اخي الكريم اول شيء تحملني و خلني اقولك عسى ولا عله اوصل المعلومه .. مع احترامي لعادات و تقاليد الدول لاخرى اخي الكريم .. احب اقولك انه مساله الجوال جدا عاديه !! منو ما عنده جوال !! و منو ما عنده خبره بالتلفونات !! اخي الكريم اخي بعده بزر و يعرف بالرنات و الدخول على النت من خلال الهاتف .. تعوذ من ابليس على هذا الموضوع .. اخي في الله .. الانسان يتربى اب بيت و كثير من الاحيان عنده اخو من امه و ابوه و لكن يختلف عنه بالشخصيه و التصرفات .. البنت في سن ال 18 يعني انت اكبر منها اب 6 سنين تقريبا .. الي علموها اياه اهلها في بيتهم صعب جدا انك تغيره اب يوم و ليله .. البنت ما اقولك صغيره و لكن اختلاف العمر حتى لو يوم ساعات يسبب عدم فهم الاخر .. ممكن جدا يكون عندها صديقه مقربه عليها تتصل عليها بليل و تتكلم معاها ليش فكرت على طول بالعلاقات المشبوه !! انا شخصيا اكلم بنت عمتي قبل صلاة الصبح و نسولف و اهلي يدرون اب هل الشيء هذا غير صديقاتي الي عايشين بالخارج و اختلاف الوقت .. ممكن اهيا من النوع الي تحب تسشولف قبل لا تنام اخي .. شيء ثاني على طاري انها تدعي بليل و تصلي .. انت قلت بالبدايه اخي انها مصليه و خوش بنت .. ف اذا كانت تدعي بليل خير و بركه و لكن اذا كانت نايمه ف دينك يسر و ليس عسر لا تطلب منها شيء من هل القبيل لانه لازم يكون نابع منها هي .. على طاري اللبس الفاضح انا من خلال كلامك و لهجتك اخي حسيت انك من السعوديه ف اشلون لبس فاضح و انتو في ديرتكم لبسكم محتشم ؟ سامحني على جهلي و لكن فعلا انا مو رايحه السعوديه ولا مره و لكن الي اعرفه انه ممكنوع من غير حجاب و عبايه ! .. و ان كان ضيق بعض الشيء و انت مو متعود عليه هل يعقل ما شفتها ولا مره قبل اليوم الي شفتها فيه بالسوق !! اخي الكريم لمن تقولك انا ما اخذ اخوي على شان اخذ راحتي ممكن اخوها من النوع الي ما يحب السوق و يبده يحن و يستعجلها بالشراء ف السوق ماكو مراه ما تحبه اب صراحه .. و على طاري انها تسال يعني شيء طبيعي انها تسال عن السعر ما اشوف فيها شيء ابد !! ممكن لاني من ديره ثانيه !! .. اذا كان الهدف شراء ف مو حرام اخي .. اخي انت قاعد تعرف على شخصيتها .. انت بنيت حلمك انها ملاك و لكن نحن بشر و خطائيين انت ايضا اكيد فيك عيوب .. احسك تقول ليش كل هذا الدفاع عن الزوجه .. اخي الكريم الطلاق مو شيء سهلو غير هذا البنت صارحتك انك ما تعطيها نصيبها من الكلام الحلو و انت تقول ربع ساعه اقل شيء مكالمه و لكن ايضا تقول انك تنام و تقوم الفجر و تلقاه مشغول !!! اخي انا لو خطيبي يقولي بدقلج بليل قبل النوم و ما يدق و انا ناطره اكيد ازعل .. يمكن اهيا تتدلع عليك اخي .. اذا تحس انك مو مرتاح فل بسرعه قبل الزواج .. كون متاكد ميه ميه انها زوجه صالحه تنفع مو بس حلم و ملاك جميل .. اذا كلمتها و حسيت لا تغيير باللبس او الاسلوب و هل الشيء صعب اخي بالاخص اذا كانت متعوده تسال و تحب السوق ..حرمانك حقها راح يخليها تعسيه .. في بنات عندهم اهم شيء الطلعه و الوناسه و لمن تتزوج تحس انها تنسجن ف اعرف منو شريكتك و شوف اذا تتوافق معاها و هل هي من النوع العنيد او لا .. امور كثيره .. ممكن اخي تكون متعطشه للدلال منك و كلام الغزل اب هل الفتره الحلوه و قد تكون اخذه بنصيحه ناس غير كفوء و من دون شعور قاعد تخرب على نفسها .. نصيحتي تتكلم وياها و تصارحها بالي مو عاجبك و شنو تبي منك بالضبط .. على شن يتم الوفاق .. اتمنى الله يعطيك على قد نيتك و اتمنى اني ما اكون ثقلت
اختكم بني