مرحبا ....

1/ حالتك هذهـ يبغى لها دكتور نفسي لديك اكتئاب نفسي ورهاب اجتماعي ....

الدكتور النفسي عند بعض الناس غير مرغوب ولكن اخي الكريم علاجك عندهـ

والعلاج النفسي متى مااستقرت حالتك توقف العلاج بالتدريج .....

2/ وقف قدام المرايه وتكلم بصوت عالي قل وش ناقصني وظيفه وعندي وسامه الحمدلله

متزوج وعندي اولاد اللي نافصني حبتين ثقة نفس والحمدلله هاذي مايبغى لها واسطه

ولافلوس بكرهـ اولادي بيكبرون ويحتاجون والد ياخذون رايهم فيه والد يشار له بالبنان

مايبغون اب ضعيف الشخصيه حتى عرضه مايدافع عنه .....

زوجتك تدري عن حالتك ؟

كيف تجرأت وتزوجت ؟

اتمنى ان تجاوب على اسألتي ؟

__________________
حققت حلمي ...ولازلت انثى طموحه ....

الله يعطيك العافية

ماقدر اروح لطبيب نفسي واراجع العيادة النفسية لانه وقتها ريح يزيد الطين بله ... الناس اللي حولي الحيطين بي.... رح يحطوني مجنون ويحطموني زيادة وانا ماني ناقص... لان اغلب الناس يشوفني ويعرفني من بعيد لبعيد... ويحترموني... ولو دخلت مصحه نفسية كان شرشحوني الناس لاني اعرفهم زين اعندهم غير الحش والتتريق على خلق الله


زوجتي.... ماتعرف مايحصل معي بالخارج.... ولكنها تلاحظ حالتي وحتاره .. معي

الزواج تزوجت.... عندما كان والدي حي.... هو زوجني وتكفل بكل شي... حتى ان جنبي بجنبه ماتركني دقيقه يوم زواجي

اشكرك مره اخرى

__________________
عساني اليا طحت طيحاتي من عيون الرخوم
............................................ ان ما رفعتني ما تنقص لي مقام.
احذر نذالة منتصف الطريق ......... للمتزوجين.

للعشاق... الحب كذبه كبيرة كذبناها وصدقناها سوا حب الوالدين.

للرجالاحذر التنازل ولو مره..... للمراة.... فالتنازل مس لكرامتك..

للنساء ...... اتخذن من أم المؤمنين قدوة حسنة... واتركن هيفاء وهبي.

الثلاثاء الموافق خمسة ثمانية الف واربع مائه وسبعة وعشرون

انا ومن بعدي........الطوفان واللي يلحقني ..... العجراء فيه.

اخي الكريم .....

ليه تدخل مصحه نفسيه روح لعيادهـ خاصه ان كنت في الرياض دليتك على عيادات نفسيه

تحجز عندهم وتروح جلستك عند الدكتور اقل من ساعه ولاحد يشوفك ولايدري عنك حتى زوجتك لاتقول

لها صدقني راح يعطيك دفعات معنويه وثقه بالنفس .........

الناس ليه تراقبك لانك انت معطيهم اكبر من حجمهم لاتترك الناس تتحكم في حياتك....

انت لك حياتك الخاصه زوجه ...اولاد ...مسؤوليه ......

اجعل حياتك انت قائدها ولاتجعل غيرك يقودها ......

يبدو لي انك انسان اتكالي من طفولتك وتفاجأت بحياتك الجديدهـ فسببت لك توتر ....

عيش حياتك وعمرك انبسط مع زوجتك وعيالك اشغل يومك معهم لاتترك للوساوس مجال في حياتك

التحق بدوام اضافي ...اشترك بنادي صحي ......اقم علاقات مع زملاء العمل بتجمع بالاسبوع مرهـ

ننتظر جديدك ......

__________________
حققت حلمي ...ولازلت انثى طموحه ....

ياخوي

انت حاط الناس قدام عيونك عشان كدة ما تتقدم للأمام ولا خطوة

اترك الناس وشأنها وإن لم يتركوك وشأنك

لازم الإرادة والعزيمة القوية الصادقة للتغيير تنبع من داخلك انت

وتذكر (((إن الله لا يغير ما بقوم حتى يغيروا ما بأنفسهم )))

يا خوي مهما اتكلمنا وشجعناك وإنت من داخلك شايف نفسك مستحيل تتغير...بالفعل مستحيل تتغير

احنا كلنا ما نقدر نسوي لك شي

الأساس هو أنت نفسك.....

اجلس مع نفسك فكر وخطط وابدأ التنفيذ وأصر إنك تنفذ مهما كلفك الأمر من صعوبات

قد تفشل مرات ..

كل مرة اجلس مع نفسك ناقش خطأك من غير مبالغة واعزم على المحاولة

صدقني مرة على مرة على مرة ستنجح بإذن الله

أأهم شي تستعين بالله وتتوكل عليه وحده

الله يوفقك