لاء لاء..لاتملين أبدا من حثه وتذكيره بالصلاه
ربي يكتب لج أجر عظيم..حتى لو طنش وما قام..
كل شي سواء حسن أو سيء بيحاسبنا ربي عليه وإنتي أكيد تعرفين فاستمري على تذكيره وتشجيعه ليكتب لج الأجر

زوجي أغلب الصلوات يصليها بالبيت مع الأسف
والجمعه مرات يروح لها بعد ما تبدأ الخطبه..وهالشي يضايقني حيل منه
مو بيدي شي..وما أحب ألح عليه أكثر من مرتين ثلاث ..لأني أعرفه يضايق ويتنرفز
بس أدعي له بالصلاح والهدايه..ونيل رضى رب العباد

إنتي سوي اللي عليج..واستمري بالدعاء له

عزيزتي أمل ..

زوجي ما يطنش ، بيقوم لو صحيته للصلاة ..
بس ماهي من اهتماماته و لا من أولوياته ..
و لازم أجلس فوق راسه ..

.
.

يعني مثلا عنده شغلة تخلص بعد 20 دقيقة ، فرضا ..
و الصلاة وقتها بيخرج بعد 30 دقيقة ..

تلاقيه ، أبررررررد ما عنده ..

( مافي دافع من داخله )

.
.

فبأفكر ..

لو إني مشيت بالأسلوب اللي كتبته ..
يمكن بيقوم بعد كذا يصلي لوحده ..

( هو ما يترك الصلاة .. يصلي لو كان فاضي )

بس اخررررررررررررررر شي يهتم فيه ..
يقدم ممكن ، النوم ، الأكل ، الشرب ، الراحة و كل شي ( عالصلاة )
بدوووووووووووووووووون ما يحس بتأنيب ضمير بداخله ..

.
.

يمكن لإنه خلاص تعود ، إنه فيه أحد يقول له ( ما صليت ؟ )

بس بعد فترة ، لو شاف إني ما اهتم و أطنش ..
و يشوفني اهتم بصلاتي و كدا ..

يمكن هو من حاله ( راح يبدأ يقلدني ؟؟؟ )

.
.

الموضوع مو موضوع عناد ..

و مستحيل أعاند بأمور فيها جنة و نار ..

.
.

بس اليوم لما طنشته و ما صحيته لصلاة الجمعة ..
لوحده قام و لبس بسرعة و خرج ..

.
.

أول كان يصحى و يمط جسمه و يرجع ينام ، و يقوم و يدخل الحمام الله يعزكم و يرجع ينام ،
و يقوم يتعطر و يمشط شعره وووووو إلخ .. لحد ما يسمعهم يقولوا ( الله أكبر ) ، بعدين يروح المسجد ..
و يرجع البيت ، عشان نسي السجادة .. و بعدين يادوب يروح يلحقهم ..

.
.

بس اليوم ، قام بسرعة و راح صلى و من غير لا يتعبني ..

.
.

__________________
من اجل التغيير الفعال لانفسنا.. يتوجب علينا تغيير مفاهيمنا اولا..

أختي طريقة كلامك عن زوجك كأنك تكرهين الخير لك وله , انت لما كنت تصحيه حتى لو ما فيه نتائج او تجاوب دليل على حبك ومشاركتك له في المسؤولية , أتوقع كل مره تبذلي الاسباب وتفوقيه علشان يصلي فيه اجر لك على طول وأجر له لو طاوعك , يمكن تغيير الاسلوب من صيغة الامر (ابوفلان قم صل يووووه الناس بتطلع من المسجد )الى صيغة التقرير والتحفيز (ابو فلان توه أذن يمديك تلحق الجماعة , انتظرك بعد الصلاة عالقهوة , الناس قربت تطلع من المسجد حاول تلحق عليهم ) يمكن يتجاوب ,
أنا الصراحة احيانا لما تفوت الصلاة واعرف ان زوجتي ما صحتني اعتب عليها مع انها لما تصحيني فترة ارهاق او تعب اتضايق او احاول اتهرب او اتأخر .
اظن ان زوجك يتهرب كذلك من الوقوع تحت تأثير الزوجة الراعية اللي تودي وتجيب وتتصرف بنفسها في صغائر البيت وكبائرة


أتمنى لك ولزوجك كل السعادة وان شاء الله تصحينه وأنت سعيدة ويتجاوب معك وهو سعيد

انا عن نفسي لا اوقظ زوجي للصلاة ابدا لاني اتفقت معه قبل الزواج ان من يهتم بالصلاة هو يستيقظ لوحده من دون ايقاظ احد كما لو كان عنده سفر او امتحان.
تعلمت هذه من تجارب اخواتي مع العلم ان ازواجهن مصلين و الحمد لله و لكن من البداية تعلموا ان يوقظهم زوجاتهن.
برايي الصلاة مساله تعبديه ما بين العبد و الرب و يجب ان نقتنع بانها معراجنا فكل ما نستطيع فعله مع المتهاونين عن الصلاة هو قراءة بعض الاحاديث او بعض العبارات عن تاثير الصلاة بطريقه غير مباشره طبعا، مثلا نقول للمتهاون رايت حديثا اليوم عن رسول الله اثر في كثيرا او قرات معلومه عجيبه بالنت سيسالنا عما قرانا طبعا و سنقراه معا
الدعوه غير المباشره لها تاثير فعال و سريع