السلام عليكم

كيفكم اخواني واخوتي


بصراحه فيني ضيقه وارق مو طبيعي ومقهور ومتفشل وكل شي ولله احس نفسي مولع من داخل نار

الموضوع ياجماعه


يخص خواتي

حنا متعودين كل خميس نجتمع عند أمي اخواني وخواتي الكبار الي متزوجات طبعا بحكم أن ابوي متوفي الله يرحمه
انا يوميا عند أمي اروح لها اشوف تبي شي اجيب لها وزورها كل يوم طبعا اخواني نذلين واحد ما يجي الا بالاسبوع مره كنه ضيف والثاني دايم مسافر بكم طبيعه عمله

طبعا يوم شريت بيت شريت بنفس الحي الي ساكنه فيه مرغم غصب عني

قلت لها شوفي خلينا نبيع البيت وابني انا ونتي فلل جنب بعض هي اقتنعت
بعد شوي قلت لا منب طالعه طبعا بعد ما قعدو يلعبون براسها اخماس في اسداس

قلت خلاص بشتري بيت عنك ودور لين لقيت

المهم
انا اعاني من خواتي طريقتهم في معامله زوجتي

مع ان زوجتي ما تزورهم الا بالاسبوعين مره مو عن شي بس ما يبونها تضايقم بجمعتهم

قلت خلاص كل اسبوعين او ثلاثه روحي قالت خلاص المهم بعد

طبعا هي تجي يوم سبت او احد المهم غير وقت يوم الخميس

جت المسكينه اليوم قالت مدام خواتك مجتمعين عند امك خلني اروح اسلم عليهم بعدين اطلع ودني عند اهلي قلت خلاص
مع العلم ان لها اكثر من شهر ماشافت خواتي

رحنا بعد صلاة المغرب
جلسنا وقمة السخافه مايكلمونها يتكلمون مع بعض وتاركينها وهي يا بعد عمري جالسه على نياتها ماتدري وش السالفه

حتى القهوه يالموت يصبون لها

مسوين دائره وجالسن يسولفون بصوت خفيف وهي على جنب ونا مغير ارقع الموضوع فشلوني
قامت بتسلم على امي بتروح عند اهلها سلمت على امي والباقين قالت لهم يلا يابنات مع السلامه نظرا لكثرهم

محد رد عليها وعادتها ثاني مره ومحد رد عليها


ولله فشلوني
شين وقوايت عين يجون ويقلبون راس امي وهي عارفه محد يداريها غيري بس امي

ولله فشلوني وقهروني يعني جيتها اقل من ساعه ليش كذا وهذي حركاتهم من تزوجتها

تراني منقهر يا جماعه

حتى اخواني ما يشاركوني بمسؤلية بيت أمي
يعني انا يوميا عندها وبيت طويل عريض محد مقابله غيري فواتير ومقاضي وكل شي علي انا
وهم ما لي شغل حنا مشغولين
ولله ان دوامي اصعب منهم وشفتات وطريق طويل تخيلو انا اشتغل بالمطار وبعض الايام يصير دوامي الفجر
تدرون ليش انا منقهر

كل الي اسويه واخر شي بنظرهم ما سويت ولا شي وقلة الادب الي يعاملون فيها زوجتي
انا خلطت الامور في بعض بس ولله منقهر