أردت ان اضع لكم بعض وجبات الفطور الشعبية اللى عن نفسى بأعملها بس بصراحة يوم الجمعة فقط أو لما يكون عندى ضيوف ودا لعيون bret233وكل البنات طبعا
أولا المسقعةبالباذنجان

_احضرى حبة باذنجان سوداء متوسطة الحجم وقشريها واقسميها بالسكين نصفين طوليا ثم قطعيها حلقات ورشى عليها قليل من الملح

_اقلى الباذنجان الحلقات فى زيت للقلى قليلا ثم صفيها واتركيها جانبا

_احضرى حوالى 3 فصوص ثوم وافرميهم جيدا وشوحيهم فى معلقة زيت

_اضيفى 2حبة طماطم مقشرة ومقطعة قطع صغيرةمع اضافة الملح والكمون وقليل من الفلفل الاسودوحوالى ربع كوب من الماء المغلى

_اضيفى حلقات الباذنجان الى الخليط على النار ولا تقلبية حتى لا يتهرى لكن بس حركية حتى يندمجا معا

_اخفضى النار عليها وغطيها لمدة 3 دقائق ثم قدميها ويمكنك وضعها فى قارب بالفرن مع معلقة صلصة على الوجة تحت الشواية لتاخذ لونا فقط وتقدم بالقارب مباشرة



ثانيا:الفلفل الرومى المقلى

_اختارى عدد حبات الفلفل الرومى الاخضر أو الطولى حسب الرغبة والعدد مثلا 8حبات

_اقلى حبات الفلفل الرومى بالزيت الغزير ثم ضعية فى طبق التقديم وضعى علية الخلطة الاتية
3أو 4فصوص ثوم مفروم مع 3معالق خل ابيض+كمون +ملح حسب الرغبة وتخلط جميعا وتصب فوق الفلفل ثم يقدم وهذا الطبق يقدم بجانب طبق اخر


ثالثا:الفول بعدة انواع

أولا ممكن تجيبى الفول مثلا حدائق كالفورنيا ممتاز بالخلطة المصرية بيكون جاهز بس بتسخنية وتقدمية لكن عن تجربة انصحك بأنك تقطعى علية حبة طماطم مقطع صغير مع قليل من الماء وعلى النار قليلا ثم قدمية وعلية معلقة كبيرة زيت زيتون

2_فى من نفس النوع فول مدمس بدون خلطة ودا تغسلية اولا من الماية اللى فية وبعدين فى طرق مثلا لو تعملية بالتقلية
_هاتى فصين ثوم مفروم وشوحية فى معلقة زبدة ثم أضيفى طماطم مقشرة ومقطعة صغير جدا مع الملح والكمون ثم

-اضيفى علبة الفول بدون خلطة عليها مع قليل من الماء حتى يسخن وضعية فى الطبق ثم اعصرى علية نص ليمونة صغيرة وقلبية وقدمية

3_فول بالباشميل

_هاتى بصلة مفرومة تكون صغيرة و2فص ثوم وضعيهم فى الزيت عند الاصفرار اضيفى لهم الفول المدمس ايضا بدون خلطة واملح والكمون
_صبى المكونات فى قارب الفرن ثم اضيفى عليها من فوق مية من البشاميل اللى انتى تكونى عملاه من قبل بس ضيفى بيضة واحدة مع الباشميل وصبية على الفول ودخلية الفرن