يعني ايش ياتكلميني يا برمي نفسي بالبحر ؟؟ متأكده انه صار له حادث واخته اللي كلمتك

انا اقول خذي الكلام من أمه مو من اخته كلميها وسلمي عليها وقولي حمد الله على سلامة فلان

لا يكون فلم اكشن واخته مساعدته فيه بس يحنن قلبك عليه

جاء في الحديث الصحيح، عن النبي-صلى الله عليه وسلم- أنه قال: "أن من التمس رضا الله بسخط الناس رضي الله عنه وأرضا عنه الناس، ومن أرضا الناس بسخط الله سخط الله عنه وأسخط عنه الناس.

واذا انتي تبين تكلمينه كلمي ابوك وامك وقولي لهم

اذا وافقوا خلاص كلميه لا تذبحين عمرك ولا هو يذبح عمره

بكره ينتحر ولا يحرق نفسه تقولين كله منكم انتوا السبب

كلميه بدراية اهلك اخاف بكره يقول ما اتزوج وحده تكلمني ولا بيننا عقد ولا خطبه رسميه ولا شئ

باقي يدرس + يدور وظيفه + يكون نفسه او يجهز عمره + تفاهم على امور السكن وخلافه = زواج لكن متى هالزواج الله اعلم

3 سنوات تكلمون بعض او تمتد الى 6 سنوات ربما .....:14:

حطي النقاط على الحروف من البدايه علشان تعرفين وش لك وش عليك

لاننا ما نرضالك الا اللي نرضاه لأخواتنا

وانا ما ارضى لولد عمي يعلق اختي وبعد فتره يقول والله مابي اتزوج هونت ويطلع بينهم مكالمات واحنا اخر من يعلم ما تقولنا الا بعد ما يتركها ويهون من الزواج انها كانت تكلمه
ولا نقدر نغصبه الا تتزوجها ورجلك فوق رقبتك

اخواني شكرا ع ردودكم وتفاعلكم معي

واولا الملكه راح تكون اقل شي بعد سنه لان انا ادرس
واهو بعد يبي يخلص دراسه
لا اهلي ولا اهله بيوافقون ان الملكه تكون في اقل من سنه
وبعدين اذا ع سالفة انه بيجي يوم ويقول انا ما اتزوج وحده كانت تكلمني
لا انا وااااثقه من ذا الشي وواثقه بنفسي قبل لا اكون واثقه فيه
لان انا رضيت اكلمه لاني بنت عمه وخالته وسمعتي من سمعته ومستحيل يأذيني
وعايلتي وعايلته تقريبا اقدر اقول عايله وحده والحمدلله
وغير كذا خواتي متزوجين من اخوانه
والاهم انا واثقه فيه وبحبه
انتم ماتعرفون التفاصيل وقاعدين تحكمون ع اساس حكايات وقصص سمعتو عنها !!!
بس محد يعرف تفاصيل علاقتي معاه كثري
بالمختصر ثقتي فيه مستحيل تنهز
وان شاءالله ربي مايخيب ظني فيه
واذا ع سالفة الحادث انا متاكده منها
بس الحمدلله ماصار له شي
جات سليمه

وامي وابوي مايدرون اني اكلمه بس اهله يدرون
وانا بعض اخواتي يدرون

المشكله تتلخص في تعودنا ع بعض
فعلا انا اكثر من مره جربت اتركه بس اتعب نفسيا لدرجة اني اهمل كل شي في الحياه
واضعف وارجع له
وهو اكثر مني

احنا كان بيننا مكالمات ورسايل جوال ومحادثات ع الايميل ولساعات طويله
سؤالي الآن ؟؟
اذا اختصرنا الامر ع رسائل جوال (( فقط ))
وبشكل محدود واقل من السابق بكثيييييير
هل هذا يعتبر حل ؟؟؟


افيدوني

حل لأيش ردك الاخير هذا تقولين لنا مافيه مشكله

اكلمه واهله يدرون وخواتي يدرون وواثقه فيه مستحيل ثقتك تنهز فيه

خلاص مافيه مشكله من الأساس ليه تبين تخففين من المكالمات ؟

وش خايفه منه وانتي واثقه فيه كلميه ولا عليك من احد

نصائحنا قدمناها لك بردودنا السابقه لإرضاء ضمائرنا فقط

وانتي ارضي ضميرك وربك سبحانه وتعالى

ولاكن للأمانه من واجبي ان اكرر حديث نبينا صلى الله عليه وسلم

"أن من التمس رضا الله بسخط الناس رضي الله عنه وأرضا عنه الناس، ومن أرضا الناس بسخط الله سخط الله عنه وأسخط عنه الناس.

فكري بمعنى هذا الحديث والله يوفقك ويستر عليك

الله يوفقك بدراستك ويكتب لك اللي فيه الخير


؟؟؟؟؟

سبحان الله اذا دروا خواته وخواتك عنكم معناه صح !!!!!!!!!!!

لاغلط طبعا والله اهلك مو رب العالمين عشان تقولين يدرون عني

ادور رضاء ربي قبل رضاءااهلي او أيأ كان

بالفعل ماقصروا الأخوه والأخوات هنا ردوا بشكل شاافي الله يجزاهم الجنه ولافض فووهم

ياجنا انتي مو راضيه تتغيرين احس من كلامك مااحدن بيعبي راسك

والأخ في الله عاشق الجواهر برررد قلبي في رده


والله يااختي قالوالك النصيحه من قلب مو ملزومين هم يقولون لك رايهم ومن الممكن يجاملونك

ويقوولون ايوا يااختي هذااحب... ماتقدرين.... صح عليك.... ايوا ....كملي مشوارك>>>>وغيرها من

المجاملات

لكنهم تحدثوا بماأملت عليهم ضمائرهم

وانتي حكمي عقلك قبل عاطفتك


هداكِ الله للرشد ورضي عنك ِوحفظكِ من كل سوء وسترنا وإياك بستره الجميل

__________________

صح
يمكن انا قاعده الف وادور مع اني عارفه الصح من الغلط
بس لا تلوموني
انا احبه ومتعلقه فيه
وهذا الشي الي مخليني متردده
مشكلتي عاطفيه بزياده وعاطفتي تطغى ع قراراتي
ا
اخوي عاشق الجواهر شكرا لك وجزاك الله كل خير ع كل كلمه نصحتني فيها

ولكن !
انت يمكن مافهمتني صح
انامشكلتي مو في خوفي منه او الخوف من عدم ثقته فيني بعد الزواج !!
لأ
انا اقصد ان مكالماتنا وتواصلنا بأي طريقه هو الشي اللي مضايقني
يعني خوفي مو من خطيبي انا خوفي من ((ربي اولا واخيرا))

ومعليش سامحوني
اذا حسيتم ان في بعض كلامي تناقض
في هذا الشي يرجع لعاطفتي المفرطه وسيطرتها علي بشكل كبير
عشان كذا سرت اختلق لنفسي اعذار وتبريرات

بس ان شاءالله اقدر
آخذ قرار سليم
بعقلي بعيد عن العاطفه ومايزينه لي الشيطان
واهم شي يرضي ربي وظميري ثانيا

وانا يمكن كنت محتاجه توجيه بسيط
وانتم ماقصرتم

كل من قدم لي النصيحه مشكوريــــــــــــــن
وردودكم كثير فادتني
جزاكم الله خير
والله ييسر اموركم
ويوفقكم جميعا لما يحبه ويرضاه


دمتم بحفظ الله ,,,

عفوا بس حبيت اوضح شغله
لمن قلت ( انا كنت اختلق الاعذار والتبريرات )ماقصدت اني كنت اكذب عليكم بتفاصيل مشكلتي
لا ابدا وربي شاهد
بس انا كنت احاول ادور لنفسي عذر عشان ما ابعد عن خطيبي
زي مثلا سالفة الحادث هي صحيحه
وانا حطيتها عذر وتبرير لان استمر في مكالمته
بس انا بقرارة نفسي ادري ان مافي شي بالدنيا يستاهل
اسخط ربي عشانه

اسفه ع الاطاله سامحوني

شوفي عزيزتي

ياما ناس تزوجوا وهم لسه ما كملوا دراستهم وصار عندهم عيال بعد

وانتوا ودكم لو تملكون بس

ودامكم من نفس العائلة شوفوا لكم شخص له تأثير على أبوك وعمك عشان تعجلون بالملكة

وحاولوا تطمنون الأهل إن ملكتكم على بعض بإذن الله ماراح تأثر على دراستكم وما بيصير إلا خير

بالعكس كذا ترتاحون ونفسيتكم تصير حلوه

بالتوفيق

اختي جنا العطر
انا بأعطيك اللي عندي و انتي براحتك
سوي اللي يريحك فيه ضميرك

اولاً .. من ناحية المكالمات
اجد تهويل للامر .. على انه نسبة جوازه مختلف ايضاً

ثانياً ..
انا بالنسبه لي . كلمت خطيبتي و هي قريبه لي
والحمدلله حبيتها اكثر و الخميس الجاي ملكتي ولله الحمد
جلست 3 اشهر اكلمها .. وعرفت عنها اكثر و اكثر

ولاني كنت احبها و تحبني .. ارتبطنا في بعض اكثر
والحمدلله وفقنا الله و دفعت المهر و ملكتي الاسبوع القادم ..

ان اشوف انه مافيها شي
وفي الشرع لا يوجد حديث او نص صريح يقضي بحرمة الكلام بين الرجال و النساء
وبالاخص بين المخطوبين ..

هو جاي يتزوجك ..
واللي بينكم حب

فلا تأجرين عقللك و قلبك وخصوصاً في امور كهذه بين مشاركات و اقلام
وفي الاخير ( انتي اللي راح تتعبين )

انتي الان اللي استفديه شي واحد فقط
( الهم ) و تعبتيه معاك ..
واخاف انه راح يكرهك من تصرفك اللي ماله داعي


الولد يحبك و يبغى يتزوجك .. وانتي تحطين عقبات
ما انزل الله بها من سلطان


والامر في الاول و الاخير يرجع لك
وما راح اعلق في هذا الموضوع بتاتا
لانني سوف اجد من يعارض و من يعمل و يعمل
وكـأن الرجل وحش و يريد النيل منك

__________________

اخوي سمايل اولا الف مبرووووك والله يبارك لكم ويتمم على خير يارب
وبعدين انا قرأت الفتوى اللي تقول ان حكم مكالمة الرجل لخطيبته هو جائز ولكن بشروط
يعني مو محرم
وانا كنت عارفه هذا الكلام من الاول
بس الي خلاني اغير تفكيري واتردد في مكالمته
هو ردود بعض الاعضاء سواء في منتداكم او بمنتدى اخر وبمواضيع شبيهه بموضوعي
كلامهم جعلني اعيد النظر
وعشان كذا انا سجلت بالمنتدى

وبالنسبه للاخ المتهندم لمن قلت

اقتباس:

يا أخي الكريم الشغلة ما هي بس تتعرف عليه ويتعرف عليها الأمر أكبر من كذا لاحظ كلامها: (انا خايفه عليه وخايفه ع نفسي من شي حرام اكثر من مجرد مكالمات ورسايل) علشان كذا العلماء حذروا من الكلام العاطفي بين المخطوبين بدون عقد لأنه ممكن يؤدي إلى أمور أكبر من مجرد مكالمات وهم ما زالوا أجنبيان وليسوا زوجين شرعا

اخوي انا قصدت اني اذا تركت مكالمته وقتها بأخاف على نفسي وعليه
يعني اذا انا تركته راح اترك فراغ كبير بحياته خاصه واني كنت شي اساسي بالنسبه له
ويمكن يروح يعوض هذا الفراغ بشي حرام !!!
يعني يكلم خطيبته ولا يتجه للحرام ؟؟
وانا اذا تركته بعد بيكون في عندي فراغ مثل ماقلت لكم انا ما ادرس (حاليا)
بس ان شاء الله قريبا يعني ع الترم الثاني
وامي تقول مافي ملكه لين تدرسين
حبيت اوضح هذاالكلام للاخ عاشق الجواهر لانه ظن اني اكذب !!!

عموما
مشكورين ع الردرود جميعا

أخوي سمايل أبارك زواجك وأسأل الله لك السعادة في الدنيا والآخرة

لكن يبدو أنه يحصل سوء فهم أو سوء تقدير عند الكلام عن الأمور المختلف فيها شرعا

لذلك المفروض من صاحب المشكلة إذا أراد الحل العلمي الشرعي المناسب لمشكلته أن يعرضها بتفاصيلها على عالم أو شيخ حكيم له بعد نظري في الأمور

لأننا هنا في المنتدى قد تغيب عنا بعض التفاصيل التي لها تأثير في القضية فنحكم بناء على خلفية مسبقة قد تزيد الأمر سوءا

كما أوردت يا أخي من قبل المشكلة ليست في الكلام بل هي في نوعية الكلام (هل هو كلام عاطفي أو كلام عادي)

عموما لن أسترسل في الكلام عن هذا الأمر فالأهم هنا هو الحل لمشكلة الأخت

ونصيحة لأختي الفاضلة أولا أن تستعين بالله وتقول دائما بصدق: (اللهم اهدني وسددني)

ثانيا هناك قسم للاستشارات الخاصة موجود في المنتدى وفيه عدد من المختصين إن شاء الله يعينونك في حل مشكلتك

وكوني يا أختي على يقين من قول الله سبحانه: (ومن يتق الله يجعل له مخرجا)

صدقيني احرصي على ما يرضي الله سبحانه واسعي له (ليس فقط في مشكلتك بل في جميع أمور حياتك) والله سيرضيك ويعطيك ما تتمنين وأفضل منه

أسأل الله لك يا أختي السعادة والتوفيق

__________________
(إنما عند الله هو خير لكم إن كنتم تعلمون)
(ما عندكم ينفد وما عند الله باق)