متابعة لموضوعك من زمان فرج الله همك
زوجك وضع اللوم كله عليك لأنك اعتذرتي ع طول
لو تركتيه لين هدأ وقلتي انت اللي بدأت وهذه ردت فعل
لا اقل ولا اكثر لسكت واعترف بخطأه
وجزاك الله الف خير زوجك نفس زوجي بالضبط يغلط
ويقلب الطاوله
ماعليك الآن سوا القيام بواجباتك والافضل بجلسة مصارحه
قولي له : انت البادئ بالخطأ وانا اعتذرت لأنك زوجي وحبيبي
والعشره لها حق وتنازلت كثيرا ليس من المفترض ان تجعل
العشرة ان تشفع لي وننسى ونبدأ صفحة جديده هل بعد هذا
العمر نقوم بحمل اخطاء بعض ونتحسس ونضع حواجز بيننا
انت رجل عاقل كبير فاهم للحياة ارجو ان تتفهم كلامي بقلبك
الكبير وبعقلك الراجح . واذهبي واجعليه يراجع نفسه
لاتلومي نفسك اكثر كفى
الله يصلح مابينكم ويهدي زوجك

__________________
العقليّة اللي تفسر الصمت والهدوء بالضعف والعجز،هي نفسها من ترى في الصراخ هيبة وإنصاف،عمومًا ليس كُلّ ذو عقلٍ عاقل .

اتركي مابينكم يكون بينكم عزيزتي ام دان ..
تحتاجوا للمناقشة وضعكم بهالشكل غير مريح لكل الاطراف ! حتى احفادكم ...
انتي غلطتي ، هو غلط انتي اعتذرتي وحان وقت اعتذاره وهنا ينتهي الموضوع بمكانه وتنسوا انه حصل !

تذكرت امي وابي ،، كل بين فترة نفس الحالة و توصل للطلاق او الزواج من اخرى ( كلاميا) وبعض الاحيان تتصل الوالدة واجيبها عندي البيت.. 😂 حفظوا حركتي من كثر ما اسويها ( انقل لوالدتي كلام غزل على لسانه وانقل كلام غزل لوالدي عل لسانها ) واعطي لكل واحد هدية تذكره بشيء بالماضي 😊 اليوم الثاني انا اكلع من المعادلة ....

ناقشيه ووضحي له غلطك وغلطه وان الموضوع طول وانك بدورك اعتذرتي عن خطأك وتحتاجي اعتذار صريح منه لما بذر من فعل وقول بعده ، اليوم اللي بعده اهديه هدية بسيطة تذكره بشيء جميل مر بحياتكم وكوني صامته ..

ان فتح السيرة مرة ثانية ،، ردي عليه برد الاخ ابو مريم ...

الله يسخركم لبعض ويبعد عنكم كل شر

ايه فهمنا عليك ..وهذا اللي حاسته ببالي من يوم طرحتي الموضوع بس ماحبيت اذكره لك واضيق خلقك...

زوجك براسه موال ماطلع .. ولاانصحك ابدا بإدخال اخوك لأن الموضوع بيكبر وزوجك بيأخذها عناد

كنت طالبة أغراض جابها زوجي وطلعها من المصعد وخلاها برة،، دخل وقال جبت الأغراض روحي شيليهم ودخليهم..
(عادة إما هو يدخل الأغراض أو ينادي الأولاد)

قلت له ليش فين العيال مايدخلون الأغراض؟ قال وليش أنادي العيال دخليهم أنتِ كلها كم كيس مو ثقيلة،

هنا حسيت ضغطي حينفجر،، قلت يا ابن الناس أنا اتحملتك عشان العشرة والعيال والأحفاد،لكن خلاص كفاية..

أعطيتك بدل الفرصة فرص عشان تراجع نفسك وتراجع حساباتك وتصلح اللي خربته لكن للأسف كل مالك تتمادى، فسرت طيبتي معك إني أنا الغلطانة..

(كلامي كله كان بزعل والصوت عالي وكنت أنتفض وأبكي من القهر)

دخلت غرفتي وصرت أجمع لبس للدوام وللبيت في شنطة.. دخل علي قال الظاهر إنك اتجننتي!!

قلت إيوة مجنونة،اللي ماسويته بأول عمري بسويه على آخر عمري..

قلت إنت إذا مفكر نفسك فرعون، راح يجيك يوم من رب العالمين.. قال كمان تدعين علي!! قلت له فسرها مثل ماتبي..

قلت مديت إيدك علي وضربتني سكت.. اتجاوزت حدودك تهينني ليش؟؟

قال وش فيها لو دخلتِ الأغراض مافيها أي إهانة..حتى اسألي أي أحد.. قلت له صح لو دائماً أدخل الأغراض مافيها شي،، لكن عمري مارفعت كيس من الأرض والحين جاي تشيلني أكياس!!!

أنت لوين تبي توصل؟؟!!!

مفكرني مقطوعة مالي أهل؟!!

مادام تصرفك عادي ومافيه شي بروح لأهلي وأكلم أخواني..ونكلم أبوك والحكم بيني وبينك هو أبوك..
قال تهدديني بأبوي؟؟
قلت لا ما أهددك لكن وصلت معي خلاص ماعدت متحملة أكثر..

قال أجل وش موقفك لما أقول لأبوي زوجتي المصون ضربتني كف؟
قلت له أنت وش موقفك لما أقول له إنت اللي بديت بالضرب؟؟
والله لو أبوك عرف إنك مديت إيدك علي راح يخليك ذبيحة يتعشونها ضيوفه..

زوجي رخى شوي وصار يخرج ملابسي من الشنطة وأنا أدخلها.. آخر شي راح قفل الباب وشال المفتاح بجيبه.. لكن ماتنازل اعتذر أو اتراجع ولا حاول يحسسني إنه غلط بحقي..

جلست على السرير بكيت إلين قلت بس ولا مسح لي دمعة واحدة من عيني كل اللي سواه قرب لي علبة المناديل..

فرغ الشنطة وحط أغراضي بالدولاب وخرج من غرفة النوم للصالة جلس يتفرج تلفزيون..

للحديث بقية تعبت وأنا أكتب..

طيب كويس إلى الآن ..

أسأل الله ان يُصلح حالكما يا ام دان ... احزنني المستجد

طيب يمكن لو قلتي له تمون حبيبي من عيوني..كان استحى ع وجهه🙃..وشلتي كم كيس خفيف وتركتي الباقي له ولا لاولاده ..كذا الموقف يعدي ..☺ يعني مرات اشيل انا مع زوجي اساعد اذا الاغراض كثيره..اجل انا غلط 😜 مافيه كرامة بين الزوجين الا بحدود ..نكبرها تكبر نصغرها تصغر

اي عادي واكيد عادي ام الدان بتشيل معاه وبعدين قلنا مافي كرامة بين الزوجين

ام الدان كم اعماركم احس زوجك من جيل وانت من جيل اخر

أم الدان زين منه عطاش الكلينكس ورجع ملابسش

ترى اذا انتي مضروبه مره هو مضروب عشر مرات
ولا تقولين ايش معنى انا بعد لي كرامتي مثل ما هو له كرامته

تفرق .. ومش انا الي اعلمش ...

انتي صرتي متحامله عليه وتفسرين الامور وتخلطينها على كيفش .. انتي الي ما نسيتي وتجاوزتي

كيسين هم سبب المشكله . ليش كبرتيها مو متعوده تشيليهم ! مو قادره تلمين الموضوع وخصوصا وانتوا بينكم مشكله مفتوحه بعدها ما انقفلت

سايري ولا تقولين انا مليت وايش معنى انا

__________________
وهل من مصير اخر ؟

انا مع كوكي👏