|
سؤالي للمتزوجين المتكاسلين عن الصلاة
السلام عليكم و رحمة الله و بركاته سؤالي بشكل خاص للمتزوجين و المتزوجات .. لو فرضاً ، كنت - سواءً متزوج أو متزوجة - لو كنت ..( تتكاسل عن القيام لصلاة الفجر ) يعني ، ما تهتم تعاير جوالك للقيام للصلاة المفروضة ، و لو قمت ترجع تنام لحد ما تروق و تفضى .. إلخ أو ( لو كنت رجال .. فالجمعة ما تروح لها إلا بعد ما يبدأوا الخطبة ، و بس تروح تصلي ركعتين و ترجع البيت ) . . إيش الطريقة الأفضل .. لشريكك ، عشان - يساعدك - من الإحتراق بنار جهنم و عذاب القبر ؟ أي .. الطريقة اللي علشان يشجعك على الصلاة و يغيرك للأفضل ؟ . . انتظر اراائكم .. لإني قررت ، حتى لو كنت صاحية .. ما راح أصحي زوجي للصلاة و لا راح أسأله أبدا .. لإنه اعتمد إني أنا اللي أعاير الساعة ، و هو يقفلها و يرجع ينام .. لا أنا اللي صليت ، و لا هو .. و اتفقت مع صحبتي إنها كل يوم تدق علي الفجر و تصحيني .. لإنه زوجي لو صحي و صلى ، ما يصحيني أصلي .. هو مو طفل ، من يوم انخطبنا و أنا أصحيه يقوم يصلي و أذكره للصلاة .. صار عنده طفلين و ما زال .. ( يمكن يبدأ يهتم و يصحى لحاله ، لما يشوف التغيير مني ؟ ) بإختصار / أنا ملّيــــت .. يا دوب أتحمل نفسي .. هذه مو سنة أو سنتين .. و هذا قراري اللي اتخذته و بديت بتطبيقه من اليوم .. |
رد : سؤالي للمتزوجين المتكاسلين عن الصلاة
ملاحظة / كل جمعة من يوم عرفته و أنا أصحيه عشان يروح يصلي ، و يتعبني معاه .. وصل لمرحلة دحين إنه ما يروح إلا لما يبدأوا الصلاة .. و بكل برووووود يقوم و يلبس .. كأنه يقول للشيخ ( يالله بس خلص خطبتك ، خليني أجي اصلي و أمشي ) . . اليوم .. كان نايم بس نص نص .. جيت رقدت و تغطيت و الشيخ بدأ الخطبة .. قلت له ( ترى ما راح أصحيك للصلاة بعد كذا أبدا .. تبغى تصلي ، صلي بكيفك .. أنا بأنام دحين ) . . قام لوحده و لبس و راح صلّى .. و أنا من جد ، كنت جادة جدا بكلامي .. و مازلت . . بس أبغى تجاوبوني على سؤالي إذا ممكن .. |
رد : سؤالي للمتزوجين المتكاسلين عن الصلاة
اختي . ليه هذا الجفاء. حياتك الزوجيه صرت تخرج منها الموده . و راح تتعب اكثر اذا ضاعت
اختي ادري الظروف الي مريتي فيها . بس ﻻ تئسي و ضلي وراءه و اضغطي عليه لحد ما ينظم صﻼته . |
رد : سؤالي للمتزوجين المتكاسلين عن الصلاة
اخوي سامي ..
إيش الطريقة اﻷفضل .. لشريكك ،*عشان - يساعدك - من اﻹحتراق بنار جهنم و عذاب القبر ؟ اي .. الطريقة اللي علشان يشجعك على الصﻼة و يغيرك لﻸفضل ؟* |
رد : سؤالي للمتزوجين المتكاسلين عن الصلاة
زمان لما اطلب منه يدرس .. كان يهمل .. فصرت اطنش
و دحين بدا يقولي ابغى اكمل بكالوريوس و ماجستير من غير ما اجيب له سيرة الدراسة و لا اطلب منه.. و لما كنت زمان اشجعه عالاهتمام بالعمل و الوظيفة .. كان يهمل و يطنش صرت اطنش و ماهمني .. قام يهتم دحين و يمدحوه الرؤساء بالعمل .. . . فهمتني اخوي سامي ؟ . . انا بس صلاة الفجر اصحيه لما اقوم اصلي .. ما باقول له يروح المسجد و لاشي .. و اصحيه للجمعة .. و لما مثلا اعرف انه نام فرضا قبل اذان العصر .. فاصحيه يصلي قبل لا ياذن المغرب ماني وحدة زنانة . . بس مو معنى اني ما اصحيه للصلاة بعد كذا .. يعني بأجفي .. كل الي اعرفهم .. ماهمهم ازواجهم يصلوا او لا.. انا الي ماسكة السلم بالعرض هو مو نونو .. ربي يحاسب كل واحد لوحده .. |
رد : سؤالي للمتزوجين المتكاسلين عن الصلاة
زوجي تعود ببيت اهله .. كل مرة يقولوه صلي .. صلي .. صلي ..
من يوم ما فقص من البيضة .. فلو انا تركته و اهملته .. احساسي يقول .. هو راح يصلي من حاله .. يكفي اني دليته الطريق . . بس سؤالي دحين بشكل عام .. ابغى اعرف المتزوجين و المتزوجات .. ايش الطريقة الي يحبوها بعيدا عن المثاليات |
رد : سؤالي للمتزوجين المتكاسلين عن الصلاة
اختي زوجك انسان اتكالي و حتي لو.ما اهتميتي في شي ما راح يسويها . حتي حكايه انه يدرس و يسوي الماجستر حكي فاضي بس عشان يكبر في عينك و يحسسك انه تغير فقط .
اختي ﻻزم تتقبلي ان مافي زوج كامل و زوجك في صفات زينه و صفات شينه حطي في بالك قاعدتين اختي . الصﻼه و العمل اهم شغلتين في حياتك الزوجيه ما تتنازلي عنهم ابدا . اضغطي عليه من شان يكون.رجال و يصرف علي عائلته و يكفيهم و انه يلتزم بصﻼه . بس ابدا ابدا ما تواصلي بطريقتك ﻻنه تقتل الموده بينكم و يصير بينكم جفاء و فتور و.هو اول الطرق لهدم بيتك . احترفي اختي لعبة الشد و الرخي معه . اما اﻻسلوب فااكيد اﻻخوات هنا راح يفيدوكي اكثر |
رد : سؤالي للمتزوجين المتكاسلين عن الصلاة
اخوي سامي
الطريقة المباشرة ماتناسب شخصية زوجي .. بداخله تمررررد على حسب فهمي لشخصيته .. فلما يشوفني انا و صحباتي نهتم بالصلاة و نصحي بعض .. راح يثيره الفضول و يتحمس و لما يشوفني مطنشة صلاته .. بيستغرب ؟ لانه اصلا اهله ماشاء الله محافظين عالصلاة .. فمصيره يرجع لبذرته الطيبة .. . . و الجفاء من داخلي انا .. لانه كذا افضل .. . . انا باعرف ؟ المتزوجين و المتزوجات .. ايش بيعملوا بخصوص الصلاة ؟ |
رد : سؤالي للمتزوجين المتكاسلين عن الصلاة
هل تعتقدي ان اسلوب الترغيب بالجنه والثواب يحفز مشاعره نحو الصلاة
ام اسلوب التخويف من عقاب الله وناره؟؟ ادرسي الاسلوبين او جربي ذلك معه احد الطريقين لعل وعسى تكون محفز ومحرك لتثبيت قناعه صحيحه لاهمية الصلاة وبطبيعة البشر هناك صنف يدفع بالترغيب اكثر والصنف الاخر بالترهيب اكثر.. وماعليش استحملي برضوا ابو اولادك ومن زرع حصد. |
رد : سؤالي للمتزوجين المتكاسلين عن الصلاة
لاء لاء..لاتملين أبدا من حثه وتذكيره بالصلاه
ربي يكتب لج أجر عظيم..حتى لو طنش وما قام.. كل شي سواء حسن أو سيء بيحاسبنا ربي عليه وإنتي أكيد تعرفين فاستمري على تذكيره وتشجيعه ليكتب لج الأجر زوجي أغلب الصلوات يصليها بالبيت مع الأسف والجمعه مرات يروح لها بعد ما تبدأ الخطبه..وهالشي يضايقني حيل منه مو بيدي شي..وما أحب ألح عليه أكثر من مرتين ثلاث ..لأني أعرفه يضايق ويتنرفز بس أدعي له بالصلاح والهدايه..ونيل رضى رب العباد إنتي سوي اللي عليج..واستمري بالدعاء له |
| الساعة الآن 10:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©