و بالاخير قول هذا التلفون بيتم مفتوح طول الوقت .. متى ما بغيتي فتشتيه عشان ترتاحين .
وخلك واثق من نفسك ولااااا تتكلم بنرفزة و عصبية ..

ان تمت تشك فيك وانك مثلا مطلع تلفون 2 من وراها ... ساعتها لاحظ تصرفاتك و قيمها . أو روحو لدكتور نفسي .

طمنا على أموركم

اولا ي ام دان .. شكرا على السؤال ..

حاليا رجعنا للبيت وواستقرينا ولكن من فتره وفتره ترجع لوضعها وشكوكها الوهميه .. لدرجه قبل كم يوم وانا نايم طلعت وفكت السياره وتدور بالدروج وتفتح جوالي واشوف لها مكالمات طويله اخر الليل مع بنت خالتها وصديقات لها وهالعاده ماتسويها الى اذا تبى تتكلم في شي وتفتح مواضيع مع اللي تكلمهم ويوم اقولها حاولي تنامي تحط الحجه بالبنت وانها ماتنام ومانبى نزعجك ..

طبعا يوم ترجع لي اوهامها وشكوكها تبداء تهدد وتندد لدرجه امس وانا بالدوام وصلتني رساله طويله عريضه منها مفادها نفس الكلام السابق وانها حتطلع من البيت وماني قاعده لك .. استاذنت من الدوام ورجعت البيت وحصلت تاكسي واقف ينتظر مع ولد خالتها الصغير .. طبعا مشيت التكسي ودخلت عليها وبينت ان اللي تسويه جنون وي بنت الناس مكانتك موجوده وانتى والبنت في عيوني وووو كل كلام موده والرحمه والغزل ولكن .. الى متى سيتمر هالوضع لا ااعلم ..

المرأة ماتشك في زوجها كذا بدون سبب
اكيد شافت فيك حاجة يجعلها تشك فيك !!
راجع تصرفاتك معها ؟؟
_يمكن تكون منشغل عنها طول النهار !!
_سهراتك وخرجاتك مع الشباب كثيرة !!
_ تسافر كثير لوحدك !!
_ كثير السرحان
_ اذا خرجتو مع بعض تمسك جوالك ولا تحاكيها !!

كل هذه الامور ممكن تسويها بحسن نيه ولا عندك شي
لكن من كثر مالزوجة تسمع بقصص الخيانات تأثرت نفسيتها وبالصراحة الدنيا تغيرت مع التكنلوجيا ولا فيها امان الله يحمينا ويحمي الجميع .

__________________

هل أنت وزوجتك مواظبان على الصلوات وأذكار الصباح والمساء وقراءة ورد يومي من القرآن..؟؟
هل تستمعون للأغاني وتشغلون موسيقى وتتابعون أفلام أو مسلسلات وخاصة التركية؟

اذا اراد الشخص تغير صفة في من يحب فليبدى بنفسه اولا غير من نفسك سا تتغير زوجتك تلقائي احذف السابق من حياتك وابدى من جديد بنفس نظيفة حتى هي تحذف السابق فقط التغييير ويشمل فتح الجوال ووضعه بدون رمز ووضعه في مكان بارز حتى تفتش وترتاح ايضا حافظ على اذكارك وصلاتك بالتوفيق

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

اتوقع مرض الشك مرض نفسي ومهما بررت ميقتنع الشخص لازم توديها دكتور نفسي وبالإضافه للرقيه والقران

هل وجدت زوجتك شي في داخل سيارتك !؟