|
انا جثة تتحرك على الارض ساعدوني
السلام عليكم
انا شاب عمري 33 متزوج ولدي 3 ابناء مشكلتي منذو اكثر ن 12 سنة وانا اعاني منها يمكن مامرت على احد ولا اعرف سببها .... على فكرة حياتي كلها اوهام عايش على امل تصير حياتي طبيعيه هي اول شي حيلي يكون رادي لابعد درجة ومن حين تنظر في وجهي تعرف بانني مريض واعاني من مرضاً ما .. كثير ناس يسألوني ويقلون وش تعاني منه... تضاريس وجهي حزينة...جداً نادراً ما اضحك.... شكلي من كثر التفكير وانشغالي بنفسي صار نحيل جداً وعظامي بارزة سلبي لابعد درجة ... تمر على اوقات اكرمكم الله والله لو تتفل بوجهي... ماقول شي... بس ابكي بيني وبين نفسي واعاقب نفسي بشدة كردت فعل شخصيتي ضعيفه لابعد درجة.... لذلك الناس تستغلني.... لدرجة ان احدهم يتحرش بزوجتي بوجودي... ولاقدرت ادافع عنها... وحين اختليت بنفسي بكيت بكاء بحرقة للمعلومية زوجتي بنت شريفة واخت رجال ومتدينة... ودايم تسألني انت وش فيك .. وتبكي على حالي... تحبني بجنون... وانا مادري وش فيني...حياتي كلها عذاب... والله ماعمري ارتحت في حياتي لو انه يوم.... وش اللي معذبني ومشغلني مدري...بس ماني مرتاح اخاف من الناس.... واذا كلمتهم اكلمهم بصوت خافت... اخاف اغلط عليهم واجيب لي مشكلة ويكرهوني..... اشوف نفسي اخس انسان على وجه الارض..... اشوف لو اني اموت احسن.....ماني بشع ولا داشر بالعكس وسيم واعمل... وكل شي تمام بس مدري ليه حياتي كذا حالتي كل مالها تردي وجسمي وزنه ينقص والشيب بدا يطلع براسي.... والله ثم والله اني دايم خايف واحس ان بطيح في مصيبة بس متى مدري احساسي كذا.... احس اني عايش عشاني تبلاني المصايب رحت لشيوخ تقراء علي.... يقولون مافيك شي.... سويت تحاليل...يقولون لي سليم.......... اللي اعرفه ان فيه شي.... معذبني وهايني.. ومخليني على نار بس ايش هو مدري احياناً اشوف جرءت الشباب وقوتهم واحسدهم.... مواقف مريت فيها تبين بعض الحالات اللي عندي = رحت ابيع سيارتي...بالحراج جابت 54 الف.... ولحقني واحد وبعتها عليه 52 الف ليه مدري.... يكن استحيت منه مدري... شخصيته القوية وصوته المرتفع خوفني وقلت بس انفك منه واريح نفسي = مره واحد يلاحقني بالسيارة قصدة يعاكس زوجتي.... المشكلة هو يعرفني ويعرف حالتي.... وماقدرت اسوي شي... وزوجتي السكينة والله مادرت عن السالفه.... يوم وصلت البيت بكيت بكاء مر وشافتني بنت الكبيرة(3)سنوات .. وكسرت قلبي ضمتني وقلت ابوي تبغا بطاطس وعصير اجيبلك امي ماتبي تعطيك.... تنيت لو الارض تنشق وتبلعني = اذا رحت لعزومه ينشف ريقي وما تحمل بس اجلس ثواني وامشي = نظرتي للناس... احسهم حاقدين على كلهم.... ويبون يضربوني.... او يسببون لي مشكلة = مره لحقتني بنت بالسوق..تعاكس.. خفت منها...وهربت وتركت اغراضي على الرغم من اني محاسبهم...... المهم اخلص نفسي = اخاف من البزارين الصغار... اقول في نفسي لو يلحقوني بالشارع ويمسكوني ويضربوني ويهينوني فضيحة وانا رجال كبير = ما اثبت على راي لو كلفني خساير طايلة والله العظيم ماعمري عشت يوم هني صافي من التفكير والعذاب والخوف هذا بعض المواقف وغيرها الكثير قبل لانسى.... مستحيل تعرف شخصيتي ليس... لانني لا اثبت على مبدا معين وكل يوم لي راي .... واقول في نفسي ياليتني شايب عمري 70 سنة منتهي من هالدنيا وراتاح واحيان اتمنى الموت على عيشتي هذي لاتضحكون علي .......... ابغى حل هذا ابتلاء... واذا فيه سئلة انا جاهز ... يمكن تقدرون تساعدوني اخوكم المحطم المعرف ماهو بلي... استعرته من صديق |
أخوي شخصيتك رائعة وأسلوبك في الكتابة وسرد الموضوع ما عليه غبار ينقصك الثقة بالنفس أنصحك: أن كنت تسمع الموسيقى وتشاهد المسلسلات اتركها داوم ع الصلوات الخمس بالمسجد أكثر من قراءة القرآن...وشغله دوم بالسيارة والبيت صلي تهجد آخر الليل أكثر من الإستغفار أكثر من قول لا حول ولا قوة إلا بالله أكثر من الصدقات أكثر من الدعاء الدعاء الدعاء فله مفعول السحر......وتحرى مواطن إجابة الدعاء لا لا لا تخاف من شئ,,,,,,,, ولا تخاف من بشر مثله مثلك كل المطلوب منك الإرادة والعزيمة الصادقة لما تريد شئ نفذه ولما ما تبي شئ ارفضه مرة على مرة تدريجيا تلقى نفسك شخصيتك صارت أقوى ياليت تقدر تراجع عيادة الدكتور طارق الحبيب يفيدك الله يفرج همك ويخليك لعيالك وتفرح فيهم |
فعلا اسلوبك بالكلاام اسلوب راقي
بس بسألك في طفولتك كنت تعيس او تمر بمشاااكل او تخويف اتوقع لطفووله لها دور في حياتك وانت بحاجه الى دكتور نفسي وانت بحاجه الى اصدقاء اوفياء تجلس معاهم وتتكلم بس مو شرط تبين لهم عن حالتك |
تم نقل الموضوع إلى القسم الأنسب.. |
اقتباس:
ثقتي بنفسي صفر والمشكلة الخوف والضعف والسلسلات والاغاني ماهتم فيهم الصلوات محافظ عليهم |
اخي الكريم شخصيتك ماشاء الله عليها وشكلك وسيم ولا البنت مالحقتك انت يبغالك انك تطلع من اوهامك حرام تدفن حالك كدة انت جريء وكتابتك لمشاكلك اكبر جراءة اطلع من اوهامك هذه عود نفسك عالشجاعة ادخل نادي يعلمك المصارعة والكارتيه والله اعرف شخص كدة قويت شخصيته وتحول 180 درجة ودايم اذكر الله الا بذكر الله تطمئن القلوب دائم استعيذ من قهر الرجال وكيد النساء والكسل والجبن وربي يوفقك هذه وساويس الشيطان خليك واثق من نفسك
|
اقتباس:
اختي الله يعطيك العافية طفولتي عادية جداً والاصدقاء للاسف اصدقائي واقاربي دايم يتريقوني على وعلى حالتي ويحاولون يستغلوني |
اقتباس:
اختي ام لؤي الله يسعدك حلو اللي تقولينه.... بس التنفيذ صعب للغاية.... انا الحين اكتب براحتي لانني وحدي... ولواقابل احد ماقدر اسوي شي... اصير كالطفل الصغير.... ليه مادري والله حتى بالعمل.... لولاء الخوف من الفقر والحاجة لجلست في البيت وماتحركت... ودايم يسالوني الزملاء ليش ماتطلع معنا ليش ماتشاركنا.... على الرغم من احترامهم الكبير لي.. |
ووووووووووووالله مو صعب جرب يااخي خليك واثق من نفسك قول لاء انا رجال ووسيم حاول مرة ماتزبط المرة الي بعدها بتزبط بس انت جرب ارجوك
|
اقتباس:
الله يجزاك خير بحاول ولوني عارف نفسي زين الله يسرها ادعيلي بالتوفيق |
| الساعة الآن 01:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©