والله اخوي اللي اثار استهجاني ولا تزعل مو عبارات صديقاتها بل طريقة معاملتك لزوجتك !! مو مصدقه انك تفتش جوالها وتقرا مسجات صديقاتها لها عشان تعرف نوعية علاقتها معهم ؟؟!! والله لو يسويها زوجي انهار نفسيا لان هذي خصوصياتي وانا احيانا ارسل مسجات لاخواتي فيها كلام خاص عن اهلي مثلا او مشاكل عائليه واحيانا امي ترسل لي مسج تقولي فيه شي خاص عن عائلتي ما ارضى احد يقراه واحيانا امسحها واحيانا انسا وما يهمني لان زوجي عمره مافتح جوالي الحمدلله..
انا مارح اناقش موضوع هالكلمات مستهجنه ولا لا لان شكلك مارح تقنتنع اربع صفحات والعضوات اغلبهم يقولون لك عادي وانت مارديت عليهم.. انا اناقش موضوع زوجتك.. هل هي طفله عشان تخاف عليها من منحرفات؟؟ مهما كانت حسنة النية وساذجة هل بتوصل ان بنت تتحرش فيها مثلا وما تقدر تسوي شي؟؟ ولا انت خايف ان زوجتك تتأثر وتنحرف؟؟ يعني من الاخر هل انت ماعندك ثقه بزوجتك ولا حاس انها طفله وماتعرف تتصرف؟ لا تزعل من اسلوبي بس مخاوفك مو منطقيه مرة لو هي بنتك وعمرها 14 ولا 15 ممكن افهم لكن زوجتك ويمكن ام عيالك وخايف انها تصادق منحرفات وما تنتبه!!!!!!!!!!!!!
مو منطقي ابددد.. زوجتك عايشه في مجتمع نسائي مافهم كيف بتحميها انت؟؟ لنفرض ان المتجمع مليان منحرفات بتدخل معها كل عزيمة وكل زواج وكل محاضرة وتمنعها تكلمهم مثلا؟؟ بتراقب جوالها وعلاقاتها وبعدين؟؟ ياخي حتى لو فيه منحرفات زوجتك بتحس اذا تمادو وبدو يغلطون وبتعرف تتصرف انت ماتقدر تسكر عليها بالبيت وتراقبها وتحميها!!!!!!!! وحتى لو هي ماتعرف بتتعلم من التجارب لانك ماتقدر تدخل معها المجتمع النسائي ولا تقدر تحبسها..
انا عارفه اني قسيت كثير بس النقاش كان غير منطقي مرة .. بترضى هي تنبش جوالك وتقعد تحاسبك على طريقة حوارك مع اصحابك وتقولك انها مو مرتاحه لطريقتهم معك وشاكة انك ممكن تنحرف؟ وش بيكون شعورك ؟؟!! ياخي شوية ثقه هداكم الله مادري ليه تعاملون زوجاتكم كنهم اطفال..
__________________
04-12-2010, 01:52 PM
ضوابط المشاركة
العرض الشجري