|
مشكلتي انا وزوجي
السلام عليكم انامتزوجة من 6سنوات.. حابة اشرح لكم مشكلتي لكن مادري كيف اشرحها لكم المشكلة اني انسانة رمانسية وزوجي لا.. بعيد كل البعد عنها لاكلام ولا تصرفات واذا طلبت منة مايستجيب مني ابدامن اول ماتزوجتة وهو كذا حاولت اغيرة لكن غير قابل للتغيير اصبحة وامسية بحبيبي عمري وهو لاتغير ولا هم يحزنون .. لو أنا طالبة منة شي صعب كان اقول معة حق لكن شي مايتطلب لا تعب ولا مجهود انا ابغاة يحسسني اني مرغوبة له.. اذا سألتة عن حبة لي يقولي لو انا ماأحبك كان ماعشت معك كان اخليك من اول ليلة لكن هذابالنسبة لي مو دليل ياما ازواج عاشوا مع بعض وهم ماحد يحب الثاني واستمرت حياتهم إذا غبت عنة فترة كل يوم يكلمني ويقولي انة مشتاق لنا صراحة انا مو فاهمة طريقتة ...انا احس انة حاقرني مايراني شي والدليل طريقة تعاملة معي يعني لو انادية مايرد زي مارد علية انا بل العكس يرد على وهو متضايق بطريقة تنفرني ام اطفالة يضحك معاهم ويدلعهم ونفسيتة عال...صراحة هو اول ماتزوجتة كان عسل معاي طبعا من دون تدليع لكن كان طيوب... كان يحسسني بوجودي عندة يطلب رأيي لكن الحين لا ...انا الحين احس اني مالة من حياتي اشد الملل لا كلام ولا شي مادري ليش اتغير معا ي ....اذا قلتلة اجلس معاي خلنا نسولف مع بعض يقولي بهواش وش نتكلم فية نفسيتة صارت اعوذ بالله ...صرت احبذ انه ما يجي للبيت من غير شر ...هو كان قبل يقولي انت ماعندك ثقافة ..انت ماتفهمين لدرجه صرت اشك بنفسي صرت احس اني فعلا مافهم ..(لكن وش لون مافهم وانا متخرجة من الكلية بتقدير جيد جدا مع مرتبة الشرف)صرت ماحب اتكلم بشي اخاف يصير غلط ...واذا صارغلط يبدا يعلق علي بطريقة تضايقني انا ابغى حل ابغى اتقرب منة لانة بدا يبتعد عني ابغى املك قلبة لان اخاف الملل يدمر حياتي ساعدوني
|
الله يعينك مشكله عويصه عن جد
حاولي تعرفي اذا شي منك مضايقه وهو لا يستطيع ان يطلبه منك تحدث كثير من الرجال يريد ان تتغير المرأه دون امر هذا غريب لكن موجود بعدين انت ماحددت مستواه التعليمي ولا كيف علاقاته مع الاخرين الله يساعدك زيدينا عنه معلومات نحاول نفهم اكثر |
اقتباس:
للاسف مستواة التعليمي ثانوية عامة وعلاقتة مع الاخرين ممتازة وذو شخصية قوية يعنيمافية عيوب في علاقاتة. |
ماتعتقدي انك جامعيه وهو لا مؤثر
|
حبيبتي يمكن شايف شي مو عاجبه
وانتي من خلال كلامك ذكرتي السبب الي هو منفره منك قال انتي مو مثقفه ! هذا من وجه نظره هوى يمكن اختي انك تكلمينه بطريقه تنرفزه وعندك عادي وهو يشوفه غباء !! حاولي تناقشينه حتى توصلي للسبب الحقيقي والله يسرك ويصير زوجك روميو ههههههههه |
انا طبعا لا احلل لانك بعيده لكن احاول اعطيك اسباب وانت تفكري اشعر انه يحبك جدا جدا جدا لكن بيخاف منك حاولي تعطيه الامان وتخرجيه من الدبلوماسيه الزائده امنيه اطريه حسسيه انه الافضل مهما فعل واطلبي منه ولو اضطريتي بشكل مباشر الشي اللي تريديه
|
اقتباس:
بالنسبة للأمان مابقصر ابد معاة مدلعتة اخر دلع لكن النفس وماتهوى وطلبت منة بكل الطرق لكن يحب يعاندني ويحس ان طلبي لة كأنة فرض رأي مني . ومشكور على تعاونك معي |
اقتباس:
ممكن يكون كلامك صحيح صراحة انا من كثر ماهو يناقشني ويدقق في كلامي ويسوي لي امتحانات فجائية صرت ماأعرف اتكلم معاة لما ابدا احتاس ومادري وش اقول :11: صراحة مع الناس انا مو كذا بالعكس مجلسي ماينمل وكلامي كلام الواثق لكن معاة العكس علميني كيف العلاج |
مرحبا اختي
الزوجه تكون حساسه في ابسط الامور من زوجها لان هو كل شي بالنسبه لها وانتي مشكلتج مش كبيره لهذي الدرجه بس حاولي انج شوي تبتعدين لاتشغلين بالج وايد فيه لان يمكن تملل . مـــــــــــــثــــــــــــــــــــال : زوجي لين اعطيه اهتمام احس ان يبتعد شوي والعكس تماما اذا هو اهتم فيني احس اني ماعطيه لاني اخذ وانسى اعطيه. هذا سبب اول ...... والثقافه مش في الدراسه والتفوق انا مروا علي ناس وايد من اهلي وصديقاتي ما شاء الله نسبتهم عاليه وتقاديرهم ممتازه بس في الكلام مافي اسلوب , تفكيرهم بسيط , مش ملمين في امور الحياه , وهذا من قله احتكاكهم بالعالم الخارجي وقله الصدقات. مـــــــــــــثـــــــــــــــــال: انا ويا زوجي دايما يعايرني اني مافهم بالكمبيوتر وتخصصي كمبيوتر ... واذا اسأله عن الاخبار في مواضيع السياسه يضحك علي يقول جامعيه وجدامج التلفزيون طول هذي الفتره وحنا انشوف ماتعرفين شصار ولا شقالوا ولا يجاوبني واذا سول معاي اقول شلون مافهمت يقولي انتي اصلا ماتفهمين ويكلمني كان يكلم الهنود مثل انا يسوي , انا يبي يروح, وجذيه لدرجه حسسنس اني غبيه وصرت انا اكلمه بثقه واحاول اقرا واعلمه بالاخبار وقمت اطور من نفسي هذا الرجل اللي يبي وحده نبيهه وذكيه وليس من تفوق الدراسه لازوم تشوفينه يميل حق شنو السيارات دخلي معاه قولي حبيبي هذي موديل كم هذي حلوه انا احب هذي النوعيه وسئليه كم سلندر هذي وغيره من الاسئله والله يوفقج واتمنى ان نكون فدناج.. |
اختي اعتقد ان مشكلتك الرئيسيه هو ان عالمك وطاقتك واهتمامك كله ينصب لنفس المركز الا وهو الزوج, والازواج انواع اختي يعني اللي يصلحلج مايصلح لغيرك في ازواج يحبون الاهتمام وفي ازواج يحسسهم الاهتمام بالتقييد والضيق..
وسعي نطاق اهتماماتك, نوعي ثقافتك اعملي لنفسك عالم من الثقافه الاجتماعيه الاقتصاديه المنزليه التربويه وكل هذا متوفر على الانترنت. اخر ما لاحظته من كلامج انك في محيط زوجك طوال الوقت (فجي عنه) شوي والبسيه شوي حسسيه انج مشغوله ومب مهم وايد انه يرد ولا مايرد يهتم ولا ما يهتم وحاولي اتقلدينه بدون ما يحس في حركاته وتصرفاته وشوفي النتيجه وخبرينا. |
| الساعة الآن 10:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©