طيب استهدي بالله وحبه حبه ..
ظروفك فيها شبه من ظروفي يوم زواجي ..
حبيبتي انتي تقولين ليش مااصر ياقلبي لاتنسين هذا ابوه مو صاحبه ولا اخوه...
بعدين باقلبي مو من حق ابوه يفرح فيه ...؟
احيانا احنا الابناء ننظر للموضوع بشكل قاصر وفيه شوية انانيه وناخذها من باب الحريه
يعني لو عندك ولد كبرتيه وجا وقت زواجه من حقك تفرحي فيه وتعزمي اصحابك ومعارفك
وجيرانك .. القصد ان للاب وجهة نظر والزواج العائلي محدود الافراد .. واضيفي للي سبق
ممكن خايف من تشرهه الناس عليه ... يعني عدة اسباب خلته يسوي عرس كبير ..
ولده وبيفرح فيه ياقلبي ...
هذا موضوع انتهى مااشوف له داعي تجادلين فيه ولاتخلينه سبب لماشكل بين زوجك وبينه او بينه
وبين ابوه ..

ننتقل للنقطه الثانيه .. الزواج فرح وسعاده .. وكل ام تفرح بهذا اليوم .. فليش تاخذين الامر ان شلون تسوينه
وامك تعبانه .. واذا كلام صحبتك كلام الناس مايخلص وصعب ارضائهم لكل منهم وجهة نظر ..
وخواتك عماتك خالاتك ان شاء الله بيشلون العرس .. وامك بترتاح وتستانس بشوفتك عروس ومنزفه..
وبالنسبه لاختك .. ليش هالتحسس الكبير من هلامر . كل هذا عشان كلام الناس .. - وش عليك من كلامهم..؟
انا الان مطلقه وان شاء الله واحد من اخواني يتزوج وبعرسه بااحضره وبقاعه ماطرالي اقول بخليه عائلي عشان
محد يقول ايه هذا اخته المطلقه .. لو بنحسب حساب كلام الناس مابنحضر عرس ..
بعدين ليش اخذتي الموضوع بشكل سلبي قولي ان شاء الله ربي يفتح لها نصيب بعرسي ..
جارتنا متزوجه ومرتاحه وعندها اطفال وماعرفوها اهل زوجها الا بعرس كانت ترقص وسالوا عنها ..

نجي لترتيباتك ...
اذا انتي نظرتي للموضوع بشكل معقد ماراح ترتبين شئ .. هدي نفسك والدنيا سهالات ...
انا ماعندي خوات الا 2 وحده يوم زواجي بثالث متوسط والثانيه تعبانه شوي ..
يعني مالي احد وامي طيبه جدا مسالمه ولاعندها خبره كوني اكبر البنات واخواني اللي تزوجوا
انا اللي ادرت عرسهم ..
بعدين ياقلبي البنت امورها بالعرس اسهل من الولد ..
الحين انتي رتبي زفتك واحفظيها عن ظهر قلب .. يعني صم
عشان تعرفي وين توقفي ووين تمشي لحد الكوشه .. بالاول
اكيد توتر واخجل بس بعد كم دقيقتين ولا 3 يهون الامر
بعدين لاتنسين هذا يوم فرحك وفرحي امك وخواتك ..
نجي للبرزان وحوستهم وحلها بسيط ..
جيبي لك عامله خاصه للبرزان عشان مايطلعون لا على الكوشه ولا على الجسر
وكالعاده يكونو معاهم عصا للتخويف - خيرزانه - ..

بالنسبه للمشغل والتصوير وشغلاته ..
بسيييييييييييط انتي شوفي بالنت البنات اللي ساكنات هناك ...
وخذي ارقام المشاغل المعروفه هناك والتصوير بعد ..
وكلميهم وشوفو اسعارهم واستفسري ..
وروحي قبل العرس بفتره كافيه وشوفيهم واحجزي عند اللي يعجبك
وقت العرس ماعتقد كل محارمك مشغولين يودينكم الظهر او بعد الظهر
واول مايخلصون الحريم سوى يجي احد ياخذهم ..
وانتي بعدين تلحقينهم بالقاعه ..
او يكون الشغل بالبيت يعني لك ولخواتك وامك تجيكم الكوافيره بالبيت .
او يكون تجهيزك بالقاعه نفسه بغرفه العروس تجيك الكوافيره هناك ...
اختك بالشرقيه اي خدمه انا مستعده

واولا واخيرا ادعي ربك ييسر امرك ويوفقك ولاتدققين واجد .

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]