مشكلتي انا وزوجي
السلام عليكم انامتزوجة من 6سنوات.. حابة اشرح لكم مشكلتي لكن مادري كيف اشرحها لكم المشكلة اني انسانة رمانسية وزوجي لا.. بعيد كل البعد عنها لاكلام ولا تصرفات واذا طلبت منة مايستجيب مني ابدامن اول ماتزوجتة وهو كذا حاولت اغيرة لكن غير قابل للتغيير اصبحة وامسية بحبيبي عمري وهو لاتغير ولا هم يحزنون .. لو أنا طالبة منة شي صعب كان اقول معة حق لكن شي مايتطلب لا تعب ولا مجهود انا ابغاة يحسسني اني مرغوبة له.. اذا سألتة عن حبة لي يقولي لو انا ماأحبك كان ماعشت معك كان اخليك من اول ليلة لكن هذابالنسبة لي مو دليل ياما ازواج عاشوا مع بعض وهم ماحد يحب الثاني واستمرت حياتهم إذا غبت عنة فترة كل يوم يكلمني ويقولي انة مشتاق لنا صراحة انا مو فاهمة طريقتة ...انا احس انة حاقرني مايراني شي والدليل طريقة تعاملة معي يعني لو انادية مايرد زي مارد علية انا بل العكس يرد على وهو متضايق بطريقة تنفرني ام اطفالة يضحك معاهم ويدلعهم ونفسيتة عال...صراحة هو اول ماتزوجتة كان عسل معاي طبعا من دون تدليع لكن كان طيوب... كان يحسسني بوجودي عندة يطلب رأيي لكن الحين لا ...انا الحين احس اني مالة من حياتي اشد الملل لا كلام ولا شي مادري ليش اتغير معا ي ....اذا قلتلة اجلس معاي خلنا نسولف مع بعض يقولي بهواش وش نتكلم فية نفسيتة صارت اعوذ بالله ...صرت احبذ انه ما يجي للبيت من غير شر ...هو كان قبل يقولي انت ماعندك ثقافة ..انت ماتفهمين لدرجه صرت اشك بنفسي صرت احس اني فعلا مافهم ..(لكن وش لون مافهم وانا متخرجة من الكلية بتقدير جيد جدا مع مرتبة الشرف)صرت ماحب اتكلم بشي اخاف يصير غلط ...واذا صارغلط يبدا يعلق علي بطريقة تضايقني انا ابغى حل ابغى اتقرب منة لانة بدا يبتعد عني ابغى املك قلبة لان اخاف الملل يدمر حياتي ساعدوني
__________________
[IMG]
[/IMG]
31-08-2006, 12:17 AM
ضوابط المشاركة
العرض الشجري